අභිධර්ම මධු බින්දුව.pdf
- කතෘ :
- කහඳමුවදෙර සුමංගල හිමි
- ප්‍රකාශිත වර්ෂය :
- 1921
- මුද්‍රිත වර්ෂය :
- 1921
- පිටු ගණන :
- 26
- බාගත කිරීම් ගණන :
- 3,140
- වෙබ් අඩවියට එක් කළ දිනය :
- 2018-02-14
- ගොනුවේ ප්‍රමාණය :
- 3.8 MB
පොතේ පිටු කිහිපයක ඡායාරූප පහතින් බලන්න.
අභිධර්ම මධු බින්දුව යනු පානදුරේ වැලිපිටියේ අභය කරුණාරත්න මුදලින්දාරාමයෙහි වැඩවිසූ කහඳමුවදෙර තිලකරත්නාරාම විහාරවාසී කහඳමුවදෙර සුමංගල හිමියන් විසින් සම්පාදිත අභිධර්ම විවරණ ග්‍රන්ථයකි. මෙහි ප්‍රථම භාගය තුළ ධම්මසංගණී ප්‍රකරණයේ කුසලත්තිකයට අයත් “කුසලා ධම්මා” යන ප්‍රථම පදය අරභයා විස්තරාත්මක අර්ථ දැක්වීම් සහ න්‍යාය විවරණ සවිස්තරව ඉදිරිපත් කර ඇත.
මෙම කෘතිය 1921 වර්ෂයේදී කහඳමුවදෙර ඇල්. ඇම්. දෙන් නෝමස් මුදලාලි මහතා විසින් ධර්මදානමය පුණ්‍යෝත්සාහයක් වශයෙන් කොළඹ ඩබ්ලිව්. ඒ. බැස්ටියන් සහ සමාගමේ මුද්‍රණාලයෙන් මුද්‍රණය කරවා ප්‍රකාශයට පත් කරවන ලද්දකි.
භූමිකා.
භවත්නි!
කහඳමුවදෙර තිලකරත්නාරාම විහාරාධීශ්වර ගෞරවාර්හ ධර්මරත්න මහා ස්ථවිරපාදයන්වහන්සේගේ ශිෂ්‍යවූද, තද්විහාරාධිවාසී අමරපුරනිකායික කාරක මහා සඞ්ඝසමීත්‍යන්තර්ගධ ගෞරවාර්හ ශීලවිමල මහාස්ථවිරපාදයන්වහන්සේගේ සහ පානදුරේ වැලිපිටියේ අභය කරුණාරත්න මුදලින්දාරාමාධිපති ආභිධම්මිකාචාර්ය්‍ය “සිරිලංකා ශාසනාලංකාර කවීධජ” යන උපාධිනාමධාරි ගෞරවාර්හ මොරටුවේ මේධානන්ද මහා ස්ථවිරපාදයන් වහන්සේගේත් ධර්මාන්තෙවාසීවුද, අපගේ ප්‍රිය ඥාතිවරයෙක්වූද, පානදුරේ වැලිපිටියේ අභයකරුණාරත්න මුදලින්දාරාමයෙහි ධර්ම ශාස්ත්‍රොද්ග්‍රහණයෙහි නියුක්තව වැඩවසන කහඳමුවදෙර සුමංගල ස්වාමින්වහන්සේ ලවා මඩුවල ධර්මදේශනාවක් කරවීමට සම්මතකරගත්තෙත් එයම නිමිතිකොට සවර්‍ගාපවර්‍ග ශ්‍රී ප්‍රතිලාභය පිණිස ධර්මදානවශයෙන් පූජාකිරීම සඳහා මෙම සම්භාවනීය අභිධර්ම මධු බින්දුව නම්වු අභිනව ධර්ම පුස්තකය මේ කාලයෙහි ලිපිද්‍රව්‍යයන්ගේ අධිකතරවු මිලද නොසලකා ස්ව ධන පරිත්‍යාගයෙන් මුද්‍රණයකරවනලදී.
එබැවින් මෙම සත්ප්‍රතිපත්තියෙන් ජනිත සකල පුණ්‍ය සම්භාරය සියළු ලෝවැස්සන් අනුමෝදන්වී එහද ග්‍රන්ථකර්තෘන් වහන්සේගේ මතු අභිවෘද්ධිය ආශංසනය කරමින් පැතු යම් බොධියකින් උතුම්වූ නිවන්සම්පත් බලාපොරොත්තුවියයුතු.
මීට, කහඳමුවදෙර,
ඇල්. ඇම්. දෙන් නෝමස් මුදලාලි.
1921 - 6 - 16. කහඳමුවදෙරදීය.
ඇල්. ඇම්. දෙන් නෝමස් මුදලාලි.
1921 - 6 - 16.
කහඳමුවදෙරදීය.