1. 10.
85. අභික්කන්තෙන වණ්ණෙන යා ත්වං තිට්ඨසි දෙවතෙ,
ඔභාසෙන්තී දිසා සබ්බා ඔසධී විය තාරකා.
ඔභාසෙන්තී දිසා සබ්බා ඔසධී විය තාරකා.
86. කෙන තෙ තාදිසො වණ්ණො කෙන තෙ ඉධමිජ්ඣති,
උප්පජ්ජන්ති ච තෙ භොගා යෙ කෙචි මනසො පියා.
උප්පජ්ජන්ති ච තෙ භොගා යෙ කෙචි මනසො පියා.
87. පුච්ඡාමි තං දෙවි මහානුභාවෙ
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
88. සා දෙවතා අත්තමනා මොග්ගල්ලානෙන පුච්ඡිතා.
පඤ්හං පුට්ඨා වියාකාසි යස්ස කම්මස්සිදං ඵලං.
පඤ්හං පුට්ඨා වියාකාසි යස්ස කම්මස්සිදං ඵලං.
89. අහං මනුස්සෙසු මනුස්සභූතා
පුරිමාය ජාතියා මනුස්සලොකෙ.
අද්දසං විරජං බුද්ධං විප්පසන්නමනාවිලං
පුරිමාය ජාතියා මනුස්සලොකෙ.
අද්දසං විරජං බුද්ධං විප්පසන්නමනාවිලං
90. ආසජ්ජ දානං අදාසිං අකාමා තිලදක්ඛිණං
දක්ඛිණෙය්යස්ස බුද්ධස්ස පසන්නා සෙහි පාණිහි.
දක්ඛිණෙය්යස්ස බුද්ධස්ස පසන්නා සෙහි පාණිහි.
91. තෙන මෙ තාදිසො වණ්ණො තෙන මෙ ඉධමිජ්ඣති,
උප්පජ්ජන්ති ච මෙ භොගා යෙ කෙචි මනසො පියා.
උප්පජ්ජන්ති ච මෙ භොගා යෙ කෙචි මනසො පියා.
92. අක්ඛාමි තෙ භික්ඛු මහානුභාව
මනුස්සභූතා යමකාසි පුඤ්ඤං,
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතීති.
මනුස්සභූතා යමකාසි පුඤ්ඤං,
තෙනම්හි එවං ජලිතානුභාවා
වණ්ණො ච මෙ සබ්බදිසා පභාසතීති.
තිලදක්ඛිණාවිමානං.
1. 11.
93. කොඤ්චා මයූරා දිවියා ච හංසා
වග්ගුස්සරා කොකිලා සම්පතන්ති,
පුප්ඵාභිකිණ්ණං රම්මමිදං විමානං
අනෙකචිත්තං නරනාරිසෙවිතං.
වග්ගුස්සරා කොකිලා සම්පතන්ති,
පුප්ඵාභිකිණ්ණං රම්මමිදං විමානං
අනෙකචිත්තං නරනාරිසෙවිතං.
94. තත්ථච්ඡසි දෙවි මහානුභාවෙ
ඉද්ධි විකුබ්බන්තී අනෙකරූපා,
ඉමා ච තෙ අච්ඡරායො සමන්තතො
නච්චන්ති ගායන්ති පමොදයන්ති.
ඉද්ධි විකුබ්බන්තී අනෙකරූපා,
ඉමා ච තෙ අච්ඡරායො සමන්තතො
නච්චන්ති ගායන්ති පමොදයන්ති.
95. දෙවිද්ධිපත්තාසි මහානුභාවෙ
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
මනුස්සභූතා කිමකාසි පුඤ්ඤං,
කෙනාසි එවං ජලිතානුභාවා
වණ්ණො ච තෙ සබ්බදිසා පභාසතීති.
96. සා දෙවතා අත්තමනා මොග්ගල්ලානෙන පුච්ඡිතා,
පඤ්හං පුට්ඨා වියාකාසි යස්ස කම්මස්සිදං ඵලං.
පඤ්හං පුට්ඨා වියාකාසි යස්ස කම්මස්සිදං ඵලං.
97. අහං මනුස්සෙසු මනුස්සභූතා
පතිබ්බතා නාඤ්ඤමනා අහොසිං,
මාතාව පුත්තං අනුරක්ඛමානා
කුද්ධාපහං නප්ඵරුසං අවොචං.
පතිබ්බතා නාඤ්ඤමනා අහොසිං,
මාතාව පුත්තං අනුරක්ඛමානා
කුද්ධාපහං නප්ඵරුසං අවොචං.
98. සච්චෙ ඨිතා මොසවජ්ජං පහාය
දානෙ රතා සඞ්ගහිතත්තභාවා,
අන්නං ච පානං ච පසන්නචිත්තා
සක්කච්ච දානං විපුලං අදාසිං.
දානෙ රතා සඞ්ගහිතත්තභාවා,
අන්නං ච පානං ච පසන්නචිත්තා
සක්කච්ච දානං විපුලං අදාසිං.