4. 1. 8.
295. උභයෙනෙව සම්පන්නො රාහුලභද්දො’ති මං විදූ
යඤ්චම්හි පුත්තො බුද්ධස්ස යං ච ධම්මෙසු චක්ඛුමා.
යඤ්චම්හි පුත්තො බුද්ධස්ස යං ච ධම්මෙසු චක්ඛුමා.
296. යං ච ආසවා ඛීණා යං ච නත්ථි පුනබ්භවො
අරහා දක්ඛිණෙය්යොම්හි තෙවිජ්ජො අමතද්දසො.
අරහා දක්ඛිණෙය්යොම්හි තෙවිජ්ජො අමතද්දසො.
297. කාමන්ධා ජාලපච්ඡන්නා තණ්හාඡදනඡාදිතා
පමත්තබන්ධුනා බද්ධා මච්ඡාව කුමිනාමුඛෙ.
පමත්තබන්ධුනා බද්ධා මච්ඡාව කුමිනාමුඛෙ.
298. තං කාමං අහමුජ්ඣිත්වා ඡෙත්වා මාරස්ස බන්ධනං
සමූලං තණ්හමබ්බුය්හ සීතිභූතොස්මි නිබ්බුතො’ති.
සමූලං තණ්හමබ්බුය්හ සීතිභූතොස්මි නිබ්බුතො’ති.
ඉත්ථං සුදං ආයස්මා රාහුලො ථෙරො ගාථායො අභාසිත්ථා’ති.
රාහුලත්ථෙරගාථා.
4. 1. 9.
299. ජාතරූපෙන පච්ඡන්නා දාසීගණපුරක්ඛතා
අඞ්කෙන පුත්තමාදාය භරියා මං උපාගමි.
අඞ්කෙන පුත්තමාදාය භරියා මං උපාගමි.
300. තං ච දිස්වාන ආයන්තිං සකපුත්තස්ස මාතරං
අලඞ්කතං සුවසනං මච්චුපාසං’ව ඔඩ්ඩිතං.
අලඞ්කතං සුවසනං මච්චුපාසං’ව ඔඩ්ඩිතං.
301. තතො මෙ මනසිකාරො යොනිසො උදපජ්ජථ
ආදීනවො පාතුරහු නිබ්බිදා සමතිට්ඨථ.
ආදීනවො පාතුරහු නිබ්බිදා සමතිට්ඨථ.
302. තතො චිත්තං විමුච්චි මෙ පස්ස ධම්මසුධම්මතං
තිස්සො විජ්ජා අනුප්පත්තා කතං බුද්ධස්ස සාසනන්ති.
තිස්සො විජ්ජා අනුප්පත්තා කතං බුද්ධස්ස සාසනන්ති.
ඉත්ථං සුදං ආයස්මා චන්දනො ථෙරො ගාථායො අභාසිත්ථා’ති.
චන්දනත්ථෙරගාථා.
4. 1. 10.
303. ධම්මො හවෙ රක්ඛති ධම්මචාරිං
ධම්මො සුචිණ්ණො සුඛමාවහාති,
එසානිසංසො ධම්මෙ සුචිණ්ණෙ
න දුග්ගතිං ගච්ඡති ධම්මචාරී.
ධම්මො සුචිණ්ණො සුඛමාවහාති,
එසානිසංසො ධම්මෙ සුචිණ්ණෙ
න දුග්ගතිං ගච්ඡති ධම්මචාරී.
304. න හි ධම්මො අධම්මො ච උභො සමවිපාකිනො,
අධම්මො නිරයං නෙති ධම්මො පාපෙති සුග්ගතිං.
අධම්මො නිරයං නෙති ධම්මො පාපෙති සුග්ගතිං.
305. තස්මා හි ධම්මෙසු කරෙය්ය ඡන්දං
ඉති මොදමානො සුගතෙන තාදිනා,
ධම්මෙ ඨිතා සුගතවරස්ස සාවකා
නීයන්ති ධීරා සරණවරග්ගගාමිනො.
ඉති මොදමානො සුගතෙන තාදිනා,
ධම්මෙ ඨිතා සුගතවරස්ස සාවකා
නීයන්ති ධීරා සරණවරග්ගගාමිනො.
306. විප්ඵොටිතො ගණ්ඩමූලො
තණ්හාජාලො සමූහතො,
සො ඛීණසංසාරො න චත්ථි නිඤ්චනං
චන්දො යථා දොසිනා පුණ්ණමාසියාති.
තණ්හාජාලො සමූහතො,
සො ඛීණසංසාරො න චත්ථි නිඤ්චනං
චන්දො යථා දොසිනා පුණ්ණමාසියාති.
ඉත්ථං සුදං ආයස්මා ධම්මිකො ථෙරො ගාථායො අභාසිත්ථා’ති.
ධම්මිකත්ථෙරගාථා.
4. 1. 11.
307. යදා බලාකා සුචිපණ්ඩරච්ඡදා
කාළස්ස මෙඝස්ස භයෙන තජ්ජිතා,
පලෙහිති ආලයමාලයෙසිනී
තදා නදී අජකරණී රමෙති මං.
කාළස්ස මෙඝස්ස භයෙන තජ්ජිතා,
පලෙහිති ආලයමාලයෙසිනී
තදා නදී අජකරණී රමෙති මං.
308. යදා බලාකා සුවිසුද්ධපණ්ඩරා
කාළස්ස මෙඝස්ස භයෙන තජ්ජිතා,
පරියෙසති ලෙණමලෙණදස්සිනී
තදා නදී අජකරණී රමෙති මං.
කාළස්ස මෙඝස්ස භයෙන තජ්ජිතා,
පරියෙසති ලෙණමලෙණදස්සිනී
තදා නදී අජකරණී රමෙති මං.
309. කං නු තත්ථ න රමෙන්ති ජම්බුයො උභතො තහිං,
සොභෙන්ති ආපගාකූලං මම ලෙණස්ස පච්ඡතො.
සොභෙන්ති ආපගාකූලං මම ලෙණස්ස පච්ඡතො.
310. තා මතමදසඞ්ඝසුප්පහීනා
භෙකා මන්දවතී පනාදයන්ති,
නාජ්ජ ගිරිනදීහි විප්පවාසසමයො
ඛෙමා අජකරණී සිවා සුරම්මා’ති.
භෙකා මන්දවතී පනාදයන්ති,
නාජ්ජ ගිරිනදීහි විප්පවාසසමයො
ඛෙමා අජකරණී සිවා සුරම්මා’ති.
ඉත්ථං සුදං ආයස්මා සප්පකො ථෙරො ගාථායො අභාසිත්ථා’ති.
සප්පකත්ථෙරගාථා.