3. 1. 12.
252. පණ්ඩිතං වත මං සන්තං අලමත්ථවිචින්තකං,
පඤ්චකාමගුණා ලොකෙ සම්මොහා පාතයිංසු මං.
පඤ්චකාමගුණා ලොකෙ සම්මොහා පාතයිංසු මං.
253. පක්ඛන්නො මාරවිසයෙ දළ්හසල්ලසමප්පිතො,
අසක්ඛිං මච්චුරාජස්ස අහං පාසා පමුච්චිතුං.
අසක්ඛිං මච්චුරාජස්ස අහං පාසා පමුච්චිතුං.
254. සබ්බෙ කාමා පහීනා මෙ භවා සබ්බෙ විදාළිතා,
වික්ඛීණො ජාතිසංසාරො නත්ථි දානි පුනබ්භවො’ති.
වික්ඛීණො ජාතිසංසාරො නත්ථි දානි පුනබ්භවො’ති.
ඉත්ථං සුදං ආයස්මා උත්තරපාලත්ථෙරො ගාථායො අභාසිත්ථා’ති.
උත්තරපාලත්ථෙරගාථා.
3. 1. 13.
255. සුණාථ ඤාතයො සබ්බෙ යාවන්තෙත්ථ සමාගතා,
ධම්මං වො දෙසයිස්සමි දුක්ඛා ජාති පුනප්පුනං.
ධම්මං වො දෙසයිස්සමි දුක්ඛා ජාති පුනප්පුනං.
256. ආරභථ නික්ඛමථ යුඤ්ජථ බුද්ධසාසනෙ,
ධුනාථ මච්චුනො සෙනං නළාගාරං ව කුඤ්ජරො.
ධුනාථ මච්චුනො සෙනං නළාගාරං ව කුඤ්ජරො.
257. යො ඉමස්මිං ධම්මවිනයෙ අප්පමත්තො විහෙස්සති
පහාය ජාතිසංසාරං දුක්ඛස්සන්තං කරිස්සතී’ති.
පහාය ජාතිසංසාරං දුක්ඛස්සන්තං කරිස්සතී’ති.
ඉත්ථං සුදං ආයස්මා අභිභූතො ථෙරො ගාථායො අභාසිත්ථා’ති.
අභිභූතත්ථෙරගාථා.
3. 1. 14.
258. සංසරං හි නිරයං අගච්ඡිසං
පෙතලොකමගමං පුනප්පුනං,
දුක්ඛමම්හි පි තිරච්ඡානයොනියං
නෙකධා හි වුසිතං චිරං මයා.
පෙතලොකමගමං පුනප්පුනං,
දුක්ඛමම්හි පි තිරච්ඡානයොනියං
නෙකධා හි වුසිතං චිරං මයා.
259. මානුසො පි ච භවොභිරාධිතො
සග්ගකායමගමං සකිං සකිං,
රූපධාතුසු අරූපධාතුසු
නෙවසඤ්ඤිසු අසඤ්ඤීසුට්ඨිතං.
සග්ගකායමගමං සකිං සකිං,
රූපධාතුසු අරූපධාතුසු
නෙවසඤ්ඤිසු අසඤ්ඤීසුට්ඨිතං.
260. සම්භවා සුවිදිතා අසාරකා
සඞ්ඛතා පචලිතා සදෙරිතා,
තං විදිත්වා මහමත්තසම්භවං,
සන්තිමෙව සතිමා සමජ්ඣග’න්ති.
සඞ්ඛතා පචලිතා සදෙරිතා,
තං විදිත්වා මහමත්තසම්භවං,
සන්තිමෙව සතිමා සමජ්ඣග’න්ති.
ඉත්ථං සුදං ආයස්මා ගොතමො ථෙරො ගාථායො අභාසිත්ථා’ති.
ගොතමත්ථෙරගාථා.
3. 1. 15.
261. යො පුබ්බෙ කරණීයානි පච්ඡා සො කාතුමිච්ඡති,
සුඛා සො ධංසතෙ ඨානා පච්ඡා ච මනුතප්පති.
සුඛා සො ධංසතෙ ඨානා පච්ඡා ච මනුතප්පති.
262. යඤ්හි කයිරා තඤ්හි වදෙ යං න කයිරා න තං වදෙ,
අකරොන්තං භාසමානං පරිජානන්ති පණ්ඩිතා.
අකරොන්තං භාසමානං පරිජානන්ති පණ්ඩිතා.
263. සුසුඛං වත නිබ්බානං සම්මාම්බුද්ධදෙසිතං,
අසොකං විරජං ඛෙමං යත්ථ දුක්ඛං නිරුජ්ඣතී’ති.
අසොකං විරජං ඛෙමං යත්ථ දුක්ඛං නිරුජ්ඣතී’ති.
ඉත්ථං සුදං ආයස්මා හාරිතො ථෙරො ගාථායො අභාසිත්ථා’ති.
හාරිතත්ථෙරගාථා.