7. 3.
1127. උච්චමිදං මණිථූණං විමානං
සමන්තතො ද්වාදස යොජනානි
කූටාගාරා සත්තසතා උළාරා
වෙළුරියත්ථම්භා රුචකත්ථතා සුභා
සමන්තතො ද්වාදස යොජනානි
කූටාගාරා සත්තසතා උළාරා
වෙළුරියත්ථම්භා රුචකත්ථතා සුභා
1128. තත්ථච්ඡසි පිවසි ඛාදසි ච
දිබ්බා ච වීණා පවදන්ති වග්ගුං
දිබ්බා රසා කාමගුණෙත්ථ පඤ්ච
නාරියො ච නච්චන්ති සුවණ්ණ ඡන්නා
දිබ්බා ච වීණා පවදන්ති වග්ගුං
දිබ්බා රසා කාමගුණෙත්ථ පඤ්ච
නාරියො ච නච්චන්ති සුවණ්ණ ඡන්නා
1129. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා
උප්පජ්ජන්ති ච තෙ භොගා යෙ කෙචි මනසො පියා
1130. දෙවිද්ධිපත්තොසි මහානුභාවො
මනුස්සභූතො කිමකාසි පුඤ්ඤං
කෙනාසි එවං ජලිතානුභාවො
වණ්ණො ච තෙ සබ්බදිසා පභාසතීති.
මනුස්සභූතො කිමකාසි පුඤ්ඤං
කෙනාසි එවං ජලිතානුභාවො
වණ්ණො ච තෙ සබ්බදිසා පභාසතීති.
1131. සො දෙවපුත්තො අත්තමනො මොග්ගල්ලානෙන පුච්ඡිතො,
පඤ්හං පුට්ඨො වියාකාසි යස්ස කම්මස්සිදං ඵලං
පඤ්හං පුට්ඨො වියාකාසි යස්ස කම්මස්සිදං ඵලං
1132. අහං මනුස්සෙසු මනුස්සභූතො
විවනෙ පථෙ චඞ්කමනං අකාසිං
ආරාමරුක්ඛානි ච රොපයිස්සං
පියා ච මෙ සීලවන්තො අහෙසුං
අන්නං ච පානං ච පසන්නචිත්තො
සක්කච්චදානං විපුලං අදාසිං
විවනෙ පථෙ චඞ්කමනං අකාසිං
ආරාමරුක්ඛානි ච රොපයිස්සං
පියා ච මෙ සීලවන්තො අහෙසුං
අන්නං ච පානං ච පසන්නචිත්තො
සක්කච්චදානං විපුලං අදාසිං
1133. තෙන මෙ තාදිසො වණ්ණො
තෙන මෙ ඉධමිජ්ඣති,
උප්පජ්ජන්ති ච මෙ භොගා
යෙ කෙචි මනසො පියා
තෙන මෙ ඉධමිජ්ඣති,
උප්පජ්ජන්ති ච මෙ භොගා
යෙ කෙචි මනසො පියා
1134. අක්ඛාමි තෙ භික්ඛු මහානුභාව
මනුස්සභූතො යමකාසි පුඤ්ඤං
තෙනම්හි එවං ජලිතානුභාවො
වණ්ණො ච මෙ සබ්බදිසා පභාසතීති.
මනුස්සභූතො යමකාසි පුඤ්ඤං
තෙනම්හි එවං ජලිතානුභාවො
වණ්ණො ච මෙ සබ්බදිසා පභාසතීති.
මණිථූණවිමානං.
7. 4.
1135. සොවණ්ණමයෙ පබ්බතස්මිං විමානං සබ්බතො පභං
හෙමජාලකපච්ඡන්නං කිඞ්කිණිජාලකප්පිතං
හෙමජාලකපච්ඡන්නං කිඞ්කිණිජාලකප්පිතං
1136. අට්ඨංසා සුකතා ථම්භා සබ්බෙ වෙළුරියාමයා
එකමෙකාය අංසියා රතනා සත්ත නිම්මිතා
එකමෙකාය අංසියා රතනා සත්ත නිම්මිතා
1137. වෙළුරියසුවණ්ණස්ස ඵළිකා රූපියස්ස ච
මසාරගල්ලමුත්තාහි ලොහිතඞ්කමණීහි ච
මසාරගල්ලමුත්තාහි ලොහිතඞ්කමණීහි ච
1138. චිත්රා මනොරමා භූමි න තත්ථුද්ධංසතී රජො
ගොපාණසීගණා පීතා කූටං ධාරෙන්ති නිම්මිතා
ගොපාණසීගණා පීතා කූටං ධාරෙන්ති නිම්මිතා
1139. සොපානානි ච චත්තාරි නිම්මිතා චතුරො දිසා
නානා රතනගබ්භෙහි ආදිච්චොව විරොචති
නානා රතනගබ්භෙහි ආදිච්චොව විරොචති
1140. වෙදියා චතස්සො තත්ථ විභත්තා භාගසො මිතා,
දද්දල්ලමානා ආභන්ති සමන්තා චතුරො දිසා
දද්දල්ලමානා ආභන්ති සමන්තා චතුරො දිසා
1141. තස්මිං විමානෙ පවරෙ දෙවපුත්තො මහප්පභො
අතිරොචති වණ්ණෙන උදයන්තොව භානුමා
අතිරොචති වණ්ණෙන උදයන්තොව භානුමා