20. 2.
271. සමණාති භොති ත්වං සයසි සමණාති පටිබුජ්ඣසි
සමණානමෙව කිත්තෙසි සමණී නූන භවිස්සසි.
සමණානමෙව කිත්තෙසි සමණී නූන භවිස්සසි.
272. විපුලං අන්නඤ්ච පානඤ්ච සමණානං පයච්ඡසි
රොහිණී’දානි පුච්ඡාමි කෙන තෙ සමණා පියා?
රොහිණී’දානි පුච්ඡාමි කෙන තෙ සමණා පියා?
273. අකම්මකාමා අලසා පරදත්තොපජීවිනො
ආසංසුකා සාදුකාමා කෙන තෙ සමණා පියා?
ආසංසුකා සාදුකාමා කෙන තෙ සමණා පියා?
274. චිරස්සං වත මං තාතං සමණානං පරිපුච්ඡසි
තෙසං තෙ කිත්තයිස්සාමි පඤ්ඤාසීලපරක්කමං.
තෙසං තෙ කිත්තයිස්සාමි පඤ්ඤාසීලපරක්කමං.
275. කම්මකාමා අනලසා කම්මසෙට්ඨස්ස කාරකා
රාගං දොසං පජහන්ති තෙන මෙ සමණා පියා.
රාගං දොසං පජහන්ති තෙන මෙ සමණා පියා.
276. තීණි පාපස්ස මූලානි ධුනන්ති සුචි කාරිනො
සබ්බපාපං පහීනෙසං තෙන මෙ සමණා පියා.
සබ්බපාපං පහීනෙසං තෙන මෙ සමණා පියා.
277. කායකම්මං සුචි නෙසං වචීකම්මං ච තාදිසං
මනොකම්මං සුචි නෙසං තෙන මෙ සමණා පියා.
මනොකම්මං සුචි නෙසං තෙන මෙ සමණා පියා.
278. විමලා සඞ්ඛමුත්තා’ව සුද්ධා සන්තරබාහිරා
පුණ්ණා සුක්කෙහි ධම්මෙහි තෙන මෙ සමණා පියා.
පුණ්ණා සුක්කෙහි ධම්මෙහි තෙන මෙ සමණා පියා.
279. බහුස්සුතා ධම්මධරා අරියා ධම්මජීවිනො
අත්ථං ධම්මඤ්ච දෙසෙන්ති තෙන මෙ සමණා පියා.
අත්ථං ධම්මඤ්ච දෙසෙන්ති තෙන මෙ සමණා පියා.
280. බහුස්සුතා ධම්මධරා අරියා ධම්මජීවිනො
එකග්ගචිත්තා සතිමන්තො තෙන මෙ සමණා පියා.
එකග්ගචිත්තා සතිමන්තො තෙන මෙ සමණා පියා.
281. දූරඞ්ගමා සතිමන්තො මන්තභාණී අනුද්ධතා
දුක්ඛස්සන්තං පජානන්ති තෙන මෙ සමණා පියා.
දුක්ඛස්සන්තං පජානන්ති තෙන මෙ සමණා පියා.
282. යස්මා ගාමා පක්කමන්ති නෙ විලොකෙන්ති කිඤ්චනං
අනපෙක්ඛාව ගච්ඡන්ති තෙන මෙ සමණා පියා.
අනපෙක්ඛාව ගච්ඡන්ති තෙන මෙ සමණා පියා.
283. න තෙසං කොට්ඨෙ ඔපෙන්ති න කුම්භිං න ඛලොපියං
පරිනිට්ඨිතමෙසානා තෙන මෙ සමණා පියා.
පරිනිට්ඨිතමෙසානා තෙන මෙ සමණා පියා.
284. න තෙ හිරඤ්ඤං ගණ්හන්ති න සුවණ්ණං න රූපියං
පච්චුප්පන්නෙන යාපෙන්ති තෙන මෙ සමණා පියා.
පච්චුප්පන්නෙන යාපෙන්ති තෙන මෙ සමණා පියා.
285. නානාකුලා පබ්බජිතා නානාජනපදෙහි ච
අඤ්ඤමඤ්ඤං පියායන්ති තෙන මෙ සමණා පියා.
අඤ්ඤමඤ්ඤං පියායන්ති තෙන මෙ සමණා පියා.
286. අත්ථාය වත නො භොති කුලෙ ජාතාසි රොහිණී
සද්ධා බුද්ධෙ ච ධම්මෙ ච සඞ්ඝෙ ච තිබ්බගාරවා.
සද්ධා බුද්ධෙ ච ධම්මෙ ච සඞ්ඝෙ ච තිබ්බගාරවා.
287. තුවං හෙතං පජානාසි පුඤ්ඤක්ඛෙත්තං අනුත්තරං
අම්හම්පි ච තෙ සමණා පතිගණ්හන්ති දක්ඛිණං
පතිට්ඨිතො හෙත්ථ යඤ්ඤො විපුලො නො භවිස්සති.
අම්හම්පි ච තෙ සමණා පතිගණ්හන්ති දක්ඛිණං
පතිට්ඨිතො හෙත්ථ යඤ්ඤො විපුලො නො භවිස්සති.
288. සචෙ භායසි දුක්ඛස්ස සචෙ තෙ දුක්ඛමප්පියං
උපෙහි සරණං බුද්ධං ධම්මං සඞ්ඝඤ්ච තාදිනං,
සමාදියාහි සීලානි තං තෙ අත්ථාය හෙහිති.
උපෙහි සරණං බුද්ධං ධම්මං සඞ්ඝඤ්ච තාදිනං,
සමාදියාහි සීලානි තං තෙ අත්ථාය හෙහිති.
289. උපෙහි සරණං බුද්ධං ධම්මං සඞ්ඝඤ්ච තාදිනං,
සමාදියාමි සීලානි තං මෙ අත්ථාය හෙහිති.
සමාදියාමි සීලානි තං මෙ අත්ථාය හෙහිති.
290. බ්රහ්මබන්ධු පුරෙ ආසිං සො ඉදානිම්හි බ්රාහ්මණො
තෙවිජ්ජො සොත්ථියො චම්හි වෙදගූ චම්හි න්හාතකොති.
තෙවිජ්ජො සොත්ථියො චම්හි වෙදගූ චම්හි න්හාතකොති.
ඉත්ථං සුදං රොහිණී ථෙරී ගාථායො අභාසීති.
රොහිණීථෙරීගාථා.
20. 3.
291. ලට්ඨිහත්ථො පුරෙ ආසී සො දානි මිගලුද්දකො,
ආසාය පලිපා ඝොරා නාසක්ඛි පාරමෙතවෙ.
ආසාය පලිපා ඝොරා නාසක්ඛි පාරමෙතවෙ.
292. සුමුත්තං මං මඤ්ඤමානා චාපා පුත්තමතොසයී,
චාපාය බන්ධනං ඡෙත්වා පබ්බජිස්සං පුනොපහං.
චාපාය බන්ධනං ඡෙත්වා පබ්බජිස්සං පුනොපහං.
293. මා මෙ කුජ්ඣි මහාවීර මා මෙ කුජ්ඣි මහාමුනී,
න හි කොධපරෙතස්ස සුද්ධි අත්ථි කුතො තපො.
න හි කොධපරෙතස්ස සුද්ධි අත්ථි කුතො තපො.
294. පක්කමිස්සං ච නාලාතො කොධ නාලාය වච්ඡති,
බන්ධන්තී ඉත්ථිරූපෙන සමණෙ ධම්මජීවිනො.
බන්ධන්තී ඉත්ථිරූපෙන සමණෙ ධම්මජීවිනො.