5. මහාරථවග්ගො
5. 1.
858. කො මෙ වන්දති පාදානි ඉද්ධියා යසසා ජලං,
අභික්කන්තෙන වණ්ණෙන සබ්බා ඔභාසයං දිසාති.
අභික්කන්තෙන වණ්ණෙන සබ්බා ඔභාසයං දිසාති.
859. මණ්ඩුකොහං පුරෙ ආසිං උදකෙ වාරිගොචරො,
තව ධම්මං සුණන්තස්ස අවධී වච්ඡපාලකො.
තව ධම්මං සුණන්තස්ස අවධී වච්ඡපාලකො.
860. මුහුත්තං චිත්තප්පසාදස්ස ඉද්ධිං පස්ස යසඤ්ච මෙ,
අනුභාවං ච මෙ පස්ස වණ්ණං පස්ස ජුතිඤ්ච මෙ.
අනුභාවං ච මෙ පස්ස වණ්ණං පස්ස ජුතිඤ්ච මෙ.
861. යෙ ච තෙ දීඝමද්ධානං ධම්මං අස්සොසුං ගොතම,
පත්තා තෙ අචලට්ඨානං යත්ථ ගන්ත්වා න සොචරෙති.
පත්තා තෙ අචලට්ඨානං යත්ථ ගන්ත්වා න සොචරෙති.
මණ්ඩූකදෙවපුත්තවිමානං.
5. 2.
862. චිරප්පවාසිං පුරිසං දූරතො සොත්ථිමාගතං,
ඤාතිමිත්තා සුහජ්ජා ච අභිනන්දන්ති ආගතං.
ඤාතිමිත්තා සුහජ්ජා ච අභිනන්දන්ති ආගතං.
863. තථෙව කතපුඤ්ඤම්පි අස්මා ලොකා පරං ගතං,
පුඤ්ඤානි පතිගණ්හන්ති පියං ඤාතිං ව ආගතන්ති.
පුඤ්ඤානි පතිගණ්හන්ති පියං ඤාතිං ව ආගතන්ති.
864. උට්ඨෙහි රෙවතෙ සුපාපධම්මෙ
අපාරුතං ද්වාරං අදානසීලෙ
නෙස්සාම තං යත්ථ ථුනන්ති දුග්ගතා
සමජ්ජතා නෙරයිකා දුඛෙන.
අපාරුතං ද්වාරං අදානසීලෙ
නෙස්සාම තං යත්ථ ථුනන්ති දුග්ගතා
සමජ්ජතා නෙරයිකා දුඛෙන.
865. ඉච්වෙච වත්වාන යමස්ස දූතා
තෙ ද්වෙ යක්ඛා ලොහිතක්ඛා බ්රහන්තා
පච්චෙකබාහාසු ගහෙත්වාන රෙවතං
පක්කාමයුං දෙවගණස්ස සන්තිකෙති.
තෙ ද්වෙ යක්ඛා ලොහිතක්ඛා බ්රහන්තා
පච්චෙකබාහාසු ගහෙත්වාන රෙවතං
පක්කාමයුං දෙවගණස්ස සන්තිකෙති.
866. ආදිච්චවණ්ණං රුචිරං පභස්සරං
ව්යම්හං සුභං කඤ්චනජාලඡන්නං
කස්සෙතමාකිණ්ණජනං විමානං
සුරියස්ස රංසීරිව ජොතමානං
ව්යම්හං සුභං කඤ්චනජාලඡන්නං
කස්සෙතමාකිණ්ණජනං විමානං
සුරියස්ස රංසීරිව ජොතමානං
867. නාරීගණා චන්දනසාරලිත්තං
උභතො විමානං උපසොභයන්ති
තං දිස්සති සුරියසමානවණ්ණං
කො මොදති සග්ගප්පත්තො විමානෙති.
උභතො විමානං උපසොභයන්ති
තං දිස්සති සුරියසමානවණ්ණං
කො මොදති සග්ගප්පත්තො විමානෙති.
868. බාරාණසියං නන්දියො නාමාසි උපාසකො
අමච්ඡරී දානපතී වදඤ්ඤූ
තස්සෙතමාකිණ්ණජනං විමානං
සුරියස්ස රංසීරිව ජොතමානං.
අමච්ඡරී දානපතී වදඤ්ඤූ
තස්සෙතමාකිණ්ණජනං විමානං
සුරියස්ස රංසීරිව ජොතමානං.
869. නාරීගණා චන්දනසාරලිත්තා
උභතො විමානං උපසොභයන්තී
තං දිස්සති සුරියසමානවණ්ණං
සො මොදති සග්ගප්පත්තො විමානෙති.
උභතො විමානං උපසොභයන්තී
තං දිස්සති සුරියසමානවණ්ණං
සො මොදති සග්ගප්පත්තො විමානෙති.
870. නන්දියස්සාහං භරියා
අගාරිනී සබ්බකුලස්ස ඉස්සරා
භත්තුවිමානෙ රමිස්සාමි දානහං
න පත්ථයෙ නිරයං දස්සනායාති.
අගාරිනී සබ්බකුලස්ස ඉස්සරා
භත්තුවිමානෙ රමිස්සාමි දානහං
න පත්ථයෙ නිරයං දස්සනායාති.
871. එසො තෙ නිරයො සුපාපධම්මෙ
පුඤ්ඤං තයා අකතං ජීවලොකෙ
න හි මච්ඡරී රොසකො පාපධම්මො
සග්ගූපගානං ලභති සහව්යතන්ති.
පුඤ්ඤං තයා අකතං ජීවලොකෙ
න හි මච්ඡරී රොසකො පාපධම්මො
සග්ගූපගානං ලභති සහව්යතන්ති.
872. කින්නු ගූථඤ්ච මුත්තඤ්ච අසුචි පතිදිස්සති,
දුග්ගන්ධං කිමිදං මීළ්හං කිමෙතං උපවායතීති.
දුග්ගන්ධං කිමිදං මීළ්හං කිමෙතං උපවායතීති.
873. එස සංසවකො නාම ගම්භීරො සතපොරිසො,
යත්ථ වස්සසහස්සානි තුවං පච්චසි රෙවතෙති.
යත්ථ වස්සසහස්සානි තුවං පච්චසි රෙවතෙති.
874. කින්නු කායෙන වාචාය මනසා දුක්කතං කතං.
කෙන සංසවකො ලද්ධො ගම්භීරො සතපොරිසොති.
කෙන සංසවකො ලද්ධො ගම්භීරො සතපොරිසොති.
875. සමණෙ බ්රාහ්මණෙචාපි අඤ්ඤෙවාපි වණිබ්බකෙ,
මුසාවාදෙන වඤ්චෙසි තං පාපං පකතං තයා.
මුසාවාදෙන වඤ්චෙසි තං පාපං පකතං තයා.
876. තෙන සංසවකො ලද්ධො ගම්භීරො සතපොරිසො,
තත්ථ වස්සසහස්සානි තුවං පච්චසි රෙවතෙ.
තත්ථ වස්සසහස්සානි තුවං පච්චසි රෙවතෙ.
877. හත්ථෙපි ඡින්දන්ති අථොපි පාදෙ
කණ්ණෙපි ඡින්දන්ති අථොපි තාසං
අථොපි කාකොළගණා සමෙච්ච
සඞ්ගම්ම ඛාදන්ති විඵන්දමානන්ති.
කණ්ණෙපි ඡින්දන්ති අථොපි තාසං
අථොපි කාකොළගණා සමෙච්ච
සඞ්ගම්ම ඛාදන්ති විඵන්දමානන්ති.
878. සාධු ඛො මං පටිනෙථ කාහාමි කුසලං බහුං
දානෙන සමචරියාය සඤ්ඤමෙන දමෙන ච
යං කත්වා සුඛිතා හොන්ති න ච පච්ඡානුතප්පරෙති.
දානෙන සමචරියාය සඤ්ඤමෙන දමෙන ච
යං කත්වා සුඛිතා හොන්ති න ච පච්ඡානුතප්පරෙති.