3. තිකනිපාතො.
3. 1. 1.
219. අයොනි සුද්ධිමන්වෙසං අග්ගිං පරිචරිං වනෙ,
සුද්ධිමග්ගං අජානන්තො අකාසිං අමරං තපං.
සුද්ධිමග්ගං අජානන්තො අකාසිං අමරං තපං.
220. තං සුඛෙන සුඛං ලද්ධං පස්ස ධම්මසුධම්මතං,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
221. බ්රහ්මබන්ධු පුරෙ ආසිං ඉදානි ඛොම්හි බ්රාහ්මණො,
තෙවිජ්ජො නහාතකො චම්හි සෙත්ථියො චම්හි වෙදගූ’ති.
තෙවිජ්ජො නහාතකො චම්හි සෙත්ථියො චම්හි වෙදගූ’ති.
ඉත්ථං සුදං ආයස්මා අග්ගිකභාරද්වාජො ථෙරො ගාථායො අභාසිත්ථා’ති.
අග්ගිකභාරද්වාජත්ථෙරගාථා.
3. 1. 2.
222. පඤ්චාහාහං පබ්බජිතො සෙඛො අප්පත්තමානසො,
විහාරං මෙ පවිට්ඨස්ස චෙතසො පණිධී අහු.
විහාරං මෙ පවිට්ඨස්ස චෙතසො පණිධී අහු.
223. නාසිස්සං න පිවිස්සාමි විහාරතො න නික්ඛමෙ,
නපි පස්සං නිපාතෙස්සං තණ්හාසල්ලෙ අනූහතෙ.
නපි පස්සං නිපාතෙස්සං තණ්හාසල්ලෙ අනූහතෙ.
224. තස්ස චෙවං විහරතො පස්ස විරියපරක්කමං,
තිස්සො විජ්ජා අනුපුපත්තා කතං බුද්ධස්ස සාසන’න්ති.
තිස්සො විජ්ජා අනුපුපත්තා කතං බුද්ධස්ස සාසන’න්ති.
ඉත්ථං සුදං ආයස්මා පච්චයො ථෙරො ගාථායො අභාසිත්ථා’ති.
පච්චයත්ථෙරගාථා.
3. 1. 3.
225. යො පුබ්බෙ කරණීයානි පච්ඡා සො කාතුමිච්ඡති,
සුඛා සො ධංසතෙ ඨානා පච්ඡා ච මනුතප්පති.
සුඛා සො ධංසතෙ ඨානා පච්ඡා ච මනුතප්පති.
226. යං හි කයිරා තං හි වදෙ යං න කයිරා න තං වදෙ,
අකරොන්තං භාසමානං පරිජානන්ති පණ්ඩිතා.
අකරොන්තං භාසමානං පරිජානන්ති පණ්ඩිතා.
227. සුසුඛං වත නිබ්බානං සම්මාසම්බුද්ධදෙසිතං,
අසොකං විරජං ඛෙමං යත්ථ දුක්ඛං නිරුජ්ඣතී’ති.
අසොකං විරජං ඛෙමං යත්ථ දුක්ඛං නිරුජ්ඣතී’ති.
ඉත්ථං සුදං ආයස්මා බක්කුලො ථෙරො ගාථායො අභාසිත්ථා’ති.
බක්කුලත්ථෙරගාථා.
3. 1. 4.
228. සුඛඤ්චෙ ජීවිතුං ඉච්ඡෙ සාමඤ්ඤස්මිං අපෙක්ඛවා,
සඞ්ඝිකං නාතිමඤ්ඤෙය්ය චීවරං පානභොජනං.
සඞ්ඝිකං නාතිමඤ්ඤෙය්ය චීවරං පානභොජනං.
229. සුඛඤ්චෙ ජීවිතුං ඉච්ඡෙ සාමඤ්ඤස්මිං අපෙක්ඛවා,
අහි මුසිකසොබ්භං ව සෙවෙථ සයනාසනං.
අහි මුසිකසොබ්භං ව සෙවෙථ සයනාසනං.
230. සුඛඤ්චෙ ජීවිතුං ඉච්ඡෙ සාමඤ්ඤස්මිං අපෙක්ඛවා,
ඉතරීතරෙන තුස්සෙය්ය එකධම්මඤ්ච භාවයෙති.
ඉතරීතරෙන තුස්සෙය්ය එකධම්මඤ්ච භාවයෙති.
ඉත්ථං සුදං ආයස්මා ධනියො ථෙරො ගාථායො අභාසිත්ථා’ති.
ධනියත්ථෙරගාථා.
3. 1. 5.
231. අතිසීතං අතිඋණ්හං අතිසායමිදං අහු,
ඉති විස්සට්ඨකම්මන්තෙ ඛණා අච්චෙන්ති මාණවෙ.
ඉති විස්සට්ඨකම්මන්තෙ ඛණා අච්චෙන්ති මාණවෙ.
232. යො ච සීතඤ්ච උණ්හඤ්ච තිණා භිය්යො න මඤ්ඤති,
කරං පුරිසකිච්චානි සො සුඛා න විහායති.
කරං පුරිසකිච්චානි සො සුඛා න විහායති.
233. දබ්බං කුසං පොටකිලං උසීරං මුඤ්ජබබ්බජං
උරසා පනුදිස්සාමි විවෙකමනුබ්රූහයන්ති.
උරසා පනුදිස්සාමි විවෙකමනුබ්රූහයන්ති.
ඉත්ථං සුදං ආයස්මා මාතඞ්ගපුත්තො ථෙරො ගාථායො අභාසිත්ථා’ති.
මාතඞ්ගපුත්තත්ථෙරගාථා.
3. 1. 6.
234. යෙ චිත්තකථී බහුස්සුතා
සමණා පාටලිපුත්තවාසිනො,
තෙසඤ්ඤතරොයමායුමා
ද්වාරෙ තිට්ඨති ඛුජ්ජසොභිතො.
සමණා පාටලිපුත්තවාසිනො,
තෙසඤ්ඤතරොයමායුමා
ද්වාරෙ තිට්ඨති ඛුජ්ජසොභිතො.
235. යෙ චිත්තකථී බහුස්සුතා
සමණා පාටලිපුත්තවාසිනො,
තෙසඤ්ඤතරොයමායුවා
ද්වාරෙ තිට්ඨති මාලුතෙරිතො.
සමණා පාටලිපුත්තවාසිනො,
තෙසඤ්ඤතරොයමායුවා
ද්වාරෙ තිට්ඨති මාලුතෙරිතො.
236. සුයුද්ධෙන සුයිට්ඨෙන සඞ්ගාමවිජයෙන ච,
බ්රහ්මචරියානුචිණ්ණෙන එවායං සුඛමෙධතී’ති.
බ්රහ්මචරියානුචිණ්ණෙන එවායං සුඛමෙධතී’ති.
ඉත්ථං සුදං ආයස්මා ඛුජ්ජසොභිතො ථෙරො ගාථායො අභාසිත්ථා’ති.
ඛුජ්ජසොභිතත්ථෙරගාථා.