1. 6.
6. ධීරෙ නිරොධං ඵුස්සෙහි සඤ්ඤා වූපසමං සුඛං,
ආරාධයාහි නිබ්බානං යොගක්ඛෙමං අනුත්තරං.
ආරාධයාහි නිබ්බානං යොගක්ඛෙමං අනුත්තරං.
ඉත්ථං සුදං ධීරා ථෙරී ගාථං අභාසිත්ථා’ති.
ධීරාථෙරීගාථා.
1. 7.
7. වීරා වීරෙහි ධම්මෙහි භික්ඛුනී භාවිතින්ද්රියා,
ධාරෙහි අන්තිමං දෙහං ඡෙත්වා මාරං සවාහිනින්ති.
ධාරෙහි අන්තිමං දෙහං ඡෙත්වා මාරං සවාහිනින්ති.
ඉත්ථං සුදං වීරා ථෙරී ගාථං අභාසිත්ථා’ති.
වීරාථෙරීගාථා.
1. 8.
8. සද්ධාය පබ්බජිත්වාන මිත්තෙ මිත්තරතා භව,
භාවෙහි කුසලෙ ධම්මෙ යොගක්ඛෙමස්ස පත්තියාති.
භාවෙහි කුසලෙ ධම්මෙ යොගක්ඛෙමස්ස පත්තියාති.
ඉත්ථං සුදං මිත්තාථෙරී ගාථං අභාසිත්ථා’ති.
මිත්තාථෙරීගාථා.
1. 9.
9. සද්ධාය පබ්බජිත්වාන භද්රෙ භද්රරතා භව,
භාවෙහි කුසලෙ ධම්මෙ යොගක්ඛෙමං අනුත්තරන්ති.
භාවෙහි කුසලෙ ධම්මෙ යොගක්ඛෙමං අනුත්තරන්ති.
ඉත්ථං සුදං භද්රා ථෙරී ගාථං අභාසිත්ථා’ති.
භද්රාථෙරීගාථා.
1. 10.
10. උපසමෙ තරෙ ඔඝං මච්චුධෙය්යං සුදුත්තරං,
ධාරෙහි අන්තිමං දෙහං ජෙත්වා මාරං සවාහිනින්ති.
ධාරෙහි අන්තිමං දෙහං ජෙත්වා මාරං සවාහිනින්ති.
ඉත්ථං සුදං උපසමා ථෙරී ගාථං අභාසිත්ථා’ති.
උපසමාථෙරීගාථා.
1. 11.
11. සුමුත්තා සාධු මුත්තාම්හි තීහි ඛුජ්ජෙහි මුත්තියා,
උදුක්ඛලෙන මුසලෙන පතිනා ඛුජ්ජකෙන ච,
මුත්තාම්හි ජාතිමරණා භවනෙත්ති සමූහතාති.
උදුක්ඛලෙන මුසලෙන පතිනා ඛුජ්ජකෙන ච,
මුත්තාම්හි ජාතිමරණා භවනෙත්ති සමූහතාති.
ඉත්ථං සුදං මුත්තාථෙරී ගාථං අභාසිත්ථා’ති.
මුත්තාථෙරීගාථා.
1. 12.
12. ඡන්දජාතා අවසායී මනසා ච ඵුඨා සියා,
කාමෙසු අප්පටිබද්ධචිත්තා උද්ධංසොතාති වුච්චතීති.
කාමෙසු අප්පටිබද්ධචිත්තා උද්ධංසොතාති වුච්චතීති.
ඉත්ථං සුදං ධම්මදින්නා ථෙරී ගාථං අභාසිත්ථා’ති.
ධම්මදින්නාථෙරීගාථා.
1. 13.
13. කරොථ බුද්ධසාසනං යං කත්වා නානුතප්පති,
ඛිප්පං පාදානි ධොවිත්වා එකමන්තෙ නිසීදථාති.
ඛිප්පං පාදානි ධොවිත්වා එකමන්තෙ නිසීදථාති.
ඉත්ථං සුදං විසාඛාථෙරී ගාථං අභාසිත්ථා’ති.
විසාඛාථෙරීගාථා.