2. 5. 7.
213. නන්දමානාගතං චිත්තං සූලමාරොපමානකං,
තෙන තෙනෙව වජසි යෙන සූලං කලිඞ්ගරං.
තෙන තෙනෙව වජසි යෙන සූලං කලිඞ්ගරං.
214. තාහං චිත්තකලිං බ්රූමි තං බ්රූමි චිත්තදුබ්භකං,
සත්ථා තෙ දුල්ලභො ලද්ධො මානත්ථෙ මං නියොජයීති.
සත්ථා තෙ දුල්ලභො ලද්ධො මානත්ථෙ මං නියොජයීති.
ඉත්ථං සුදං ආයස්මා අනුපමො ථෙරො ගාථායො අභාසිත්ථා’ති.
අනුපමත්ථෙරගාථා.
2. 5. 8.
215. සංසරං දීඝමද්ධානං ගතීසු පරිවත්තිසං,
අපස්සං අරියසච්චානි අන්ධභූතො පුථුජ්ජනො.
අපස්සං අරියසච්චානි අන්ධභූතො පුථුජ්ජනො.
216. තස්ස මෙ අප්පමත්තස්ස සංසාරා විනලීකතා,
ගති සබ්බා සමුච්ඡින්නා නත්ථි දානි පුනබ්භවො’ති.
ගති සබ්බා සමුච්ඡින්නා නත්ථි දානි පුනබ්භවො’ති.
ඉත්ථං සුදං ආයස්මා වජ්ජිතො ථෙරො ගාථායො අභාසිත්ථා’ති.
වජ්ජිතත්ථෙරගාථා.
2. 5. 9.
217. අස්සත්ථෙ හරිතොකාසෙ සංවිරූළ්හම්පි පාදපෙ,
එකං බුද්ධගතං සඤ්ඤං අලභිත්ථං පතිස්සතො.
එකං බුද්ධගතං සඤ්ඤං අලභිත්ථං පතිස්සතො.
218. එකතිංසෙ ඉතො කප්පෙ යං සඤ්ඤමලභිං තදා,
තස්සා සඤ්ඤාය වාහසා පත්තො මෙ ආසවක්ඛයො’ති.
තස්සා සඤ්ඤාය වාහසා පත්තො මෙ ආසවක්ඛයො’ති.
ඉත්ථං සුදං ආයස්මා සන්ධිතො ථෙරො ගාථායො අභාසිත්ථා’ති.
සන්ධිතත්ථෙරගාථා.
වග්ගො පඤ්චමො.
තස්සුද්දානං:
කුමාරකස්සපො ථෙරො ධම්මපාලො ච බ්රහ්මාලි,
මොඝරාජා විසාඛො ච චූළකො ච අනූපමො,
වජ්ජිතො සන්ධිතො ථෙරො කිලෙසරජවාහනො’ති.
මොඝරාජා විසාඛො ච චූළකො ච අනූපමො,
වජ්ජිතො සන්ධිතො ථෙරො කිලෙසරජවාහනො’ති.
ගාථා දුකනිපාතම්හි නවුති චෙව අට්ඨ ච
ථෙරා එකූනපඤ්ඤාසං භාසිතා නයකොවිදා’ති.
ථෙරා එකූනපඤ්ඤාසං භාසිතා නයකොවිදා’ති.
දුකනිපාතො නිට්ඨිතො.
3. තිකනිපාතො.
3. 1. 1.
219. අයොනි සුද්ධිමන්වෙසං අග්ගිං පරිචරිං වනෙ,
සුද්ධිමග්ගං අජානන්තො අකාසිං අමරං තපං.
සුද්ධිමග්ගං අජානන්තො අකාසිං අමරං තපං.
220. තං සුඛෙන සුඛං ලද්ධං පස්ස ධම්මසුධම්මතං,
තිස්සො විජ්ජා අනුප්පත්තා කතං බුද්ධස්ස සාසනං.
තිස්සො විජ්ජා අනුප්පත්තා කතං බුද්ධස්ස සාසනං.
221. බ්රහ්මබන්ධු පුරෙ ආසිං ඉදානි ඛොම්හි බ්රාහ්මණො,
තෙවිජ්ජො නහාතකො චම්හි සෙත්ථියො චම්හි වෙදගූ’ති.
තෙවිජ්ජො නහාතකො චම්හි සෙත්ථියො චම්හි වෙදගූ’ති.
ඉත්ථං සුදං ආයස්මා අග්ගිකභාරද්වාජො ථෙරො ගාථායො අභාසිත්ථා’ති.
අග්ගිකභාරද්වාජත්ථෙරගාථා.
3. 1. 2.
222. පඤ්චාහාහං පබ්බජිතො සෙඛො අප්පත්තමානසො,
විහාරං මෙ පවිට්ඨස්ස චෙතසො පණිධී අහු.
විහාරං මෙ පවිට්ඨස්ස චෙතසො පණිධී අහු.
223. නාසිස්සං න පිවිස්සාමි විහාරතො න නික්ඛමෙ,
නපි පස්සං නිපාතෙස්සං තණ්හාසල්ලෙ අනූහතෙ.
නපි පස්සං නිපාතෙස්සං තණ්හාසල්ලෙ අනූහතෙ.
224. තස්ස චෙවං විහරතො පස්ස විරියපරක්කමං,
තිස්සො විජ්ජා අනුපුපත්තා කතං බුද්ධස්ස සාසන’න්ති.
තිස්සො විජ්ජා අනුපුපත්තා කතං බුද්ධස්ස සාසන’න්ති.
ඉත්ථං සුදං ආයස්මා පච්චයො ථෙරො ගාථායො අභාසිත්ථා’ති.
පච්චයත්ථෙරගාථා.
3. 1. 3.
225. යො පුබ්බෙ කරණීයානි පච්ඡා සො කාතුමිච්ඡති,
සුඛා සො ධංසතෙ ඨානා පච්ඡා ච මනුතප්පති.
සුඛා සො ධංසතෙ ඨානා පච්ඡා ච මනුතප්පති.
226. යං හි කයිරා තං හි වදෙ යං න කයිරා න තං වදෙ,
අකරොන්තං භාසමානං පරිජානන්ති පණ්ඩිතා.
අකරොන්තං භාසමානං පරිජානන්ති පණ්ඩිතා.
227. සුසුඛං වත නිබ්බානං සම්මාසම්බුද්ධදෙසිතං,
අසොකං විරජං ඛෙමං යත්ථ දුක්ඛං නිරුජ්ඣතී’ති.
අසොකං විරජං ඛෙමං යත්ථ දුක්ඛං නිරුජ්ඣතී’ති.
ඉත්ථං සුදං ආයස්මා බක්කුලො ථෙරො ගාථායො අභාසිත්ථා’ති.
බක්කුලත්ථෙරගාථා.