3. 1. 7.
237. යොධ කොචි මනුස්සෙසු පරපාණානි හිංසති,
අස්මා ලොකා පරම්හා ච උභයා ධංසතෙ නරො.
අස්මා ලොකා පරම්හා ච උභයා ධංසතෙ නරො.
238. යො ච මෙත්තෙන චිත්තෙන සබ්බපාණානුකම්පති,
බහුං සො පසවති පුඤ්ඤං තෙන තාදිසකො නරො.
බහුං සො පසවති පුඤ්ඤං තෙන තාදිසකො නරො.
239. සුභාසිතස්ස සික්ඛෙථ සමණූපාසනස්ස ච,
එකාසනස්ස රහො චිත්තවූපසමස්ස චාති.
එකාසනස්ස රහො චිත්තවූපසමස්ස චාති.
ඉත්ථං සුදං ආයස්මා වාරණො ථෙරො ගාථායො අභාසිත්ථා’ති.
වාරණත්ථෙරගාථා.
3. 1. 8.
240. එකොපි සද්ධො මෙධාවී අස්සද්ධානීධ ඤාතිනං,
ධම්මට්ඨො සීලසම්පන්නො හොති අත්ථාය බන්ධුනං,
ධම්මට්ඨො සීලසම්පන්නො හොති අත්ථාය බන්ධුනං,
241. නිග්ගය්හ අනුකම්පාය චොදිතො ඤාතයො මයා,
ඤාතිබන්ධවපෙමෙන කාරං කත්වාන භික්ඛූසු.
ඤාතිබන්ධවපෙමෙන කාරං කත්වාන භික්ඛූසු.
242. තෙ අබ්භතීතා කාලංකතා පත්තා තෙ තිවිධං සුඛං,
භාතරො මයුහං මාතා ච මොදන්ති කාමකාමිනො’ති.
භාතරො මයුහං මාතා ච මොදන්ති කාමකාමිනො’ති.
ඉත්ථං සුදං ආයස්මා පස්සිකො ථෙරො ගාථායො අභාසිත්ථා’ති.
පස්සිකත්ථෙරගාථා.
3. 1. 9.
243. කාළපබ්බඞ්ගසඞ්කාසො කිසො ධමනිසන්ථතො,
මත්තඤ්ඤූ අන්නපානම්හි අදීනමනසො නරො.
මත්තඤ්ඤූ අන්නපානම්හි අදීනමනසො නරො.
244. ඵුට්ඨො ඩංසෙහි මකසෙහි අරඤ්ඤස්මිං බ්රහාවනෙ,
නාගො සඞ්ගාමසීසෙව සතො තත්රාධිවාසයෙ.
නාගො සඞ්ගාමසීසෙව සතො තත්රාධිවාසයෙ.
245. යථා බ්රහ්මා තථා එකො යථා දෙවො තථා දුවෙ,
යථා ගාමො තථා තයො කොලාහාලං තතුත්තරින්ති.
යථා ගාමො තථා තයො කොලාහාලං තතුත්තරින්ති.
ඉත්ථං සුදං ආයස්මා යසොජො ථෙරො ගාථායො අභාසිත්ථා’ති.
යසොජත්ථෙරගාථා.
3. 1. 10.
246. අහු තුය්හං පුරෙ සද්ධා සා තෙ අජ්ජ න විජ්ජති,
යං තුය්හං තුය්හමෙවෙතං නත්ථි දුච්චරිතං මම.
යං තුය්හං තුය්හමෙවෙතං නත්ථි දුච්චරිතං මම.
247. අනිච්චා හි චලා සද්ධා එවං දිට්ඨා හි සා මයා,
රජ්ජන්තිපි විරජ්ජනිති තත්ථ කිං ජිය්යතෙ මුනි.
රජ්ජන්තිපි විරජ්ජනිති තත්ථ කිං ජිය්යතෙ මුනි.
248. පච්චති මුනිනො භත්තං ථොක ථොකං කුලෙ කුලෙ,
පිණ්ඩිකාය චරිස්සාමි අත්ථි ජඞ්ඝාබලං මමා’ති.
පිණ්ඩිකාය චරිස්සාමි අත්ථි ජඞ්ඝාබලං මමා’ති.
ඉත්ථං සුදං ආයස්මා සාටිමත්තියො ථෙරො ගාථායො අභාසිත්ථා’ති.
සාටිමත්තියත්ථෙරගාථා.
3. 1. 11.
249. සද්ධාය අභිනික්ඛම්ම නවපබ්බජිතො නවො,
මිත්තෙ භජෙය්ය කල්යාණෙ සුද්ධාජීවෙ අතන්දිතෙ.
මිත්තෙ භජෙය්ය කල්යාණෙ සුද්ධාජීවෙ අතන්දිතෙ.
250. සද්ධාය අභිනික්ඛම්ම නවපබ්බජිතො නවො,
සඞ්ඝස්මිං විහරං භික්ඛු සික්ඛෙථ විනයං බුධො.
සඞ්ඝස්මිං විහරං භික්ඛු සික්ඛෙථ විනයං බුධො.
251. සද්ධාය අභිනික්ඛම්ම නවපබ්බජිතො නවො,
කප්පාකප්පෙසු කුසලො විහරෙය්ය අපුරක්ඛතො.
කප්පාකප්පෙසු කුසලො විහරෙය්ය අපුරක්ඛතො.
ඉත්ථං සුදං ආයස්මා උපාලිත්ථෙරො ගාථායො අභාසිත්ථා’ති.
උපාලිත්ථෙරගාථා.
3. 1. 12.
252. පණ්ඩිතං වත මං සන්තං අලමත්ථවිචින්තකං,
පඤ්චකාමගුණා ලොකෙ සම්මොහා පාතයිංසු මං.
පඤ්චකාමගුණා ලොකෙ සම්මොහා පාතයිංසු මං.
253. පක්ඛන්නො මාරවිසයෙ දළ්හසල්ලසමප්පිතො,
අසක්ඛිං මච්චුරාජස්ස අහං පාසා පමුච්චිතුං.
අසක්ඛිං මච්චුරාජස්ස අහං පාසා පමුච්චිතුං.
254. සබ්බෙ කාමා පහීනා මෙ භවා සබ්බෙ විදාළිතා,
වික්ඛීණො ජාතිසංසාරො නත්ථි දානි පුනබ්භවො’ති.
වික්ඛීණො ජාතිසංසාරො නත්ථි දානි පුනබ්භවො’ති.
ඉත්ථං සුදං ආයස්මා උත්තරපාලත්ථෙරො ගාථායො අභාසිත්ථා’ති.
උත්තරපාලත්ථෙරගාථා.