2. 5. 6.
211. නදන්ති මොරා සුසිඛා සුපෙඛුණා
සුනීලගීවා සුමුඛා සුගජ්ජිනො,
සුසද්දලා චාපි මහාමහී අයං
සුබ්යාපිතම්බු සුවලාහකං නභං.
සුනීලගීවා සුමුඛා සුගජ්ජිනො,
සුසද්දලා චාපි මහාමහී අයං
සුබ්යාපිතම්බු සුවලාහකං නභං.
212. සුකල්ලරූපො සුමනස්ස ඣාය තං
සුතික්ඛමො සාධු සුබුද්ධසාසනෙ,
සුසුක්කසුක්කං නිපුණං සුදුද්දසං
ඵුසාමි තං උත්තමමච්චුතං පදන්ති.
සුතික්ඛමො සාධු සුබුද්ධසාසනෙ,
සුසුක්කසුක්කං නිපුණං සුදුද්දසං
ඵුසාමි තං උත්තමමච්චුතං පදන්ති.
ඉත්ථං සුදං ආයස්මා චූළකො ථෙරො ගාථායො අභාසිත්ථා’ති.
චූළකත්ථෙරගාථා.
2. 5. 7.
213. නන්දමානාගතං චිත්තං සූලමාරොපමානකං,
තෙන තෙනෙව වජසි යෙන සූලං කලිඞ්ගරං.
තෙන තෙනෙව වජසි යෙන සූලං කලිඞ්ගරං.
214. තාහං චිත්තකලිං බ්රූමි තං බ්රූමි චිත්තදුබ්භකං,
සත්ථා තෙ දුල්ලභො ලද්ධො මානත්ථෙ මං නියොජයීති.
සත්ථා තෙ දුල්ලභො ලද්ධො මානත්ථෙ මං නියොජයීති.
ඉත්ථං සුදං ආයස්මා අනුපමො ථෙරො ගාථායො අභාසිත්ථා’ති.
අනුපමත්ථෙරගාථා.
2. 5. 8.
215. සංසරං දීඝමද්ධානං ගතීසු පරිවත්තිසං,
අපස්සං අරියසච්චානි අන්ධභූතො පුථුජ්ජනො.
අපස්සං අරියසච්චානි අන්ධභූතො පුථුජ්ජනො.
216. තස්ස මෙ අප්පමත්තස්ස සංසාරා විනලීකතා,
ගති සබ්බා සමුච්ඡින්නා නත්ථි දානි පුනබ්භවො’ති.
ගති සබ්බා සමුච්ඡින්නා නත්ථි දානි පුනබ්භවො’ති.
ඉත්ථං සුදං ආයස්මා වජ්ජිතො ථෙරො ගාථායො අභාසිත්ථා’ති.
වජ්ජිතත්ථෙරගාථා.
2. 5. 9.
217. අස්සත්ථෙ හරිතොකාසෙ සංවිරූළ්හම්පි පාදපෙ,
එකං බුද්ධගතං සඤ්ඤං අලභිත්ථං පතිස්සතො.
එකං බුද්ධගතං සඤ්ඤං අලභිත්ථං පතිස්සතො.
218. එකතිංසෙ ඉතො කප්පෙ යං සඤ්ඤමලභිං තදා,
තස්සා සඤ්ඤාය වාහසා පත්තො මෙ ආසවක්ඛයො’ති.
තස්සා සඤ්ඤාය වාහසා පත්තො මෙ ආසවක්ඛයො’ති.
ඉත්ථං සුදං ආයස්මා සන්ධිතො ථෙරො ගාථායො අභාසිත්ථා’ති.
සන්ධිතත්ථෙරගාථා.
වග්ගො පඤ්චමො.
තස්සුද්දානං:
කුමාරකස්සපො ථෙරො ධම්මපාලො ච බ්රහ්මාලි,
මොඝරාජා විසාඛො ච චූළකො ච අනූපමො,
වජ්ජිතො සන්ධිතො ථෙරො කිලෙසරජවාහනො’ති.
මොඝරාජා විසාඛො ච චූළකො ච අනූපමො,
වජ්ජිතො සන්ධිතො ථෙරො කිලෙසරජවාහනො’ති.
ගාථා දුකනිපාතම්හි නවුති චෙව අට්ඨ ච
ථෙරා එකූනපඤ්ඤාසං භාසිතා නයකොවිදා’ති.
ථෙරා එකූනපඤ්ඤාසං භාසිතා නයකොවිදා’ති.
දුකනිපාතො නිට්ඨිතො.