1. 8.
63. සුවණ්ණච්ඡදනං නාවං නාරී ආරුය්හ තිට්ඨසි,
ඔගාහසි පොක්ඛරණිං පදුමං ඡින්දසි පාණිනා.
ඔගාහසි පොක්ඛරණිං පදුමං ඡින්දසි පාණිනා.
64. කූටාගාරා නිවෙසා තෙ විභත්තා භාගසො මිතා,
දද්දල්ලමානා ආභන්ති සමන්තා චතුරො දිසා.
දද්දල්ලමානා ආභන්ති සමන්තා චතුරො දිසා.
65. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා.
උප්පජ්ජන්ති ච තෙ භොගා යෙ කෙචි මනසො පියා.
66. පුච්ඡාමි තං දෙවි මහානුභාවෙ
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
67. සා දෙවතා අත්තමනා සම්බුද්ධෙනෙව පුච්ඡිතා
පඤ්හං පුට්ඨා වියාකාසි යස්ස කම්මස්සිදං ඵලන්ති.
පඤ්හං පුට්ඨා වියාකාසි යස්ස කම්මස්සිදං ඵලන්ති.
68. අහං මනුස්සෙසු මනුස්සභූතා
පුරිමාය ජාතියා මනුස්සලොකෙ,
දිස්වාන භික්ඛූ තසිතෙ කිලන්තෙ
උට්ඨාය පාතුං උදකං අදාසිං.
පුරිමාය ජාතියා මනුස්සලොකෙ,
දිස්වාන භික්ඛූ තසිතෙ කිලන්තෙ
උට්ඨාය පාතුං උදකං අදාසිං.
69. යො වෙ කිලන්තාන පිපාසිතානං
උට්ඨාය පාතුං උදකං දදාති,
සීතොදකා තස්ස භවන්ති නජ්ජො
පහූතමාල්යා බහු පුණ්ඩරීකා.
උට්ඨාය පාතුං උදකං දදාති,
සීතොදකා තස්ස භවන්ති නජ්ජො
පහූතමාල්යා බහු පුණ්ඩරීකා.
70. තමාපගා අනුපරියන්ති සබ්බදා
සීතොදකා වාලුකසන්ථතා නදී,
අම්බා ච සාලා තිලකා ච ජම්බුයො
උද්දාලකා පාටලියො ච ඵුල්ලා.
සීතොදකා වාලුකසන්ථතා නදී,
අම්බා ච සාලා තිලකා ච ජම්බුයො
උද්දාලකා පාටලියො ච ඵුල්ලා.
71. තං භූමිභාගෙහි උපෙතරූපං
විමානසෙට්ඨං භුසසොභමානං,
තස්සීධ කම්මස්ස අයං විපාකො
එතාදිසං කතපුඤ්ඤා ලභන්ති.
විමානසෙට්ඨං භුසසොභමානං,
තස්සීධ කම්මස්ස අයං විපාකො
එතාදිසං කතපුඤ්ඤා ලභන්ති.
72. කූටාගාරා නිවෙසා මෙ විභත්තා භාගසො මිතා,
දද්දල්ලමානා ආභන්ති සමන්තා චතුරො දිසා.
දද්දල්ලමානා ආභන්ති සමන්තා චතුරො දිසා.
73. තෙන මෙ තාදිසො වණ්ණො තෙන මෙ ඉධමිජ්ඣති,
උප්පජ්ජන්ති ච මෙ භොගා යෙ කෙචි මනසො පියා.
උප්පජ්ජන්ති ච මෙ භොගා යෙ කෙචි මනසො පියා.
74. තෙනම්හි එවං ජලිතානුභාවා
වණ්ණො ච මෙ සබ්බදිසා පභාසති,
එතස්ස කම්මස්ස ඵලං මමෙදං
අත්ථාය බුද්ධො උදකං අපායීති.
වණ්ණො ච මෙ සබ්බදිසා පභාසති,
එතස්ස කම්මස්ස ඵලං මමෙදං
අත්ථාය බුද්ධො උදකං අපායීති.
තතියනාවා විමානං.
1. 9.
75. අභික්කන්තෙන වණ්ණෙන යා ත්වං තිට්ඨසි දෙවතෙ,
ඔභාසෙන්ති දිසා සබ්බා ඔසධී විය තාරකා.
ඔභාසෙන්ති දිසා සබ්බා ඔසධී විය තාරකා.
76. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා.
උප්පජ්ජන්ති ච තෙ භොගා යෙ කෙචි මනසො පියා.
77. කෙන ත්වං විමලොභාසා අතිරොචසි දෙවතෙ,
කෙන තෙ සබ්බගත්තෙහි සබ්බා ඔභාසරෙ දිසා.
කෙන තෙ සබ්බගත්තෙහි සබ්බා ඔභාසරෙ දිසා.
78. පුච්ඡාමි තං දෙවි මහානුභාවෙ
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
79. සා දෙවතා අත්තමනා මොග්ගල්ලානෙන පුච්ඡිතා,
පඤ්හං පුට්ඨා වියාකාසි යස්ස කම්මස්සිදං ඵලං.
පඤ්හං පුට්ඨා වියාකාසි යස්ස කම්මස්සිදං ඵලං.