20. 4.
312. පෙතානි භොති පුත්තානි ඛාදමානා තුවං පුරෙ
තුවං දිවා ච රත්තො ච අතීව පරිතප්පසි.
තුවං දිවා ච රත්තො ච අතීව පරිතප්පසි.
313. සාජ්ජ සබ්බානි ඛාදිත්වා සතපුත්තානි බ්රාහ්මණී,
වාසෙට්ඨි කෙන වණ්ණෙන න බාළ්හං පරිතප්පසි.
වාසෙට්ඨි කෙන වණ්ණෙන න බාළ්හං පරිතප්පසි.
314. බහූනි පුත්තසතානි ඤාතිසඞ්ඝසතානි ච
ඛාදිතානි අතීතංසෙ මම තුය්හං ච බ්රාහ්මණ.
ඛාදිතානි අතීතංසෙ මම තුය්හං ච බ්රාහ්මණ.
315. සාහං නිස්සරණං ඤත්වා ජාතියා මරණස්ස ච
න සොචාමි න රොදාමි න චාපි පරිතප්පයිං.
න සොචාමි න රොදාමි න චාපි පරිතප්පයිං.
316. අබ්භුතං වත වාසෙට්ඨි වාචං භාසසි එදිසිං,
කස්ස ත්වං ධම්මමඤ්ඤාය ථිරං භාසසි එදිසං.
කස්ස ත්වං ධම්මමඤ්ඤාය ථිරං භාසසි එදිසං.
317. එස බ්රාහ්මණ සම්බුද්ධො නගරං මිථිලං පති,
සබ්බදුක්ඛප්පහානාය ධප්පං දෙසෙසි පාණිනං.
සබ්බදුක්ඛප්පහානාය ධප්පං දෙසෙසි පාණිනං.
318. තස්ස බ්රාහ්මණ අරහතො’ධම්මං සුත්වා නිරූපධිං,
තත්ථ විඤ්ඤාතසද්ධම්මා පුත්තසොකං ව්යපානුදිං.
තත්ථ විඤ්ඤාතසද්ධම්මා පුත්තසොකං ව්යපානුදිං.
319. සො අහම්පි ගමිස්සාමි නගරං මිථිලං පති,
අප්පෙව මං සො භගවා සබ්බදුක්ඛා පමොචයෙ,
අද්දස බ්රාහ්මණො බුද්ධං විප්පමුත්තං නිරූපධිං.
අප්පෙව මං සො භගවා සබ්බදුක්ඛා පමොචයෙ,
අද්දස බ්රාහ්මණො බුද්ධං විප්පමුත්තං නිරූපධිං.
320. සොස්ස ධම්මමදෙසෙසි මුනි දුක්ඛස්ස පාරගූ,
දුක්ඛං දුක්ඛසමුප්පාසං දුක්ඛස්ස ච අතික්කමං,
අරියඤ්චට්ඨඞ්ගිනං මග්ගං දුක්ඛූපසමගාමිනං.
දුක්ඛං දුක්ඛසමුප්පාසං දුක්ඛස්ස ච අතික්කමං,
අරියඤ්චට්ඨඞ්ගිනං මග්ගං දුක්ඛූපසමගාමිනං.
321. තත්ථ විඤ්ඤාතසද්ධම්මො පබ්බජ්ජං සමරොචයිං,
සුජාතො තීහි රත්තිහි තිස්සො විජ්ජා අඵස්සයී.
සුජාතො තීහි රත්තිහි තිස්සො විජ්ජා අඵස්සයී.
322. එහි සාරථි ගච්ඡාහි රථං නීයාදියාහි’මං,
ආරොග්යං බ්රාහ්මණිං වජ්ජා පබ්බජිතොදානි බ්රාහ්මණො,
සුජාතො තීහි රත්තිහි තිස්සො විජ්ජා අඵස්සයී.
ආරොග්යං බ්රාහ්මණිං වජ්ජා පබ්බජිතොදානි බ්රාහ්මණො,
සුජාතො තීහි රත්තිහි තිස්සො විජ්ජා අඵස්සයී.
323. තතො ච රථමාදාය සහස්සං චාපි සාරථි,
ආරොග්යං බ්රාහ්මණිංවොච පබ්බජිතොදානි බ්රාහ්මණො,
සුජාතො තීහි රත්තිහි තිස්සො විජ්ජා අඵස්සයී.
ආරොග්යං බ්රාහ්මණිංවොච පබ්බජිතොදානි බ්රාහ්මණො,
සුජාතො තීහි රත්තිහි තිස්සො විජ්ජා අඵස්සයී.
324. එතං චාහං අස්සරථං සහස්සං චාපි සාරථි,
තෙවිජ්ජං බ්රාහ්මණං ඤත්වා පුණ්ණපත්තං දදාමි තෙ.
තෙවිජ්ජං බ්රාහ්මණං ඤත්වා පුණ්ණපත්තං දදාමි තෙ.
325. තුය්හෙව හොත්වස්සරථො සහස්සං චාපි බ්රාහ්මණී,
අහම්පි පබ්බජිස්සාමි වරපඤ්ඤස්ස සන්තිකෙ.
අහම්පි පබ්බජිස්සාමි වරපඤ්ඤස්ස සන්තිකෙ.
326. හත්ථි ගවස්සං මණිකුණ්ඩලඤ්ච
ඵීතඤ්චිමං ගහවිභවං පහාය,
පිතා පබ්බජිතො තුය්හං
භුඤ්ජ භොගානි සුන්දරී තුවං දායාදිකා කුලෙ.
ඵීතඤ්චිමං ගහවිභවං පහාය,
පිතා පබ්බජිතො තුය්හං
භුඤ්ජ භොගානි සුන්දරී තුවං දායාදිකා කුලෙ.
327. හත්ථි ගවස්සං මණිකුණ්ඩලඤ්ච
රම්මං චිමං ගහවිභවං පහාය,
පිතා පබ්බජිතො මය්හං පුත්තසොකෙන අට්ටිතො
අහම්පි පබ්බජිස්සාමි භාතුසොකෙන අට්ටිතා.
රම්මං චිමං ගහවිභවං පහාය,
පිතා පබ්බජිතො මය්හං පුත්තසොකෙන අට්ටිතො
අහම්පි පබ්බජිස්සාමි භාතුසොකෙන අට්ටිතා.
328. සො තෙ ඉජ්ඣතු සඞ්කප්පො යං ත්වං පත්ථෙසි සුන්දරී,
උත්තිට්ඨපිණ්ඩො උඤ්ඡා ච පංසුකූලං ච චීවරං,
එතානි අභිසම්භොන්ති පරලොකෙ අනාසවා.
උත්තිට්ඨපිණ්ඩො උඤ්ඡා ච පංසුකූලං ච චීවරං,
එතානි අභිසම්භොන්ති පරලොකෙ අනාසවා.
329. සික්ඛමානාය මෙ අය්යෙ දිබ්බචක්ඛුං විසොධිතං,
පුබ්බෙනිවාසං ජානාමි යත්ථ මෙ වුසිතං පුරෙ.
පුබ්බෙනිවාසං ජානාමි යත්ථ මෙ වුසිතං පුරෙ.
330. තුවං නිස්සාය කල්යාණී ථෙරී සඞ්ඝස්ස සොභනෙ,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
331. අනුජානාහි මෙ අය්යෙ ඉච්ඡෙ සාවත්ථි ගන්තවෙ,
සීහනාදං නදිස්සාමි බුද්ධසෙට්ඨස්ස සන්තිකෙ.
සීහනාදං නදිස්සාමි බුද්ධසෙට්ඨස්ස සන්තිකෙ.
332. පස්ස සුන්දරී සත්ථාරං හෙමවණ්ණං හරිත්තවං,
අදන්තානං දමෙතාරං සම්බුද්ධමකුතොභායං.
අදන්තානං දමෙතාරං සම්බුද්ධමකුතොභායං.
333. පස්ස සුන්දරිමායන්තිං විප්පමුත්තං නිරූපධිං,
වීතරාගං විසංයුත්තං කතකිච්චං අනාසවං.
වීතරාගං විසංයුත්තං කතකිච්චං අනාසවං.
334. බාරාණසිතො නික්ඛම්ම තව සන්තිකමාගතා,
සාවිකා තෙ මහාවීර පාදෙ වන්දති සුන්දරී.
සාවිකා තෙ මහාවීර පාදෙ වන්දති සුන්දරී.