6. ඡක්කනිපාතො.
6. 1. 1.
375. දිස්වාන පාටිහීරානි ගොතමස්ස යසස්සිනො,
න තාවාහං පණිපතිං ඉස්සාමානෙන වඤ්චිතො.
න තාවාහං පණිපතිං ඉස්සාමානෙන වඤ්චිතො.
376. මම සඞ්කප්පමඤ්ඤාය චොදෙසි නරසාරථි,
තතො මෙ ආසි සංවෙගො අබ්භුතො ලොමහංසනො.
තතො මෙ ආසි සංවෙගො අබ්භුතො ලොමහංසනො.
377. පුබ්බෙ ජටිලභූතස්ස යා මෙ සිද්ධි පරිත්තිකා,
තාහං තදා නිරංකත්වා පබ්බජිං ජිනසාසනෙ.
තාහං තදා නිරංකත්වා පබ්බජිං ජිනසාසනෙ.
378. පුබ්බෙ යඤ්ඤෙන සන්තුට්ඨො කාමධාතුපුරක්ඛතො,
පච්ඡා රාගං ච දොසං ච මොහං චාපි සමූහනිං.
පච්ඡා රාගං ච දොසං ච මොහං චාපි සමූහනිං.
379. පුබ්බෙනිවාසං ජානාමි දිබ්බචක්ඛු විසොධිතං,
ඉද්ධිමා පරචිත්තඤ්ඤූ දිබ්බසොතඤ්ච පාපුණිං.
ඉද්ධිමා පරචිත්තඤ්ඤූ දිබ්බසොතඤ්ච පාපුණිං.
380. යස්ස චත්ථාය පබ්බජිතො අගාරස්මානගාරියං,
සො මෙ අත්ථො අනුප්පත්තො සබ්බසංයොජනක්ඛයො’ති.
සො මෙ අත්ථො අනුප්පත්තො සබ්බසංයොජනක්ඛයො’ති.
ඉත්ථං සුදං ආයස්මා උරුවෙලකස්සපො ථෙරො ගාථායො අභාසිත්ථා’ති.
උරුවෙලකස්සපත්ථෙරගාථා.
6. 1. 2.
381. අතිහිතා වීහි ඛලගතා සාලී,
න ච ලභෙ පිණ්ඩං කථමහං කස්සං.
න ච ලභෙ පිණ්ඩං කථමහං කස්සං.
382. බුද්ධමප්පමෙය්යං අනුස්සර පසන්නො,
පීතියා ඵුටසරීරො හොහිසි සතතමුදග්ගො.
පීතියා ඵුටසරීරො හොහිසි සතතමුදග්ගො.
383. ධම්මමප්පමෙය්යං අනුස්සර පසන්නො,
පීතියා ඵුටසරීරො හොහිසි සතතමුදග්ගො.
පීතියා ඵුටසරීරො හොහිසි සතතමුදග්ගො.
384. සඞ්ඝමප්පමෙය්යං අනුස්සර පසන්නො,
පීතියා ඵුටසරීරො හොහිසි සතතමුදග්ගො.
පීතියා ඵුටසරීරො හොහිසි සතතමුදග්ගො.
385. අබ්භොකාසෙ විහරසි සීතා හෙමන්තිකා ඉමා රත්තියො,
මා සීතෙන පරෙතො විහඤ්ඤිත්ථො පවිස ත්වං විහාරං ඵුසිතග්ගළං.
මා සීතෙන පරෙතො විහඤ්ඤිත්ථො පවිස ත්වං විහාරං ඵුසිතග්ගළං.
386. ඵුසිස්සං චතස්සො අප්පමඤ්ඤායො
තාහි ච සුඛිතො විහරිස්සං,
නාහං සීතෙන විහඤ්ඤිස්සං
අනිඤ්ජිතො විහරන්තො’ති.
තාහි ච සුඛිතො විහරිස්සං,
නාහං සීතෙන විහඤ්ඤිස්සං
අනිඤ්ජිතො විහරන්තො’ති.
ඉත්ථං සුදං ආයස්මා තෙකිච්ඡකානි ථෙරො ගාථායො අභාසිත්ථා’ති.
තෙකිච්ඡකානිත්ථෙරගාථා.
6. 1. 3.
387. යස්ස සබ්රහ්මචාරීසු ගාරවො නූපලබ්භති,
පරිහායති සද්ධම්මා මච්ඡො අප්පොදකෙ යථා.
පරිහායති සද්ධම්මා මච්ඡො අප්පොදකෙ යථා.
388. යස්ස සබ්රහ්මචාරීසු ගාරවො නූපලබ්භති,
න විරූහති සද්ධම්මෙ ඛෙත්තෙ බීජංව පූතිකං.
න විරූහති සද්ධම්මෙ ඛෙත්තෙ බීජංව පූතිකං.
389. යස්ස සබ්රහ්මචාරීසු ගාරවො නූපලබ්භති,
අරකා හොති නිබ්බානා, ධම්මරාජස්ස සාසනෙ.
අරකා හොති නිබ්බානා, ධම්මරාජස්ස සාසනෙ.
390. යස්ස සබ්රහ්මචාරීසු ගාරවො උපලබ්භති,
න විහායති සද්ධම්මා මච්ඡො බව්හොදකෙ යථා.
න විහායති සද්ධම්මා මච්ඡො බව්හොදකෙ යථා.
391. යස්ස සබ්රහ්මචාරීසු ගාරවො උපලබ්භති,
සො විරූහති සද්ධම්මෙ ඛෙත්තෙ බීජංව භද්දකං.
සො විරූහති සද්ධම්මෙ ඛෙත්තෙ බීජංව භද්දකං.
392. යස්ස සබ්රහ්මචාරීසු ගාරවො උපලබ්භති,
සන්තිකෙ හොති නිබ්බානං ධම්මරාජස්ස සාසනෙ’ති.
සන්තිකෙ හොති නිබ්බානං ධම්මරාජස්ස සාසනෙ’ති.
ඉත්ථං සුදං ආයස්මා මහානාගො ථෙරො ගාථායො අභාසිත්ථා’ති.
මහානාගත්ථෙරගාථා.
6. 1. 4.
393. කුල්ලො සීවථිකං ගන්ත්වා අද්දස ඉත්ථිමුජ්ඣිතං,
අපවිද්ධං සුසානස්මිං ඛජ්ජන්තිං කිමිහී ඵුටං.
අපවිද්ධං සුසානස්මිං ඛජ්ජන්තිං කිමිහී ඵුටං.
394. ආතුරං අසුචිං පූතිං පස්ස කුල්ල සමුස්සයං,
උග්ඝරන්තං පග්ඝරන්තං බාලානං අභිනන්දිතං.
උග්ඝරන්තං පග්ඝරන්තං බාලානං අභිනන්දිතං.
395. ධම්මාදාසං ගහෙත්වාන ඤාණදස්සනපත්තියා,
පච්චවෙක්ඛිං ඉමං කායං තුච්ඡං සන්තරබාහිරං.
පච්චවෙක්ඛිං ඉමං කායං තුච්ඡං සන්තරබාහිරං.
396. යථා ඉදං තථා එතං, යථා එතං තථා ඉදං,
යථා අධො තථා උද්ධං යථා උද්ධං තථා අධො.
යථා අධො තථා උද්ධං යථා උද්ධං තථා අධො.
397. යථා දිවා තථා රත්තිං යථා රත්තිං තථා දිවා,
යථා පුරෙ තථා පච්ඡා යථා පච්ඡා තථා පුරෙ.
යථා පුරෙ තථා පච්ඡා යථා පච්ඡා තථා පුරෙ.
398. පඤ්චඞ්ගිකෙන තුරියෙන න රතී හොති තාදිසී,
යථා එකග්ගචිත්තස්ස සම්මා ධම්මං විපස්සතො’ති.
යථා එකග්ගචිත්තස්ස සම්මා ධම්මං විපස්සතො’ති.
ඉත්ථං සුදං ආයස්මා කුල්ලො ථෙරො ගාථායො අභාසිත්ථා’ති.
කුල්ලත්ථෙරගාථා.