5. 1. 12.
370. යො වෙ ගරූනං වචනඤ්ඤු ධීරො
වසෙ ච තම්හි ජනයෙ ච පෙමං,
සො භත්තිමා නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
වසෙ ච තම්හි ජනයෙ ච පෙමං,
සො භත්තිමා නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
371. යං ආපදා උප්පතිතා උළාරා
නක්ඛම්භයන්තෙ පටිසඞ්ඛයන්තං,
සො ථාමවා නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
නක්ඛම්භයන්තෙ පටිසඞ්ඛයන්තං,
සො ථාමවා නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
372. යො වෙ සමුද්දො’ව ඨිතො අනෙජො
ගම්භීරපඤ්ඤො නිපුණත්ථදස්සී,
අසංහාරියො නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
ගම්භීරපඤ්ඤො නිපුණත්ථදස්සී,
අසංහාරියො නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
373. බහුස්සුතො ධම්මධරො ච හොති
ධම්මස්ස හොති අනුධස්සචාරී,
සො තාදිසො නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
ධම්මස්ස හොති අනුධස්සචාරී,
සො තාදිසො නාම ච හොති පණ්ඩිතො
ඤත්වා ච ධම්මෙසු විසෙසි අස්ස.
374. අත්ථං ච යො ජානාති භාසිතස්ස
අත්ථං ච ඤත්වාන තථා කරොති
අත්ථන්තරො නාම ස හොති පණ්ඩිතො
ඤත්වා ච ධම්මෙසු විසෙසි අස්සා’ති.
අත්ථං ච ඤත්වාන තථා කරොති
අත්ථන්තරො නාම ස හොති පණ්ඩිතො
ඤත්වා ච ධම්මෙසු විසෙසි අස්සා’ති.
ඉත්ථං සුදං ආයස්මා කොසියො ථෙරො ගාථායො අභාසිත්ථා’ති.
කොසියත්ථෙරගාථා.
තස්සුද්දානං:
රාජදත්තො සුභූතො ච ගිරිමානන්දසූනුනා
වඩ්ඪො ච කස්සපො ථෙරො ගයාකස්සපවක්කලී
විජිතො යසදත්තො ච සොණො කොසියසව්හයො
සට්ඨී ච පඤ්ච ගාථායො ථෙරා ච එත්ථ ද්වාදසා’ති.
වඩ්ඪො ච කස්සපො ථෙරො ගයාකස්සපවක්කලී
විජිතො යසදත්තො ච සොණො කොසියසව්හයො
සට්ඨී ච පඤ්ච ගාථායො ථෙරා ච එත්ථ ද්වාදසා’ති.
පඤ්චකනිපාතො නිට්ඨිතො.