3. 8.
60. යං තං ඉසීහි පත්තබ්බං ඨානං දුරභිසම්භවං
න තං ද්වඞ්ගුලපඤ්ඤාය සක්කා පප්පොතුමිත්ථියා.
න තං ද්වඞ්ගුලපඤ්ඤාය සක්කා පප්පොතුමිත්ථියා.
61. ඉත්ථිභාවො නො කිං කයිරා චිත්තම්හි සුසමාහිතෙ
ඤාණම්හි වත්තමානම්හි සම්මා ධම්මං විපස්සතො.
ඤාණම්හි වත්තමානම්හි සම්මා ධම්මං විපස්සතො.
62. සබ්බත්ථ විහතා නන්දි තමොක්ඛන්ධො පදාලිතො
එවං ජානාහි පාපිම නිහතො ත්වමසි අන්තකාති.
එවං ජානාහි පාපිම නිහතො ත්වමසි අන්තකාති.
ඉත්ථං සුදං සොමා ථෙරී ගාථායො අභාසිත්ථා’ති.
සොමාථෙරීගාථා.
තිකනිපාතො නිට්ඨිතො.
4. චතුක්කනිපාතො.
4. 1.
63. පුත්තො බුද්ධස්ස දායාදො කස්සපො සුසමාහිතො,
පුබ්බෙනිවාසං යො වෙදී සග්ගාපායඤ්ච පස්සති.
පුබ්බෙනිවාසං යො වෙදී සග්ගාපායඤ්ච පස්සති.
64. අථො ජාතික්ඛයං පත්තො අභිඤ්ඤාවොසිතො මුනි,
එතාහි තීහි විජ්ජාහි තෙවිජ්ජො හොති බ්රාහ්මණො.
එතාහි තීහි විජ්ජාහි තෙවිජ්ජො හොති බ්රාහ්මණො.
65. තථෙව භද්දාකාපිලානි තෙවිජ්ජා මච්චුහායිනී,
ධාරෙති අන්තිමං දෙහං ඡෙත්වා මාරං සවාහිනිං.
ධාරෙති අන්තිමං දෙහං ඡෙත්වා මාරං සවාහිනිං.
66. දිස්වා ආදීනවං ලොකෙ උභො පබ්බජිතා මයං,
ත්යම්හා ඛීණාසවා දන්තා සීතිභූතාම්හ නිබ්බුතාති.
ත්යම්හා ඛීණාසවා දන්තා සීතිභූතාම්හ නිබ්බුතාති.
ඉත්ථං සුදං භද්දාකාපිලානී ථෙරී ගාථායො අභාසිත්ථා’ති.
භද්දාකාපිලානීථෙරීගාථා.
චතුක්කනිපාතො නිට්ඨිතො.