9. නවකනිපාතො.
9. 1. 1.
518. යදා දුක්ඛං ජරාමරණන්ති පණ්ඩිතො
අවිද්දසූ යත්ථ සිතා පුථුජ්ජනා,
දුක්ඛං පරිඤ්ඤාය සතොව ඣායති
තතො රතිං පරමතරං න වින්දති.
අවිද්දසූ යත්ථ සිතා පුථුජ්ජනා,
දුක්ඛං පරිඤ්ඤාය සතොව ඣායති
තතො රතිං පරමතරං න වින්දති.
519. යදා දුක්ඛස්සාවහනිං විසත්තිකං
පපඤ්චසඞ්ඝාට දුඛාධිවාහිනිං,
තණ්හං පහත්වාන සතොව ඣායති
තතො රතිං පරමතරං න වින්දති.
පපඤ්චසඞ්ඝාට දුඛාධිවාහිනිං,
තණ්හං පහත්වාන සතොව ඣායති
තතො රතිං පරමතරං න වින්දති.
520. යදා සිවං ද්වෙ චතුරඞ්ගගාමිනං
මග්ගුත්තමං සබ්බකිලෙසසොධනං,
පඤ්ඤාය පස්සිත්ව සතොව ඣායති
තතො රතිං පරමතරං න වින්දති.
මග්ගුත්තමං සබ්බකිලෙසසොධනං,
පඤ්ඤාය පස්සිත්ව සතොව ඣායති
තතො රතිං පරමතරං න වින්දති.
521. යදා අසොකං විරජං අසඞ්ඛතං
සන්තං පදං සබ්බකිලෙසසොධනං,
භාවෙති සඤ්ඤොජනබන්ධනච්ඡිදං
තතො රතිං පරමතරං න වින්දති.
සන්තං පදං සබ්බකිලෙසසොධනං,
භාවෙති සඤ්ඤොජනබන්ධනච්ඡිදං
තතො රතිං පරමතරං න වින්දති.
522. යදා නභෙ ගජ්ජති මෙඝදුන්දුභි
ධාරාකුලා විහගපථෙ සමන්තතො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.
ධාරාකුලා විහගපථෙ සමන්තතො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.
523. යදා නදීනං කුසුමාකුලානං
විචිත්තවානෙය්යවටංසකානං,
තීරෙ නිසින්නො සමණො’ව ඣායති
තතො රතිං පරමතරං න වින්දති.
විචිත්තවානෙය්යවටංසකානං,
තීරෙ නිසින්නො සමණො’ව ඣායති
තතො රතිං පරමතරං න වින්දති.
524. යදා නිසීථෙ රහිතම්හි කානනෙ
දෙවෙ ගළන්තම්හි නදන්ති දාඨිනො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.
දෙවෙ ගළන්තම්හි නදන්ති දාඨිනො,
භික්ඛූ ච පබ්භාරගතො’ව ඣායති
තතො රතිං පරමතරං න වින්දති.
525. යදා විතක්කෙ උපරුන්ධියත්තනො
නගන්තරෙ නගවිවරං සමස්සිතො,
වීතද්දරො විගතඛිලො’ව ඣායති
තතො රතිං පරමතරං න වින්දති.
නගන්තරෙ නගවිවරං සමස්සිතො,
වීතද්දරො විගතඛිලො’ව ඣායති
තතො රතිං පරමතරං න වින්දති.
526. යදා සුඛී වලඛිලසොකනාසනො
නිරග්ගළො නිබ්බනථෙ විසල්ලො,
සබ්බාසවෙ බ්යන්තිකතො’ව ඣායති
තතො රතිං පරමතරං න වින්දතී’ති.
නිරග්ගළො නිබ්බනථෙ විසල්ලො,
සබ්බාසවෙ බ්යන්තිකතො’ව ඣායති
තතො රතිං පරමතරං න වින්දතී’ති.
ඉත්ථං සුදං ආයස්මා භූතො ථෙරො ගාථායො අභාසිත්ථා’ති.
භූතත්ථෙරගාථා.
තස්සුද්දානං:
භූතො තථද්දසො ථෙරො එකො ඛග්ගවිසාණවා,
නවකම්හි නිපාතම්හි ගාථායො’පි ඉමා නවා’ති.
නවකම්හි නිපාතම්හි ගාථායො’පි ඉමා නවා’ති.
නවකනිපාතො නිට්ඨිතො.