2. 2. 8.
155. පාචීනවංසදායම්හි සක්යපුත්තා සහායකා,
පහායානප්පකෙ භොගෙ උඤ්ඡාපත්තාගතෙ රතා.
පහායානප්පකෙ භොගෙ උඤ්ඡාපත්තාගතෙ රතා.
156. ආරද්ධවිරියා පහිතත්තා නිච්චං දළ්හපරක්කමා,
රමන්ති ධම්මරතියා හිත්වාන ලොකියං රතින්ති.
රමන්ති ධම්මරතියා හිත්වාන ලොකියං රතින්ති.
ඉත්ථං සුදං ආයස්මා කිම්බිලො ථෙරො ගාථායො අභාසිත්ථා’ති.
කිම්බිලත්ථෙරගාථා.
2. 2. 9.
157. අයොනිසො මනසිකාරා මණ්ඩනං අනුයුඤ්ජිසං,
උද්ධතො චපලො චාසිං කාමරාගෙන අට්ටිතො.
උද්ධතො චපලො චාසිං කාමරාගෙන අට්ටිතො.
158. උපායකුසලෙනාහං බුද්ධෙනාදිච්චබන්ධුනා,
යොනිසො පටිපජ්ජිත්වා භවෙ චිත්තං උදබ්බහින්ති.
යොනිසො පටිපජ්ජිත්වා භවෙ චිත්තං උදබ්බහින්ති.
ඉත්ථං සුදං ආයස්මා නන්දො ථෙරො ගාථායො අභාසිත්ථා’ති.
නන්දත්ථෙරගාථා.
2. 2. 10.
159. පරෙ ච නං පසංසන්ති අත්තා චෙ අසමාහිතො,
මොඝං පරෙ පසංසන්ති අත්තා හි අසමාහිතො.
මොඝං පරෙ පසංසන්ති අත්තා හි අසමාහිතො.
160. පරෙ ච නං ගරහන්ති අත්තා චෙ සුසමාහි,
මොඝං පරෙ ගරහන්ති අත්තා හි සුසමාහිතො’ති.
මොඝං පරෙ ගරහන්ති අත්තා හි සුසමාහිතො’ති.
ඉත්ථං සුදං ආයස්මා සිරිමා ථෙරො ගාථායො අභාසිත්ථා’ති.
සිරිමාත්ථෙරගාථා.
වග්ගො දුතියො.
තස්සුද්දානං:
චුන්දො ච ජොතිදාසො ච ථෙරො හෙරඤ්ඤකානි ච,
සොමමිත්තො සබ්බමිත්තො කාලො තිස්සො ච කිම්බිලො
නන්දො ච සිරිමා චෙව දස ථෙරා මහිද්ධිකා’ති.
සොමමිත්තො සබ්බමිත්තො කාලො තිස්සො ච කිම්බිලො
නන්දො ච සිරිමා චෙව දස ථෙරා මහිද්ධිකා’ති.