6. ඡක්කනිපාතො.
6. 1.
127. යස්ස මග්ගං න ජානාති ආගතස්ස ගතස්ස වා
තං කුතො ආගතං සත්තං මම පුත්තොති රොදසි.
තං කුතො ආගතං සත්තං මම පුත්තොති රොදසි.
128. මග්ගඤ්ච ඛොස්ස ජානාසි ආගතස්ස ගතස්ස වා
න නං සමනුසොචෙසි එවං ධම්මා හි පාණිනො.
න නං සමනුසොචෙසි එවං ධම්මා හි පාණිනො.
129. අයාචිතො තතාගච්ඡි අනනුඤ්ඤාතො ඉතො ගතො
කුතොචි නූන ආගන්ත්වා වසිත්වා කතිපාහකං
ඉතො’පි අඤ්ඤෙන ගතො තතො අඤ්ඤෙන ගච්ඡති.
කුතොචි නූන ආගන්ත්වා වසිත්වා කතිපාහකං
ඉතො’පි අඤ්ඤෙන ගතො තතො අඤ්ඤෙන ගච්ඡති.
130. පෙතො මනුස්සරූපෙන ස සරන්තො ගමිස්සති,
යථාගතො තථා ගතො කා තත්ථ පරිදෙවනා.
යථාගතො තථා ගතො කා තත්ථ පරිදෙවනා.
131. අබ්බහී වත මෙ සල්ලං දුද්දසං හදයනිස්සිතං
යා මෙ සොකපරෙතාය පුත්තසොකං ව්යපානුදි.
යා මෙ සොකපරෙතාය පුත්තසොකං ව්යපානුදි.
132. සාජ්ජ අබ්බූළ්හසල්ලාහං නිච්ඡාතා පරිනිබ්බුතා
බුද්ධං ධම්මඤ්ච සඞ්ඝඤ්ච උපෙමි සරණං මුනිං.
බුද්ධං ධම්මඤ්ච සඞ්ඝඤ්ච උපෙමි සරණං මුනිං.
ඉත්ථං සුදං පඤ්චසතමත්තා ථෙරී භික්ඛුනියො ගාථායො අභාසිත්ථාති.
පඤ්චසතමත්තානං ථෙරීනං ගාථා.
6. 2.
133. පුත්තසොකෙනහං අට්ටා ඛිත්තචිත්තා විසඤ්ඤිනී,
නග්ගා පකිණ්ණකෙසි ච තෙන තෙන විචාරිහං.
නග්ගා පකිණ්ණකෙසි ච තෙන තෙන විචාරිහං.
134. වසිං සඞ්කාරකූටෙසු සුසානෙ රථියාසු ච
අචරිං තීණි වස්සානි ඛුප්පිපාසා සමප්පිතා.
අචරිං තීණි වස්සානි ඛුප්පිපාසා සමප්පිතා.
135. අථද්දසාසිං සුගතං නගරං මිථිලං පති,
අදන්තානං දමෙතාරං සම්බුද්ධමකුතොභයං.
අදන්තානං දමෙතාරං සම්බුද්ධමකුතොභයං.
136. සචිත්තං පටිලද්ධාන වන්දිත්වාන උපාවිසිං
සො මෙ ධම්මමදෙසෙසි අනුකම්පාය ගොතමො.
සො මෙ ධම්මමදෙසෙසි අනුකම්පාය ගොතමො.
137. තස්ස ධම්මං සුණිත්වාන පබ්බජිං අනගාරියං
යුඤ්ජන්තී සත්ථු වචනෙ සච්ඡාකාසිං පදං සිවං.
යුඤ්ජන්තී සත්ථු වචනෙ සච්ඡාකාසිං පදං සිවං.
138. සබ්බෙ සොකා සමුච්ඡින්නා පහීනා එතදන්තීකා
පරිඤ්ඤාතා හි මෙ වත්ථු යතො සොකානසම්භවො.
පරිඤ්ඤාතා හි මෙ වත්ථු යතො සොකානසම්භවො.
ඉත්ථං සුදං වාසෙට්ඨි ථෙරී ගාථායො අභාසීති.
වාසෙට්ඨිථෙරිගාථා.
6. 3.
139. දහරා ත්වං රූපවතී අහම්පි දහරො යුවා,
පඤ්චඞ්ගිකෙන තුරුයෙන එහි ඛෙමෙ රමාමසෙ.
පඤ්චඞ්ගිකෙන තුරුයෙන එහි ඛෙමෙ රමාමසෙ.
140. ඉමිනා පූතිකායෙන ආතුරෙන පභඞ්ගුනා
අට්ටියාමි හරායාමි කාමතණ්හා සමූහතා.
අට්ටියාමි හරායාමි කාමතණ්හා සමූහතා.
141. සත්තිසූලූපමාකාමා ඛන්ධාසං අධිකුට්ටනා
යං ත්වං කාමරතිං බ්රූසි අරති දානි සා මම.
යං ත්වං කාමරතිං බ්රූසි අරති දානි සා මම.
142. සබ්බත්ථ විහතා නන්දි තමොක්ඛන්ධො පදාලිතො
එවං ජානාහි පාපිම නිහතො ත්වමසි අන්තක.
එවං ජානාහි පාපිම නිහතො ත්වමසි අන්තක.
143. නක්ඛත්තානි නමස්සන්තා අග්ගිං පරිචරං වනෙ
යථාභුච්චං අජානන්තා බාලා සුද්ධිං අමඤ්ඤථ.
යථාභුච්චං අජානන්තා බාලා සුද්ධිං අමඤ්ඤථ.
144. අහඤ්ච ඛො නමස්සන්තී සම්බුද්ධං පුරිසුත්තමං
පරිමුත්තා සබ්බදුක්ඛෙහි සත්ථුසාසනකාරිකාති.
පරිමුත්තා සබ්බදුක්ඛෙහි සත්ථුසාසනකාරිකාති.
ඉත්ථං සුදං ඛෙමා ථෙරී ගාථායො අභාසීති.
ඛෙමාථෙරීගාථා.
6. 4.
145. අලඞ්කතා සුවසනා මාලිනී චන්දනුක්ඛිතා
සබ්බාභරණසඤ්ඡන්නා දාසීගණපුරක්ඛතා.
සබ්බාභරණසඤ්ඡන්නා දාසීගණපුරක්ඛතා.
146. අන්නං පානඤ්ච ආදාය ඛජ්ජභොජ්ජමනප්පකං
ගෙහතො නික්ඛමිත්වාන උය්යානමභිහාරයිං.
ගෙහතො නික්ඛමිත්වාන උය්යානමභිහාරයිං.
147. තත්ථ රමිත්වා කීළිත්වා ආගච්ඡන්ති සකං ඝරං
විහාරං දට්ඨුං පවිසිං සාකෙතෙ අඤ්ජනං වනං.
විහාරං දට්ඨුං පවිසිං සාකෙතෙ අඤ්ජනං වනං.
148. දිස්වාන ලොකපජ්ජොතං වන්දිත්වාන උපාවිසිං.
සෙ මෙ ධම්මමදෙසෙසි අනුකම්පාය චක්ඛුමා.
සෙ මෙ ධම්මමදෙසෙසි අනුකම්පාය චක්ඛුමා.
149. සුත්වා ච ඛො මහෙසිස්ස සච්චං අප්පටිවිජ්ඣහං
තත්ථෙව විරජං ධම්මං ඵුස්සයිං අමතං පදං.
තත්ථෙව විරජං ධම්මං ඵුස්සයිං අමතං පදං.
150. තතො විඤ්ඤාත සද්ධම්මා පබ්බජිං අනගාරියං
තිස්සො විජ්ජා අනුප්පත්තා අමොඝං බුද්ධසාසනං.
තිස්සො විජ්ජා අනුප්පත්තා අමොඝං බුද්ධසාසනං.
ඉත්ථං සුදං සුජාතා ථෙරී ගාථායො අභාසීති.
සුජාතාථෙරීගාථා.