23 අංගුත්තර නිකාය 2 - සූත්‍ර.pdf
- ප්‍රකාශිත වර්ෂය :
- 1956
- මුද්‍රිත වර්ෂය :
- 1956
- පිටු ගණන :
- 575
- බාගත කිරීම් ගණන :
- 3,447
- වෙබ් අඩවියට එක් කළ දිනය :
- 2015-10-18
- ගොනුවේ ප්‍රමාණය :
- 18 MB
පොතේ පිටු කිහිපයක ඡායාරූප පහතින් බලන්න.
මෙම ග්‍රන්ථය බුද්ධජයන්ති ත්‍රිපිටක ග්‍රන්ථ මාලාවේ 19 වන වෙළුම (සූත්‍රාන්ත පිටකයේ 13 වන ග්‍රන්ථය) වන අංගුත්තර නිකාය දෙවන භාගයයි. මෙහි සම්පූර්ණයෙන්ම අන්තර්ගත වන්නේ චතුක්ක නිපාතයයි.
බුද්ධ ජයන්ති ත්‍රිපිටක පරිවර්තන කාරක සභාවේ අංගුත්තර නිකාය සංශෝධක මණ්ඩලය වූ පණ්ඩිත කෝදාගොඩ ඤාණාලොක හිමි, පණ්ඩිත පරවාහැර පඤ්ඤානන්ද හිමි සහ පණ්ඩිත තලල්ලේ ධම්මානන්ද හිමි යන ථෙරවරුන් විසින් මෙය පාලි පෙළ සහ සිංහල පරිවර්තනය සහිතව සංස්කරණය කර ඇත. බුද්ධ වර්ෂ 2500 (ක්‍රි.ව. 1956) බුද්ධ ජයන්ති මහෝත්සවය නිමිත්තෙන් ලංකාණ්ඩුවේ අනුග්‍රහයෙන් මෙය මුද්‍රණය කරවා තිබේ.
චතුක්ක නිපාතය පණ්ණාසක පහකින් සහ වර්ග 27 කින් සමන්විත වන අතර, අවසානයේ එන රාගාදි ක්ලේශ ප්‍රහාණය දැක්වෙන සූත්‍ර 510 කින් යුතු ‘රාගාදි පෙය්‍යාලය’ පාඨක පහසුව පිණිස විස්තරාත්මකව සකස් කොට සංග්‍රහ කර ඇත.
සංස්කාරක නිවේදනය
අංගුත්තරනිකායෙහි චතුක්කනිපාතය අවසන් කොට ඇති මේ ද්විතීය භාගය බුද්ධජයන්ති ත්‍රිපිටක ග්‍රන්ථමාලා සංඛ්‍යාවෙන් එකුන්විසි (19) වැනි සූත්‍රාන්තපිටක ග්‍රන්ථ සංඛ්‍යාවෙන් තෙළෙස්වැන්න ග්‍රන්‍ථයයි.
ත්‍රිපිටක පරිවර්තන සංස්කාරක සභාවෙහි අංගුත්තරනිකාය සංශොධක මණ්ඩලයට ඇතුළත් ශ්‍රී ලංකා විද්‍යාලංකාර විශ්ව විද්‍යාලයෙහි කථිකාචාර්‍ය්‍ය පණ්ඩිත කෝදාගොඩ ඤාණාලොක, දක්ඛිණ ලංකාවෙහි ප්‍රධාන සංඝනායක ස්ථවිරයන් වහන්සේ, ශ්‍රී ලංකා විද්‍යොදය විශ්ව විද්‍යාලයෙහි කථිකාචාර්‍ය්‍ය දෙනමෙක් වන පණ්ඩිත පරවාහැර පඤ්ඤානන්ද ස්ථවිරයන් වහන්සේ හා පණ්ඩිත තලල්ලේ ධම්මානන්ද ස්ථවිරයන් වහන්සේ යන තෙනම විසින් මෙය සිංහල භාෂාවට පරිවර්තනය කරණ ලදී මේ පරිවර්තනය ද අර්ත්‍ථව්‍යක්තියෙහි විසඳ වන්නාසේ ම සිංහල සාහිත්‍යයෙහි උද්දීපනයක් ද වන බව මෙය කියනුවෝ දැනගණිත් ම ය.
මේ කාණ්ඩය මුද්‍රණයට සකස් කිරීමේ දී පෙළෙහි දක්නා ලද පෙර සිට පැවැති ලිපි දොෂයන් හා අපපාඨයන් ද සංකීර්‍ණ වූ පදවාක්‍යයන් හා අස්ථාන පතිත පෙය්‍යාලයන් ද යථාස්ථානයට පැමිණවීම සඳහා අප විසින් දරණ ලද ආයාසය අල්ප නොවේ. සූත්‍රාගත අර්ථයට ගැලපෙන සේ සූත්‍ර නම් කිරීමත්, සූත්‍රාගතපාලිසම්බන්ධය ආකුල නොවන සේ පෙය්‍යාල-සංකෙත යෙදීමත්, අර්‍ත්‍ථාවබොධයට බාධාවන සේ පෙය්‍යාලයෙන් ඌන වූ තැන් පිරවීමත් මේ සංස්කරණයෙහි ඇති විශේෂයෝ ය.
මෙහි විශේෂයෙන් සැලකිය යුතු කරුණක් ද කියමි. සත්වීසි වර්ගයකින් ද පණ්ණාස පසකින් ද බෙදන ලද සූත්‍ර 273 ක් ඇති චතුක්කනිපාතය අවසානයෙහි වර්ගසංඛ්‍යාවෙන් නො බෙදූ අතිරෙකයක් සේ එන සූත්‍ර 510 ක් ගර්භ කොට ඇති රාගාදි ක්ලෙශ ප්‍රහාණය පිළිබඳ දෙශනාවෙකි. ධර්‍මසංගායක දෲන් අංගුත්තරභාණකයන් විසින් පෙය්‍යාලමුඛයෙන් සංක්ෂෙප කොට දෲටු බැවින් දෝ අංගුත්තර අටුවාවාසීහු එයට “රාගපෙය්‍යාල” යයි කියති. රාග, දොස, මොහාදි පද සතළොසක් සම්බන්ධ බැවින් එය “රාගාදි පෙය්‍යාල” යයි අප විසින් දක්වා ඇත. එහි පාලිය පැරණි පුස්කොළපොත්හි ආසැටියෙන් ම සිංහල අකුරෙන් ද සියම් අකුරෙන් ද මුද්‍රිත පොත්හිඳු අනුප්‍රයුක්ත පෙය්‍යාලයෙන් සංක්ෂෙප කොට එක ම වාක්‍යයක් සේ දැක්වේ:
“රාගස්ස භික්ඛවෙ අභිඤ්ඤාය චත්තාරො ධම්මා භාවෙතබ්බා, කතමෙ චත්තාරො: ඉධ භික්ඛවෙ භික්ඛු කායෙ කායානුපස්සී විහරති ආතාපී සම්පජානො සතිමා, විනෙය්‍ය ලොකෙ අභිජ්ඣාදොමනස්සං, වෙදනාසු -පෙ- චිත්තෙ -පෙ- ධම්මෙසු ධම්මානුපස්සී විහරති ආතාපී සම්පජානො සතිමා, විනෙය්‍ය ලොකෙ අභිජ්ඣාදොමනස්සං. රාගස්ස භික්ඛවෙ අභිඤ්ඤාය ඉමෙ චත්තාරො ධම්මා භාවෙතබ්බා. රාගස්ස භික්ඛවෙ අභිඤ්ඤාය චත්තාරො ධම්මා භාවෙතබ්බා, කතමෙ චත්තාරො: ඉධ භික්ඛවෙ භික්ඛු අනුප්පන්නානං පාපකානං අකුසලානං ධම්මානං අනුප්පාදාය ඡන්දං ජනෙති වායමති විරියං ආරභති චිත්තං පග්ගණ්හාති පදහති, උප්පන්නානං අකුසලානං ධම්මානං
පහානාය -පෙ- අනුප්පන්නානං කුසලානං ධම්මානං උප්පාදාය -පෙ- උප්පන්නානං කුසලානං ධම්මානං ඨිතියා අසම්මොසාය භිය්‍යො භාවාය වෙපුල්ලාය භාවනාය පාරිපූරියා ඡන්දං ජනෙති වායමති විරියං ආරභති චිත්තං පග්ගණ්හාති පදහති. රාගස්ස භික්ඛවෙ අභිඤ්ඤාය ඉමෙ චත්තාරො ධම්මා භාවෙතබ්බා. රාගස්ස භික්ඛවෙ අභිඤ්ඤාය චත්තාරො ධම්මා භාවෙතබ්බා, කතමෙ චත්තාරො: ඉධ භික්ඛවෙ භික්ඛු ඡන්දසමාධිපධානසංඛාර සමන්නාගතං ඉද්ධිපාදං භාවෙති, විරියසමාධි -පෙ- චිත්තසමාධි -පෙ- වීමංසාසමාධිපධානසංඛාරසමන්නාගතං ඉද්ධිපාදං භාවෙති. රාගස්ස භික්ඛවෙ අභිඤ්ඤාය ඉමෙ චත්තාරො ධම්මා භාවෙතබ්බා. රාගස්ස භික්ඛවෙ පරිඤ්ඤාය - පරික්ඛයාය - පහානාය - ඛයාය - වයාය - විරාගාය - නිරොධාය - චාගාය - පටිනිස්සග්ගාය ඉමෙ චත්තාරො ධම්මා භාවෙතබ්බා -පෙ- දොසස්ස -පෙ- මොහස්ස -පෙ- කොධස්ස -පෙ- උපනාහස්ස -පෙ- මක්ඛස්ස -පෙ- පලාසස්ස -පෙ- ඉස්සාය -පෙ- මච්ඡරියස්ස -පෙ- මායාය -පෙ- සාඨෙය්‍යස්ස -පෙ- ථම්භස්ස -පෙ- සාරම්භස්ස -පෙ- මානස්ස -පෙ- [අතිමානස්ස -පෙ-] මදස්ස -පෙ- පමාදස්ස -පෙ- අභිඤ්ඤාය - පරිඤ්ඤාය - පරික්ඛයාය - පහානාය - ඛයාය - වයාය - විරාගාය - නිරොධාය- චාගාය - පටිනිස්සග්ගාය ඉමෙ චත්තාරො ධම්මා භාවෙතබ්බා,’’ති.
මෙහි “රාගස්ස භික්ඛවෙ අභිඤ්ඤාය චත්තාරො ධම්මා භාවෙතබ්බා. කතමෙ චත්තාරො” ආදි උද්දෙස - නිද්දෙස - නිගමන විසින් වදාළ කරුණු සතරින් සතරින් යුත් සූත්‍ර තුනකි. ඒ සූත්‍ර තදන්තර්ගත විෂයානුරූප ව “චතුසතිපට්ඨාන, චතුසම්මප්පධාන, චතුරිද්ධිපාද” නමින් අප විසින් වෙන් කොට දක්වා ඇත. (පිටු 492). මේ සූත්‍ර හා වෙන වෙන ම යෙදෙන රාගාදි පද සතළොස් දෙනෙකි. රාගාදි එක් එක් පදය හා සම්බන්ධ වන “අභිඤ්ඤාය” ආදි පද දසයකි. ‘රාගස්ස භික්ඛවෙ අභිඤ්ඤාය චත්තාරො ධම්මා භාවෙතබ්බා’ ආදි අනුප්‍රබන්ධපදස්වභාවයෙන් යුත් දෙශනා ක්‍රමය අනුව එක් පදයෙක යෙදෙන සූත්‍ර 30 ක් වේ. මෙසෙයින් සතළොස් පදයෙහි සූත්‍ර 510 කි. රාගාදි පෙය්‍යාලයෙහි මෙතෙක් සූත්‍ර ඇතුළත් බව ද එහි ක්‍රමය ද මෙහි මුද්‍රිත පාලියෙහි අප විසින් යොදා ඇති පෙය්‍යාලයෙන් හා අටෝලිපියෙන් දතහැකි වේ. අටෝලිපිය (පිටු 496-97) යෙදී ඇත්තේ රාගාදි සොළොස්පදයන්ගේ වශයෙනි. එය පෙළේ එන “අතිමාන” පදය පිටපත් කරණ ලද සිංහල පොතේ ගිලිහී යාමෙන් වූ ප්‍රමාදයෙකි.
මේ ග්‍රන්ථය ද මුද්‍රණය කරවා ප්‍රසිද්ධ කිරීම සඳහා උපකාරී වූ ලංකාණ්ඩුව ද, එහි සාංස්කෘතික කාර්‍ය්‍යාංශයෙහි අධිකාරීහු ද, සිංහල ජාතික මුද්‍රණාලයෙහි අධිකාරීන් හා මුද්‍රණ ශිල්පීහු ද, ග්‍රන්ථ පරිවර්තනය හා සංශෝධනය කිරීමෙහි යෙදුණු ස්ථවිරයන් වහන්සේ ද ධර්‍මදානමය පුණ්‍යමහිමයෙන් සුඛභාගී වෙත්වා යි ආශංසනය කරම්හ.
මීට:
පරවාහැර වජිරඤාණ ස්ථවිර
ත්‍රිපිටකපරිවර්‍තන කාරක සභාවෙහි ද
සංස්කාරක මණ්ඩලයෙහි ද සම්පාදක
බුද්ධ වර්ෂ 2505,
ත්‍රිපිටක කාර්ය්‍යාලය,
ධර්‍මදූතාශ්‍රම විද්‍යාලය,
දෙමටගොඩ පාර, කොළඹ