17 සංයුත්ත නිකාය 2 - සූත්‍ර.pdf
- ප්‍රකාශිත වර්ෂය :
- 2006
- මුද්‍රිත වර්ෂය :
- 2006
- පිටු ගණන :
- 509
- බාගත කිරීම් ගණන :
- 3,976
- වෙබ් අඩවියට එක් කළ දිනය :
- 2015-10-18
- ගොනුවේ ප්‍රමාණය :
- 14 MB
පොතේ පිටු කිහිපයක ඡායාරූප පහතින් බලන්න.
බුද්ධජයන්ති ත්‍රිපිටක ග්‍රන්ථමාලාවේ 14 වන වෙළුම හෙවත් සූත්‍රාන්ත පිටකයේ 8 වන ග්‍රන්ථය වන සංයුත්තනිකාය දෙවන භාගය (නිදානවග්ගය) මෙහි අන්තර්ගත වේ. මෙම වෙළුමෙහි නිදාන සංයුක්තය ඇතුළු සංයුක්ත නවයක් අඩංගු වන අතර පාලි පෙළ සහ සිංහල පරිවර්තනය මුහුණට මුහුණ ලා පෙළගස්වා ඇත.
මෙම කෘතිය මුලින් පණ්ඩිත දෙහිගස්පේ පඤ්ඤාසාර නායක ස්ථවිරයන් වහන්සේට පරිවර්තනය සඳහා පවරන ලද නමුත් උන්වහන්සේගේ අසනීප තත්ත්වය හේතුවෙන් පණ්ඩිත හෑගොඩ ධම්මජොති නායක ස්ථවිර, පණ්ඩිත වතුගෙදර අමරසීහ නායක ස්ථවිර සහ පණ්ඩිත ගලගම සරණංකර ස්ථවිර යන සංයුත්තනිකාය සංශෝධක මණ්ඩලයේ ස්වාමීන් වහන්සේලා විසින් පරිවර්තනය හා පෙළ සංශෝධනය සිදු කරන ලදී. අවසාන සංස්කරණය පරවාහැර වජිරඤාණ නායක ස්ථවිරයන් වහන්සේගේ ප්‍රධානත්වයෙන් සිදුවිය.
සංස්කාරකනිවේදනය
සංයුත්තනිකායෙහි නිදානවග්ගය අවසන් කොට ඇති සංයුත්ත නවයෙකින් යුක්ත ද්විතීයභාගය බුද්ධජයන්ති ත්‍රිපිටකග්‍රන්ථමාලා සංඛ්‍යායෙන් තුදුස් (14) වැනි, සූත්‍රාන්තපිටකග්‍රන්ථ සංඛ්‍යායෙන් අටවැනි ග්‍රන්ථ ය යි.
මේ භාගය සිංහලභාෂාවට පරිවර්තනය කිරීම සඳහා ශ්‍රී ලංකාබෞද්ධමණ්ඩලය විසින් පවරණ ලද්දේ ආචාර්ය පණ්ඩිත දෙහිගස්පේ පඤ්ඤාසාර නායකස්ථවිරයන් වහන්සේට ය. උන්වහන්සේ රෝගී වීමෙන් ඒ කාර්යය පශ්චාත්ත පෙණවු බැවින් ත්‍රිපිටකසංස්කාරක සභාවෙහි සම්මතයෙන් සංයුත්තනිකාය සංශොධකමණ්ඩලයට අයත් පණ්ඩිත හෑගොඩ ධම්මජොති නායකස්ථවිරයන් වහන්සේ, පණ්ඩිත වතුගෙදර අමරසීහ නායක ස්ථවිරයන් වහන්සේ, පණ්ඩිත ගලගම සරණංකර ස්ථවිරයන් වහන්සේ යන තෙනම විසින් සිංහලයට අමුතුවෙන් පරිවර්තනය කොට පෙළ ද ලිපිදොෂාපගත කොට ලියා සූත්‍රසඞ්ඛ්‍යා ද දක්වමින් සකස් කරණ ලදි.
මුද්‍රණාවස්ථාවෙහි දක්නා ලද ස්ඛලිතස්ථාන හා ධර්‍මවිරොධස්ථාන ධර්මානුකූල ව යාථාව්‍යට පත් කිරීම ද, සූත්‍රප්‍රදේශ හකුළුවාලීම් හඟවන අස්ථානපතිත පෙය්‍යාලමුඛ යුක්තස්ථානයෙහි යෙදීම හා වාක්‍ය සම්බන්ධය අවබොධයට නිසිවන සේ දත හෙන පරිදි යෙදිය යුතු පෙය්‍යාලමුඛ අඩී වතුරුළු [—] රේඛා අතර යෙදීම ද, ඇතැම් පාළි පදයන්ට යුක්තාර්‍ථ කල්පනය ද, දුර්ගම අර්‍ථයන් සුගම කොට අධොලිපි යෙදීම ද, විෂයානුරූප වන සේ ඇතැම් සූත්‍රනාමයන් සකස් කිරීම ද මෙහි අප විසින් කරණ ලද සංස්කරණයෝ වෙති.
පරිවර්තක ස්ථවිරවරුන් විසින් සම්පාදිත විෂයසූචි, ගාථාපාද-සඤ්ඤානාම - පදානුක්‍රමණිකා සහිත මේ පයඃප්‍රතිබද්ධග්‍රන්‍ථය මුද්‍රණද්වාරයෙන් ප්‍රසිද්ධියට පමුණුවාලීමෙන් ජනිතකුශලමහිමයෙන් පරිවර්තන - සංශොධන-සංස්කරණ කාර්යයන්හි නියුක්ත සහකාරි තෙරවරු ද, ලංකා රජය හා සංස්කෘතිකකාර්‍ය්‍යාංශයෙහි අධිකාරීහු ද, මුද්‍රණශිල්පීහු ද ප්‍රත්‍යයානුරූප සේ ලෞකික - ලොකොත්තර සුඛලාභීහු වෙත්වා.
පරවාහැර වජිරඤාණ ස්ථවිර.
ත්‍රිපිටක පරිවර්තන කාරක සභාවෙහි ද
සංස්කාරක මණ්ඩලයෙහි ද සම්පාදක.
ත්‍රිපිටක කාර්‍ය්‍යාලය, ධර්‍මදූතාශ්‍රම විද්‍යාලය.
දෙමටගොඩ, කොළඹ.