3. තිකනිපාතො.
3. 1.
39. පණ්ණවීසතිවස්සානි යතො පබ්බජිතාය මෙ
නාභිජානාමි චිත්තස්ස සමං ලද්ධං කුදාචනං.
නාභිජානාමි චිත්තස්ස සමං ලද්ධං කුදාචනං.
40. අලද්ධා චෙතසො සන්තිං චිත්තෙ අවසවත්තිනී
තතො සංවෙගමාපාදිං සරිත්වා ජිනසාසනං.
තතො සංවෙගමාපාදිං සරිත්වා ජිනසාසනං.
41. බහූහි දුක්ඛධම්මෙහි අප්පමාදරතාය මෙ
තණ්හක්ඛයො අනුප්පත්තො කතං බුද්ධස්ස සාසනං
අජ්ජ මෙ සත්තමී රත්ති යතො තණ්හා විසොසිතාති.
තණ්හක්ඛයො අනුප්පත්තො කතං බුද්ධස්ස සාසනං
අජ්ජ මෙ සත්තමී රත්ති යතො තණ්හා විසොසිතාති.
ඉත්ථං සුදං සාමා ථෙරී ගාථායො අභාසිත්ථා’ති.
සාමාථෙරීගාථා.
3. 2.
42. චතුක්ඛත්තුං පඤ්චක්ඛත්තුං විහාරා උපනික්ඛමිං
අලද්ධා චෙතසො සන්තිං චිත්තෙ අවසවත්තිනී.
අලද්ධා චෙතසො සන්තිං චිත්තෙ අවසවත්තිනී.
43. සා භික්ඛුනිං උපගඤ්ඡිං යා මෙ සද්ධායිකා අහු
සා මෙ ධම්මමදෙසෙසි ඛන්ධායතනධාතුයො.
සා මෙ ධම්මමදෙසෙසි ඛන්ධායතනධාතුයො.
44. තස්සා ධම්මං සුණිත්වාන යථා මං අනුසාසි සා
සත්තාහං එකපල්ලඞ්කෙ නිසීදිං සුඛසමප්පිතා
අට්ඨමියා පාදෙ පසාරෙසිං තමොක්ඛන්ධං පදාලියාති.
සත්තාහං එකපල්ලඞ්කෙ නිසීදිං සුඛසමප්පිතා
අට්ඨමියා පාදෙ පසාරෙසිං තමොක්ඛන්ධං පදාලියාති.
ඉත්ථං සුදං උත්තමා ථෙරී ගාථායො අභාසිත්ථා’ති.
උත්තමාථෙරීගාථා.
3. 3.
45. යෙ ඉමෙ සත්තබොජ්ඣඞ්ගා මග්ගා නිබ්බානපත්තියා
භාවිතා තෙ මයා සබ්බෙ යථා බුද්ධෙන දෙසිතා.
භාවිතා තෙ මයා සබ්බෙ යථා බුද්ධෙන දෙසිතා.
46. සුඤ්ඤතස්සානිමිත්තස්ස ලාභිනීහං යදිච්ඡකං
ඔරසා ධීතා බුද්ධස්ස නිබ්බානාභිරතා සදා.
ඔරසා ධීතා බුද්ධස්ස නිබ්බානාභිරතා සදා.
47. සබ්බෙ කාමා සමුච්ඡින්නා යෙ දිබ්බා යෙ ච මානුසා
වික්ඛීණො ජාතිසංසාරො නත්ථිදානි පුනබ්භවොති.
වික්ඛීණො ජාතිසංසාරො නත්ථිදානි පුනබ්භවොති.
ඉත්ථං සුදං අපරා උත්තමා ථෙරී ගාථායො අභාසිත්ථා’ති.
උත්තමාථෙරීගාථා.
3. 4.
48. දිවාවිහාරා නික්ඛම්ම ගිජ්ඣකූටම්හි පබ්බතෙ
නාගමොගාහමුත්තිණ්ණං නදීතීරම්හි අද්දසං.
නාගමොගාහමුත්තිණ්ණං නදීතීරම්හි අද්දසං.
49. පුරිසො අඞ්කුසමාදාය දෙහි පාදන්ති යාචති
නාගො පසාරයී පාදං පුරිසො නාගමාරුහි.
නාගො පසාරයී පාදං පුරිසො නාගමාරුහි.
50. දිස්වා අදන්තං දමිතං මනුස්සානං වසං ගතං,
තතො චිත්තං සමාධෙසිං ඛලු තාය වනං ගතාති.
තතො චිත්තං සමාධෙසිං ඛලු තාය වනං ගතාති.
ඉත්ථං සුදං දන්තිකා ථෙරී ගාථායො අභාසිත්ථා’ති.
දන්තිකාථෙරීගාථා.
3. 5.
51. අම්ම ජීවතීති වනම්හි කන්දසි අත්තානං අධිගච්ඡ උබ්බිරී
චූළාසීති සහස්සානි සබ්බා ජීව සනාමිකා
එතම්හාළානෙ දඩ්ඪා තාසං කමනුසොචසි.
චූළාසීති සහස්සානි සබ්බා ජීව සනාමිකා
එතම්හාළානෙ දඩ්ඪා තාසං කමනුසොචසි.
52. අබ්බහී වත මෙ සල්ලං දුද්දසං හදයනිස්සිතං
යං මෙ සොකපරෙතාය ධීතුසොකං ව්යපානුදී.
යං මෙ සොකපරෙතාය ධීතුසොකං ව්යපානුදී.
53. සාජ්ජ අබ්බූළ්හසල්ලාහං නිච්ඡාතා පරිනිබ්බුතා
බුද්ධං ධම්මඤ්ච සඞ්ඝඤ්ච උපෙමි සරණං මුනින්ති.
බුද්ධං ධම්මඤ්ච සඞ්ඝඤ්ච උපෙමි සරණං මුනින්ති.
ඉත්ථං සුදං උබ්බරී ථෙරී ගාථායො අභාසිත්ථා’ති.
උබ්බිරීථෙරීගාථා.
3. 6.
54. කිමෙ කතා රාජගහෙ මනුස්සා මධුපීතාව අච්ඡරෙ
යෙ සුක්කං න උපාසන්ති දෙසෙන්තිං බුද්ධසාසනං.
යෙ සුක්කං න උපාසන්ති දෙසෙන්තිං බුද්ධසාසනං.
55. තඤ්ච අප්පටිවානීයං අසෙචනකමොජවං
පිවන්ති මඤ්ඤෙ සප්පඤ්ඤා වලාහකමිවද්ධගු.
පිවන්ති මඤ්ඤෙ සප්පඤ්ඤා වලාහකමිවද්ධගු.
56. සුක්කා සුක්කෙහි ධම්මෙහි වීතරාගා සමාහිතා
ධාරෙති අන්තිමං දෙහං ඡෙත්වා මාරං සවාහිනින්ති.
ධාරෙති අන්තිමං දෙහං ඡෙත්වා මාරං සවාහිනින්ති.
ඉත්ථං සුදං සුක්කා ථෙරී ගාථායො අභාසිත්ථා’ති.
සුක්කාථෙරීගාථා.