වග්ගො දුතියො.
2. 2. 1.
141. සුස්සූසා සුතවද්ධනී සුතං පඤ්ඤාය වද්ධනං,
පඤ්ඤාය අත්ථං ජානාති ඤාතො අත්ථො සුඛාවහො.
පඤ්ඤාය අත්ථං ජානාති ඤාතො අත්ථො සුඛාවහො.
142. සෙවෙථ පන්තානි සෙනාසනානි
චරෙය්ය සංයොජන විප්පමොක්ඛං,
සචෙ රතිං නාධිගච්ඡෙය්ය තත්ථ
සඞ්ඝෙ වසෙ රක්ඛිතත්තො සතීමා’ති.
චරෙය්ය සංයොජන විප්පමොක්ඛං,
සචෙ රතිං නාධිගච්ඡෙය්ය තත්ථ
සඞ්ඝෙ වසෙ රක්ඛිතත්තො සතීමා’ති.
ඉත්ථං සුදං ආයස්මා මහාචුන්දො ථෙරො ගාථායො අභාසිත්ථා’ති.
මහාචුන්දත්ථෙරගාථා.
2. 2. 2.
143. යෙ ඛො තෙ වෙඝමිස්සෙන නානත්ථෙන ච කම්මුනා
මනුස්සෙ උපරුන්ධන්ති ඵරුසූපක්කමා ජනා,
තෙපි තත්ථෙව කීරන්ති නහි කම්මං පනස්සති.
මනුස්සෙ උපරුන්ධන්ති ඵරුසූපක්කමා ජනා,
තෙපි තත්ථෙව කීරන්ති නහි කම්මං පනස්සති.
144. යං කරොති නරො කම්මං කල්යාණං යදි පාපකං,
තස්ස තස්සෙව දායාදො යං යං කම්මං පකුබ්බතී’ති.
තස්ස තස්සෙව දායාදො යං යං කම්මං පකුබ්බතී’ති.
ඉත්ථං සුදං ආයස්මා ජොතිදාසො ථෙරො ගාථායො අභාසිත්ථා’ති.
ජොතිදාසත්ථෙරගාථා.
2. 2. 3.
145. අච්චයන්ති අහොරත්තා ජීවිතං උපරුජ්ඣති,
අයු ඛීයති මච්චානං කුන්නදීනං ව ඔදකං.
අයු ඛීයති මච්චානං කුන්නදීනං ව ඔදකං.
146. අථ පාපානි කම්මානි කරං බාලො න බුජ්ඣති,
පච්ඡාස්ස කටුකං හොති විපාකො හිස්ස පාපකො’ති.
පච්ඡාස්ස කටුකං හොති විපාකො හිස්ස පාපකො’ති.
ඉත්ථං සුදං ආයස්මා හෙරඤ්ඤකානිත්ථෙරො ගාථායො අභාසිත්ථා’ති.
හෙරඤ්ඤකානිත්ථෙරගාථා.
2. 2. 4.
147. පරිත්තං දාරුමාරුය්හ යථා සීදෙ මහණ්ණවෙ,
එවං කුසීතමාගම්ම සාධුජීවී පි සීදති,
තස්මා තං පරිවජ්ජෙය්ය කුසීතං හීනවීරියං.
එවං කුසීතමාගම්ම සාධුජීවී පි සීදති,
තස්මා තං පරිවජ්ජෙය්ය කුසීතං හීනවීරියං.
148. පවිවිත්තෙහි අරියෙහි පහිතත්තෙහි ඣායිහි,
නිච්චං ආරද්ධවිරියෙහි පණ්ඩිතෙහි සහාවසෙ’ති.
නිච්චං ආරද්ධවිරියෙහි පණ්ඩිතෙහි සහාවසෙ’ති.
ඉත්ථං සුදං ආයස්මා සොමචිත්තො ථෙරො ගාථායො අභාසිත්ථා’ති.
සොමචිත්තත්ථෙරගාථා.
2. 2. 5.
149. ජනො ජනම්හි සම්බද්ධො ජනමෙවස්සිතො ජනො,
ජනො ජනෙන හෙඨීයති හෙඨෙති ච ජනො ජනං.
ජනො ජනෙන හෙඨීයති හෙඨෙති ච ජනො ජනං.
150. කොහි තස්ස ජනෙනත්ථො ජනෙන ජනිතෙන වා,
ජනං ඔහාය ගච්ඡං තං හෙඨයිත්වා බහුං ජනන්ති.
ජනං ඔහාය ගච්ඡං තං හෙඨයිත්වා බහුං ජනන්ති.
ඉත්ථං සුදං ආයස්මා සබ්බමිත්තො ථෙරො ගාථායො අභාසිත්ථා’ති.
සබ්බමිත්තත්ථෙරගාථා.
2. 2. 6.
151. කාළී ඉත්ථි බ්රහතී ධඞ්කරූපා
සත්ථිං ච භෙත්වා අපරං ච සත්ථිං,
බාහං ච භෙත්වා අපරං ච බාහුං
සීසං ච භෙත්වා දධිථාලකං’ ව
එසා නිසින්නා අභිසද්දහිත්වා.
සත්ථිං ච භෙත්වා අපරං ච සත්ථිං,
බාහං ච භෙත්වා අපරං ච බාහුං
සීසං ච භෙත්වා දධිථාලකං’ ව
එසා නිසින්නා අභිසද්දහිත්වා.
152. යො වෙ අවිද්වා උපධිං කරොති
පුනප්පුනං දුක්ඛමුපෙති මන්දො,
තස්මා පජානං උපධිං න කයිරා
මාහුං පුන භින්නසිරො සයිස්සන්ති.
පුනප්පුනං දුක්ඛමුපෙති මන්දො,
තස්මා පජානං උපධිං න කයිරා
මාහුං පුන භින්නසිරො සයිස්සන්ති.
ඉත්ථං සුදං ආයස්මා මහාකාළො ථෙරො ගාථායො අභාසිත්ථා’ති.
මහාකාළත්ථෙරගාථා.
2. 2. 7.
153. බහූ සපත්තෙ ලභති මුණ්ඩො සඞ්ඝාටිපාරුතො,
ලාභී අන්නස්ස පානස්ස වත්ථස්ස සයනස්ස ච.
ලාභී අන්නස්ස පානස්ස වත්ථස්ස සයනස්ස ච.
154. එතමාදීනවං ඤත්වා සක්කාරෙසු මහබ්භයං,
අප්පලාභො ‘නවස්සුතො සතො භික්ඛු පරිබ්බජෙ’ති.
අප්පලාභො ‘නවස්සුතො සතො භික්ඛු පරිබ්බජෙ’ති.
ඉත්ථං සුදං ආයස්මා තිස්සො ථෙරො ගාථායො අභාසිත්ථා’ති.
තිස්සත්ථෙරගාථා.
2. 2. 8.
155. පාචීනවංසදායම්හි සක්යපුත්තා සහායකා,
පහායානප්පකෙ භොගෙ උඤ්ඡාපත්තාගතෙ රතා.
පහායානප්පකෙ භොගෙ උඤ්ඡාපත්තාගතෙ රතා.
156. ආරද්ධවිරියා පහිතත්තා නිච්චං දළ්හපරක්කමා,
රමන්ති ධම්මරතියා හිත්වාන ලොකියං රතින්ති.
රමන්ති ධම්මරතියා හිත්වාන ලොකියං රතින්ති.
ඉත්ථං සුදං ආයස්මා කිම්බිලො ථෙරො ගාථායො අභාසිත්ථා’ති.
කිම්බිලත්ථෙරගාථා.