6. 1. 3.
387. යස්ස සබ්රහ්මචාරීසු ගාරවො නූපලබ්භති,
පරිහායති සද්ධම්මා මච්ඡො අප්පොදකෙ යථා.
පරිහායති සද්ධම්මා මච්ඡො අප්පොදකෙ යථා.
388. යස්ස සබ්රහ්මචාරීසු ගාරවො නූපලබ්භති,
න විරූහති සද්ධම්මෙ ඛෙත්තෙ බීජංව පූතිකං.
න විරූහති සද්ධම්මෙ ඛෙත්තෙ බීජංව පූතිකං.
389. යස්ස සබ්රහ්මචාරීසු ගාරවො නූපලබ්භති,
අරකා හොති නිබ්බානා, ධම්මරාජස්ස සාසනෙ.
අරකා හොති නිබ්බානා, ධම්මරාජස්ස සාසනෙ.
390. යස්ස සබ්රහ්මචාරීසු ගාරවො උපලබ්භති,
න විහායති සද්ධම්මා මච්ඡො බව්හොදකෙ යථා.
න විහායති සද්ධම්මා මච්ඡො බව්හොදකෙ යථා.
391. යස්ස සබ්රහ්මචාරීසු ගාරවො උපලබ්භති,
සො විරූහති සද්ධම්මෙ ඛෙත්තෙ බීජංව භද්දකං.
සො විරූහති සද්ධම්මෙ ඛෙත්තෙ බීජංව භද්දකං.
392. යස්ස සබ්රහ්මචාරීසු ගාරවො උපලබ්භති,
සන්තිකෙ හොති නිබ්බානං ධම්මරාජස්ස සාසනෙ’ති.
සන්තිකෙ හොති නිබ්බානං ධම්මරාජස්ස සාසනෙ’ති.
ඉත්ථං සුදං ආයස්මා මහානාගො ථෙරො ගාථායො අභාසිත්ථා’ති.
මහානාගත්ථෙරගාථා.
6. 1. 4.
393. කුල්ලො සීවථිකං ගන්ත්වා අද්දස ඉත්ථිමුජ්ඣිතං,
අපවිද්ධං සුසානස්මිං ඛජ්ජන්තිං කිමිහී ඵුටං.
අපවිද්ධං සුසානස්මිං ඛජ්ජන්තිං කිමිහී ඵුටං.
394. ආතුරං අසුචිං පූතිං පස්ස කුල්ල සමුස්සයං,
උග්ඝරන්තං පග්ඝරන්තං බාලානං අභිනන්දිතං.
උග්ඝරන්තං පග්ඝරන්තං බාලානං අභිනන්දිතං.
395. ධම්මාදාසං ගහෙත්වාන ඤාණදස්සනපත්තියා,
පච්චවෙක්ඛිං ඉමං කායං තුච්ඡං සන්තරබාහිරං.
පච්චවෙක්ඛිං ඉමං කායං තුච්ඡං සන්තරබාහිරං.
396. යථා ඉදං තථා එතං, යථා එතං තථා ඉදං,
යථා අධො තථා උද්ධං යථා උද්ධං තථා අධො.
යථා අධො තථා උද්ධං යථා උද්ධං තථා අධො.
397. යථා දිවා තථා රත්තිං යථා රත්තිං තථා දිවා,
යථා පුරෙ තථා පච්ඡා යථා පච්ඡා තථා පුරෙ.
යථා පුරෙ තථා පච්ඡා යථා පච්ඡා තථා පුරෙ.
398. පඤ්චඞ්ගිකෙන තුරියෙන න රතී හොති තාදිසී,
යථා එකග්ගචිත්තස්ස සම්මා ධම්මං විපස්සතො’ති.
යථා එකග්ගචිත්තස්ස සම්මා ධම්මං විපස්සතො’ති.
ඉත්ථං සුදං ආයස්මා කුල්ලො ථෙරො ගාථායො අභාසිත්ථා’ති.
කුල්ලත්ථෙරගාථා.
6. 1. 5.
399. මනුජස්ස පමත්තචාරිනො තණ්හා වඩ්ඪති මාලුවා විය,
සො පලවති හුරා හුරං ඵලමිච්ඡං ව වනස්මිං වානරො.
සො පලවති හුරා හුරං ඵලමිච්ඡං ව වනස්මිං වානරො.
400. යං එසා සහතෙ ජම්මි තණ්හා ලොකෙ විසත්තිකා,
සොකා තස්ස පවඩ්ඪන්ති අභිවට්ඨං ව බීරණං.
සොකා තස්ස පවඩ්ඪන්ති අභිවට්ඨං ව බීරණං.
401. යො චෙතං සහතෙ ජම්මිං තණ්හං ලොකෙ දුරච්චයං,
සොකා තම්හා පපතන්ති උදබින්දුව පොක්ඛරා.
සොකා තම්හා පපතන්ති උදබින්දුව පොක්ඛරා.
402. තං වො වදාමි භද්දං වො යාවන්තෙත්ථ සමාගතා,
තණ්හාය මූලං ඛණථ උසීරත්ථෙව බීරණං,
මා වො නළං ව සොතො ව මාරො භඤ්ජි පුනප්පුනං.
තණ්හාය මූලං ඛණථ උසීරත්ථෙව බීරණං,
මා වො නළං ව සොතො ව මාරො භඤ්ජි පුනප්පුනං.
403. කරොථ බුද්ධවචනං ඛණො වො මා උපච්චගා,
ඛණාතීතා හි සොචන්ති නිරයම්හි සමප්පිතා.
ඛණාතීතා හි සොචන්ති නිරයම්හි සමප්පිතා.
404. පමාදො රජො සබ්බදා පමාදානුපතිතො රජො,
අප්පමාදෙන විජ්ජාය අබ්බහෙ සල්ලමත්තනො’ති.
අප්පමාදෙන විජ්ජාය අබ්බහෙ සල්ලමත්තනො’ති.
ඉත්ථං සුදං ආයස්මා මාලුඞ්ක්යපුත්තො ථෙරො ගාථායො අභාසිත්ථා’ති.
මාලුඞ්ක්යපුත්තත්ථෙරගාථා.
6. 1. 6.
405. පණ්ණවීසති වස්සානි යතො පබ්බජිතො අහං,
අච්ඡරාසඞ්ඝාතමත්තම්පි චෙතොසන්තිමනජ්ඣගං.
අච්ඡරාසඞ්ඝාතමත්තම්පි චෙතොසන්තිමනජ්ඣගං.
406. අලද්ධා චිත්තස්සෙකග්ගං කාමරාගෙන අද්දිතො,
බාහා පග්ගය්හ කන්දන්තො විහාරා උපනික්ඛමිං.
බාහා පග්ගය්හ කන්දන්තො විහාරා උපනික්ඛමිං.
407. සත්ථං වා ආහරිස්සාමි කො අත්ථො ජීවිතෙන මෙ,
කථං හි සික්ඛං පච්චක්ඛං කාලං කුබ්බෙථ මාදිසො.
කථං හි සික්ඛං පච්චක්ඛං කාලං කුබ්බෙථ මාදිසො.
408. තදාහං ඛුරමාදාය මඤ්චකම්හි උපාවිසිං,
පරිනීතො ඛුරො ආසි ධමනිං ඡෙත්තුමත්තනො.
පරිනීතො ඛුරො ආසි ධමනිං ඡෙත්තුමත්තනො.
409. තතො මෙ මනසිකාරො යොනිසො උදපජ්ජථ,
ආදීනවො පාතුරහු නිබ්බිදා සමතිට්ඨථ.
ආදීනවො පාතුරහු නිබ්බිදා සමතිට්ඨථ.
410. තතො චිත්තං විමුච්චි මෙ පස්ස ධම්මසුධම්මතං,
තිස්සො විජ්ජා අනුප්පත්තා කතං බුද්ධස්ස සාසන’න්ති.
තිස්සො විජ්ජා අනුප්පත්තා කතං බුද්ධස්ස සාසන’න්ති.
ඉත්ථං සුදං ආයස්මා සප්පදාසො ථෙරො ගාථායො අභාසිත්ථා’ති.
සප්පදාසත්ථෙරගාථා.