8. 1. 3.
510. යදා පඨමමද්දක්ඛිං සත්ථාරමකුතොභයං,
තතො මෙ අහු සංවෙගො පස්සිත්වා පුරිසුත්තමං.
තතො මෙ අහු සංවෙගො පස්සිත්වා පුරිසුත්තමං.
511. සිරිං හත්ථෙහි පාදෙහි යො පණාමෙය්ය ආගතං,
එතාදිසං සො සත්ථාරං ආරාධෙත්වා විරාධයෙ.
එතාදිසං සො සත්ථාරං ආරාධෙත්වා විරාධයෙ.
512. තදාහං පුත්තදාරං ච ධනධඤ්ඤං ව ඡඩ්ඩයිං,
කෙසමස්සූනි ඡෙදෙත්වා පබ්බජිං අනගාරියං,
කෙසමස්සූනි ඡෙදෙත්වා පබ්බජිං අනගාරියං,
513. සික්ඛාසාජීවසම්පන්නො ඉන්ද්රියෙසු සුසංවුතො.
නමස්සමානො සම්බුද්ධං විහාසිං අපරාජිතො.
නමස්සමානො සම්බුද්ධං විහාසිං අපරාජිතො.
514. තතො මෙ පණිධී ආසි චෙතසො අභිපත්ථිතො,
න නිසීදෙ මුහුත්තම්පි තණ්හාසල්ලෙ අනූහතෙ.
න නිසීදෙ මුහුත්තම්පි තණ්හාසල්ලෙ අනූහතෙ.
515. තස්ස මෙවං විහරතො පස්ස විරියපරක්කමං,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
516. පුබ්බෙනිවාසං ජානාමි දිබ්බචක්ඛුං විසොධිතං,
අරහා දක්ඛිණෙය්යොම්හි විප්පමුත්තො නිරූපධි.
අරහා දක්ඛිණෙය්යොම්හි විප්පමුත්තො නිරූපධි.
517. තතො රත්යා විවසනෙ සුරියස්සුග්ගමනං පති,
සබ්බං තණ්හං විසොසෙත්වා පල්ලඞ්කෙන උපාවිසි’න්ති.
සබ්බං තණ්හං විසොසෙත්වා පල්ලඞ්කෙන උපාවිසි’න්ති.
ඉත්ථං සුදං ආයස්මා මහාපන්ථකො ථෙරො ගාථායො අභාසිත්ථා’ති.
මහාපන්ථකත්ථෙරගාථා.
තස්සුද්දානං:
මහාකච්චායනො ථෙරො සිරිමිත්තො මහාපන්ථකො,
එතෙ අට්ඨනිපාතම්හි ගාථායො චතුවීසතී’ති.
එතෙ අට්ඨනිපාතම්හි ගාථායො චතුවීසතී’ති.
අට්ඨකනිපාතො නිට්ඨිතො.
9. නවකනිපාතො.
9. 1. 1.
518. යදා දුක්ඛං ජරාමරණන්ති පණ්ඩිතො
අවිද්දසූ යත්ථ සිතා පුථුජ්ජනා,
දුක්ඛං පරිඤ්ඤාය සතොව ඣායති
තතො රතිං පරමතරං න වින්දති.
අවිද්දසූ යත්ථ සිතා පුථුජ්ජනා,
දුක්ඛං පරිඤ්ඤාය සතොව ඣායති
තතො රතිං පරමතරං න වින්දති.
519. යදා දුක්ඛස්සාවහනිං විසත්තිකං
පපඤ්චසඞ්ඝාට දුඛාධිවාහිනිං,
තණ්හං පහත්වාන සතොව ඣායති
තතො රතිං පරමතරං න වින්දති.
පපඤ්චසඞ්ඝාට දුඛාධිවාහිනිං,
තණ්හං පහත්වාන සතොව ඣායති
තතො රතිං පරමතරං න වින්දති.
520. යදා සිවං ද්වෙ චතුරඞ්ගගාමිනං
මග්ගුත්තමං සබ්බකිලෙසසොධනං,
පඤ්ඤාය පස්සිත්ව සතොව ඣායති
තතො රතිං පරමතරං න වින්දති.
මග්ගුත්තමං සබ්බකිලෙසසොධනං,
පඤ්ඤාය පස්සිත්ව සතොව ඣායති
තතො රතිං පරමතරං න වින්දති.
521. යදා අසොකං විරජං අසඞ්ඛතං
සන්තං පදං සබ්බකිලෙසසොධනං,
භාවෙති සඤ්ඤොජනබන්ධනච්ඡිදං
තතො රතිං පරමතරං න වින්දති.
සන්තං පදං සබ්බකිලෙසසොධනං,
භාවෙති සඤ්ඤොජනබන්ධනච්ඡිදං
තතො රතිං පරමතරං න වින්දති.
522. යදා නභෙ ගජ්ජති මෙඝදුන්දුභි
ධාරාකුලා විහගපථෙ සමන්තතො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.
ධාරාකුලා විහගපථෙ සමන්තතො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.
523. යදා නදීනං කුසුමාකුලානං
විචිත්තවානෙය්යවටංසකානං,
තීරෙ නිසින්නො සමණො’ව ඣායති
තතො රතිං පරමතරං න වින්දති.
විචිත්තවානෙය්යවටංසකානං,
තීරෙ නිසින්නො සමණො’ව ඣායති
තතො රතිං පරමතරං න වින්දති.
524. යදා නිසීථෙ රහිතම්හි කානනෙ
දෙවෙ ගළන්තම්හි නදන්ති දාඨිනො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.
දෙවෙ ගළන්තම්හි නදන්ති දාඨිනො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.