4. 6.
755. සාවත්ථි නාම නගරං හිමවන්තස්ස පස්සතො,
තත්ථ ආසුං ද්වෙ කුමාරා රාජපුත්තාති මෙ සුතං.
තත්ථ ආසුං ද්වෙ කුමාරා රාජපුත්තාති මෙ සුතං.
756. පමත්තා රජනීයෙසු කාමස්සාදාභිනන්දිනො,
පච්චුප්පන්නෙ සුඛෙ ගිද්ධා න තෙ පස්සිංසු නාගතං.
පච්චුප්පන්නෙ සුඛෙ ගිද්ධා න තෙ පස්සිංසු නාගතං.
757. තෙ චුතා ච මනුස්සත්තා පරලොකං ඉතො ගතා.
තෙධ ඝොසෙන්ත්යදිස්සන්තා පුබ්බෙ දුක්කටමත්තනො.
තෙධ ඝොසෙන්ත්යදිස්සන්තා පුබ්බෙ දුක්කටමත්තනො.
758. බහූසු වත සන්තෙසු දෙය්යධම්මෙ උපට්ඨිතෙ,
නාසක්ඛිම්හා ච අත්තානං පරිත්තං කාතුං සුඛාවහං.
නාසක්ඛිම්හා ච අත්තානං පරිත්තං කාතුං සුඛාවහං.
759. කිං තතො පාපකං අස්ස යං නො රාජකුලා චුතා.
උප්පන්නා පෙත්තිවිසයං ඛුප්පිපාසාසමප්පිතා.
උප්පන්නා පෙත්තිවිසයං ඛුප්පිපාසාසමප්පිතා.
760. සාමිනො ඉධ හුත්වාන හොන්ති අස්සාමිනො තහිං,
චරන්ති ඛුප්පිපාසාය මනුස්සා උන්නතොනතා.
චරන්ති ඛුප්පිපාසාය මනුස්සා උන්නතොනතා.
761. එතමාදීනවං ඤත්වා ඉස්සරමදසම්භවං
පහාය ඉස්සරමදං භවෙ සග්ගගතො නරො:
කායස්ස භෙදා සප්පඤ්ඤො සග්ගං සො උපපජ්ජති’ති.
පහාය ඉස්සරමදං භවෙ සග්ගගතො නරො:
කායස්ස භෙදා සප්පඤ්ඤො සග්ගං සො උපපජ්ජති’ති.
කුමාරපෙතවත්ථු ඡට්ඨං.
4. 7.
762. පුබ්බෙ කතානං කම්මානං විපාකො මථයෙ මනං,
රූපෙ සද්දෙ රසෙ ගන්ධෙ ඵොට්ඨබ්බෙ ච මනොරමෙ.
රූපෙ සද්දෙ රසෙ ගන්ධෙ ඵොට්ඨබ්බෙ ච මනොරමෙ.
763. නච්චං ගීතං රතිං ඛිඩ්ඩං අනුභුත්වා අනප්පකං,
උය්යානෙ පරිචරිත්වාන පවිසන්තො ගිරිබ්බජං.
උය්යානෙ පරිචරිත්වාන පවිසන්තො ගිරිබ්බජං.
764. ඉසිං සුනෙත්ත මද්දක්ඛි අත්තදන්තං සමාහිතං
අප්පිච්ඡං හිරිසම්පන්නං උඤ්ඡෙ පත්තගතෙ රතං.
අප්පිච්ඡං හිරිසම්පන්නං උඤ්ඡෙ පත්තගතෙ රතං.
765. හත්ථික්ඛන්ධතො ඔරුය්හ ලද්ධා භන්තෙති ච බ්රුවි,
තස්ස පත්තං ගහෙත්වාන උච්චං පග්ගය්හ ඛත්තියො.
තස්ස පත්තං ගහෙත්වාන උච්චං පග්ගය්හ ඛත්තියො.
766. ථණ්ඩිලෙ පත්තං භින්දිත්වා හසමානො අපක්කමි,
රඤ්ඤො කිතවස්සහං පුත්තො කිං මං භික්ඛු කරිස්සසි.
රඤ්ඤො කිතවස්සහං පුත්තො කිං මං භික්ඛු කරිස්සසි.
767. තස්ස කම්මස්ස ඵරුසස්ස විපාකො කටුකො අහු,
යං රාජපුත්තො වෙදෙසි නිරයම්හි සමප්පිතො.
යං රාජපුත්තො වෙදෙසි නිරයම්හි සමප්පිතො.
768. ඡළෙව චතුරාසීති වස්සානි නහුතානි ච,
භුසං දුක්ඛං නිගච්ඡිත්ථො නිරයෙ කතකිබ්බිසො.
භුසං දුක්ඛං නිගච්ඡිත්ථො නිරයෙ කතකිබ්බිසො.