3. 6.
54. කිමෙ කතා රාජගහෙ මනුස්සා මධුපීතාව අච්ඡරෙ
යෙ සුක්කං න උපාසන්ති දෙසෙන්තිං බුද්ධසාසනං.
යෙ සුක්කං න උපාසන්ති දෙසෙන්තිං බුද්ධසාසනං.
55. තඤ්ච අප්පටිවානීයං අසෙචනකමොජවං
පිවන්ති මඤ්ඤෙ සප්පඤ්ඤා වලාහකමිවද්ධගු.
පිවන්ති මඤ්ඤෙ සප්පඤ්ඤා වලාහකමිවද්ධගු.
56. සුක්කා සුක්කෙහි ධම්මෙහි වීතරාගා සමාහිතා
ධාරෙති අන්තිමං දෙහං ඡෙත්වා මාරං සවාහිනින්ති.
ධාරෙති අන්තිමං දෙහං ඡෙත්වා මාරං සවාහිනින්ති.
ඉත්ථං සුදං සුක්කා ථෙරී ගාථායො අභාසිත්ථා’ති.
සුක්කාථෙරීගාථා.
3. 7.
57. නත්ථි නිස්සරණං ලොකෙ කිං විවෙකෙන කාහසි
භුඤ්ජාහි කාමරතියො මාහු පච්ඡානුතාපිනී.
භුඤ්ජාහි කාමරතියො මාහු පච්ඡානුතාපිනී.
58. සත්තිසූලූපමා කාමා ඛන්ධාසං අධිකුට්ටනා
යං ත්වං කාමරතිං බ්රූසි අරතී දානි සා මම.
යං ත්වං කාමරතිං බ්රූසි අරතී දානි සා මම.
59. සබ්බත්ථ විහතා නන්දී තමොක්ඛන්ධො පදාලිතො
එවං ජානාහි පාපිම නිහතො ත්වමසි අන්තකාති.
එවං ජානාහි පාපිම නිහතො ත්වමසි අන්තකාති.
ඉත්ථං සුදං සෙලා ථෙරී ගාථායො අභාසිත්ථා’ති.
සෙලාථෙරීගාථා.
3. 8.
60. යං තං ඉසීහි පත්තබ්බං ඨානං දුරභිසම්භවං
න තං ද්වඞ්ගුලපඤ්ඤාය සක්කා පප්පොතුමිත්ථියා.
න තං ද්වඞ්ගුලපඤ්ඤාය සක්කා පප්පොතුමිත්ථියා.
61. ඉත්ථිභාවො නො කිං කයිරා චිත්තම්හි සුසමාහිතෙ
ඤාණම්හි වත්තමානම්හි සම්මා ධම්මං විපස්සතො.
ඤාණම්හි වත්තමානම්හි සම්මා ධම්මං විපස්සතො.
62. සබ්බත්ථ විහතා නන්දි තමොක්ඛන්ධො පදාලිතො
එවං ජානාහි පාපිම නිහතො ත්වමසි අන්තකාති.
එවං ජානාහි පාපිම නිහතො ත්වමසි අන්තකාති.
ඉත්ථං සුදං සොමා ථෙරී ගාථායො අභාසිත්ථා’ති.
සොමාථෙරීගාථා.
තිකනිපාතො නිට්ඨිතො.