6. 5.
151. උච්චෙ කුලෙ අහං ජාතා බහුවිත්තෙ මහද්ධනෙ
වණ්ණරූපෙන සම්පන්නා ධීතා මෙඝස්ස අත්රජා.
වණ්ණරූපෙන සම්පන්නා ධීතා මෙඝස්ස අත්රජා.
152. පත්ථිතා රාජපුත්තෙහි සෙට්ඨිපුත්තෙහි භිජ්ඣිතා
පිතු මෙ පෙසයී දූතං දෙථ මය්හං අනොපමං.
පිතු මෙ පෙසයී දූතං දෙථ මය්හං අනොපමං.
153. යත්තකං තුලිතා එසා තුය්හං ධීතා අනූපමා.
තතො අට්ඨගුණං දස්සං හිරඤ්ඤං රතනානි ච.
තතො අට්ඨගුණං දස්සං හිරඤ්ඤං රතනානි ච.
154. සාහං දිස්වාන සම්බුද්ධං ලොකජෙට්ඨං අනුත්තරං
තස්ස පාදානි වන්දිත්වා එකමන්තං උපාවිසිං.
තස්ස පාදානි වන්දිත්වා එකමන්තං උපාවිසිං.
155. සො මෙ ධම්මමදෙසෙසි අනුකම්පාය ගොතමො
නිසින්නා ආසනෙ තස්මිං ඵුස්සයිං තතියං ඵලං.
නිසින්නා ආසනෙ තස්මිං ඵුස්සයිං තතියං ඵලං.
156. තතො කෙසානි ඡෙත්වාන පබ්බජිං අනගාරියං
අජ්ජ මෙ සත්තමී රත්ති යතො තණ්හා විසොසිතා.
අජ්ජ මෙ සත්තමී රත්ති යතො තණ්හා විසොසිතා.
ඉත්ථං සුදං අනොපමා ථෙරී ගාථායො අභාසීති.
අනොපමාථෙරීගාථා.
6. 6.
157. බුද්ධවීර නමොත්යත්ථු සබ්බසත්තානමුත්තම
යො මං දුක්ඛා පමොචෙසි අඤ්ඤඤ්ච බහුකං ජනං
යො මං දුක්ඛා පමොචෙසි අඤ්ඤඤ්ච බහුකං ජනං
158. සබ්බදුක්ඛං පරිඤ්ඤාතං හෙතුතණ්හා විසොසිතා
භාවිතො අට්ඨඞ්ගිකො මග්ගො නිරොධෙ ඵුසිතො මයා
භාවිතො අට්ඨඞ්ගිකො මග්ගො නිරොධෙ ඵුසිතො මයා
159. මාතා පුත්තො පිතා භාතා අය්යකා ච පුරෙ අහුං
යථාභුච්චං අජානන්තී සංසරීහං අනිබ්බිසං.
යථාභුච්චං අජානන්තී සංසරීහං අනිබ්බිසං.
160. දිට්ඨො හි මෙ සො භගවා අන්තිමො’යං සමුස්සයො
වික්ඛීණො ජාතිසංසාරො නත්ථි දානි පුනබ්භවො.
වික්ඛීණො ජාතිසංසාරො නත්ථි දානි පුනබ්භවො.
161. ආරද්ධවිරියෙ පහිතත්තෙ නිච්චං දළ්හපරක්කමෙ
සමග්ගෙ සාවකෙ පස්සෙ එසා බුද්ධාන වන්දනා.
සමග්ගෙ සාවකෙ පස්සෙ එසා බුද්ධාන වන්දනා.
162. බහුන්නං වත අත්ථාය මායා ජනයි ගොතමං
ව්යාධිමරණතුන්නානං දුක්ඛක්ඛන්ධ ව්යපානුදී’ති
ව්යාධිමරණතුන්නානං දුක්ඛක්ඛන්ධ ව්යපානුදී’ති
ඉත්ථං සුදං මහාපජාපතිගොතමි ථෙරී ගාථායො අභාසීති.
මහාපජාපතීගොතමීථෙරීගාථා.
6. 7.
163. ගුත්තෙ යදත්ථං පබ්බජ්ජා හිත්වා පුත්තං පසුං පියං
තමෙව අනුබ්රූහෙහි මා චිත්තස්ස වසං ගමී.
තමෙව අනුබ්රූහෙහි මා චිත්තස්ස වසං ගමී.
164. චිත්තෙන චඤ්චිතා සත්තා මාරස්ස විසයෙ රතා
අනෙකජාතිසංසාරං සන්ධාවන්ති අවිද්දසූ.
අනෙකජාතිසංසාරං සන්ධාවන්ති අවිද්දසූ.
165. කාමච්ඡන්දඤ්ච ව්යාපාදං සක්කායදිට්ඨිමෙව ච
සීලබ්බතපරාමාසං විචිකිච්ඡඤ්ච පඤ්චමං.
සීලබ්බතපරාමාසං විචිකිච්ඡඤ්ච පඤ්චමං.
166. සඤ්ඤොජනානි එතානි පජහිත්වාන භික්ඛුනී,
ඔරමාගමනීයානි නයිදං පුනරෙහිසි.
ඔරමාගමනීයානි නයිදං පුනරෙහිසි.
167. රාගං මානං අවිජ්ජඤ්ච උද්ධච්චඤ්ච විවජ්ජිය,
සඤ්ඤොජනානි ඡෙත්වාන දුක්ඛස්සන්තං කරිස්සසි.
සඤ්ඤොජනානි ඡෙත්වාන දුක්ඛස්සන්තං කරිස්සසි.
168. ඛෙපෙත්වා ජාතිසංසාරං පරිඤ්ඤාය පුනබ්භවං
දිට්ඨෙව ධම්මෙ නිච්ඡාතා උපසන්තා චරිස්සසීති.
දිට්ඨෙව ධම්මෙ නිච්ඡාතා උපසන්තා චරිස්සසීති.
ඉත්ථං සුදං ගුත්තා ථෙරී ගාථායො අභාසීති.
ගුත්තාථෙරීගාථා.
6. 8.
169. චතුක්ඛත්තුං පඤ්චක්ඛත්තුං විහාරා උපනික්ඛමිං
අලද්ධා චෙතසො සන්තිං චිත්තෙ අවසවත්තිනී.
අලද්ධා චෙතසො සන්තිං චිත්තෙ අවසවත්තිනී.
170. භික්ඛුනිං උපසඞ්කම්ම සක්කච්චං පරිපුච්ඡහං,
සා මෙ ධම්මමදෙසෙසි ධාතු ආයතනානි ච.
සා මෙ ධම්මමදෙසෙසි ධාතු ආයතනානි ච.
171. චත්තාරි අරියසච්චානි ඉන්ද්රියානි බලානි ච
බොජ්ඣඞ්ගට්ඨඞ්ගිකං මග්ගං උත්තමත්ථස්ස පත්තියා.
බොජ්ඣඞ්ගට්ඨඞ්ගිකං මග්ගං උත්තමත්ථස්ස පත්තියා.
172. තස්සාහං වචනං සුත්වා කරොන්තී අනුසාසනිං,
රත්තියා පුරිමෙ යාමෙ පුබ්බජාතිමනුස්සරිං.
රත්තියා පුරිමෙ යාමෙ පුබ්බජාතිමනුස්සරිං.
173. රත්තියා මජ්ඣිමෙ යාමෙ දිබ්බචක්ඛුං විසොධයිං,
රත්තියා පච්ඡිමෙ යාමෙ තමොක්ඛන්ධං පදාලයිං.
රත්තියා පච්ඡිමෙ යාමෙ තමොක්ඛන්ධං පදාලයිං.
174. පීතිසුඛෙන ච කායං ඵරිත්වා විහරිං තදා,
සත්තමියා පාදෙ පසාරෙසිං තමොක්ඛන්ධං පදාලියාති.
සත්තමියා පාදෙ පසාරෙසිං තමොක්ඛන්ධං පදාලියාති.
ඉත්ථං සුදං විජයා ථෙරී ගාථායො අභාසීති.
විජයාථෙරිගාථා.
ඡක්කනිපාතො නිට්ඨිතො.