4. 7.
762. පුබ්බෙ කතානං කම්මානං විපාකො මථයෙ මනං,
රූපෙ සද්දෙ රසෙ ගන්ධෙ ඵොට්ඨබ්බෙ ච මනොරමෙ.
රූපෙ සද්දෙ රසෙ ගන්ධෙ ඵොට්ඨබ්බෙ ච මනොරමෙ.
763. නච්චං ගීතං රතිං ඛිඩ්ඩං අනුභුත්වා අනප්පකං,
උය්යානෙ පරිචරිත්වාන පවිසන්තො ගිරිබ්බජං.
උය්යානෙ පරිචරිත්වාන පවිසන්තො ගිරිබ්බජං.
764. ඉසිං සුනෙත්ත මද්දක්ඛි අත්තදන්තං සමාහිතං
අප්පිච්ඡං හිරිසම්පන්නං උඤ්ඡෙ පත්තගතෙ රතං.
අප්පිච්ඡං හිරිසම්පන්නං උඤ්ඡෙ පත්තගතෙ රතං.
765. හත්ථික්ඛන්ධතො ඔරුය්හ ලද්ධා භන්තෙති ච බ්රුවි,
තස්ස පත්තං ගහෙත්වාන උච්චං පග්ගය්හ ඛත්තියො.
තස්ස පත්තං ගහෙත්වාන උච්චං පග්ගය්හ ඛත්තියො.
766. ථණ්ඩිලෙ පත්තං භින්දිත්වා හසමානො අපක්කමි,
රඤ්ඤො කිතවස්සහං පුත්තො කිං මං භික්ඛු කරිස්සසි.
රඤ්ඤො කිතවස්සහං පුත්තො කිං මං භික්ඛු කරිස්සසි.
767. තස්ස කම්මස්ස ඵරුසස්ස විපාකො කටුකො අහු,
යං රාජපුත්තො වෙදෙසි නිරයම්හි සමප්පිතො.
යං රාජපුත්තො වෙදෙසි නිරයම්හි සමප්පිතො.
768. ඡළෙව චතුරාසීති වස්සානි නහුතානි ච,
භුසං දුක්ඛං නිගච්ඡිත්ථො නිරයෙ කතකිබ්බිසො.
භුසං දුක්ඛං නිගච්ඡිත්ථො නිරයෙ කතකිබ්බිසො.
769. උත්තානොපි ච පච්චිත්ථ නිකුජ්ජො වාමදක්ඛිණො,
උද්ධංපාදො ඨිතො චෙව චිරං බාලො අපච්චථ
උද්ධංපාදො ඨිතො චෙව චිරං බාලො අපච්චථ
770. බහූනි වස්සසහස්සානි පූගානි නහුතානි ච,
භුසං දුක්ඛං නිගච්ඡිත්ථො නිරයෙ කතකිබ්බිසො.
භුසං දුක්ඛං නිගච්ඡිත්ථො නිරයෙ කතකිබ්බිසො.
771. එතාදිසං ඛො කටුකං අප්පදුට්ඨප්පදොසිනං.
පච්චන්ති පාපකම්මන්තා ඉසිමාසජ්ජ සුබ්බතං.
පච්චන්ති පාපකම්මන්තා ඉසිමාසජ්ජ සුබ්බතං.
772. සො තත්ථ බහුවස්සානි වෙදයිත්වා බහුං දුඛං,
ඛුප්පිපාසාහතො නාම පෙතො ආසි තතො චුතො.
ඛුප්පිපාසාහතො නාම පෙතො ආසි තතො චුතො.
773. එතමාදීනවං දිස්වා ඉස්සරමදසම්භවං,
පහාය ඉස්සරමදං නිවාතමනුවත්තයෙ.
පහාය ඉස්සරමදං නිවාතමනුවත්තයෙ.
774. දිට්ඨෙව ධම්මෙ පාසංසො යො බුද්ධෙසු සගාරවො,
කායස්ස භෙදා සප්පඤ්ඤො සග්ගං සො උපපජ්ජති’ති.
කායස්ස භෙදා සප්පඤ්ඤො සග්ගං සො උපපජ්ජති’ති.
රාජපුත්තපෙතවත්ථු සත්තමං.
4. 8.
775. ගූථකූපතො උග්ගන්ත්වා කො නු දීනො හි තිට්ඨසි,
නිස්සංසයං පාපකම්මන්තො කින්නු සද්දහසෙ තුවං,
නිස්සංසයං පාපකම්මන්තො කින්නු සද්දහසෙ තුවං,
776. අහං භද්දන්ත පෙතොම්හි දුග්ගතො යමලොකිකො,
පාපකම්මං කරිත්වාන පෙතලොකමිතො ගතො.
පාපකම්මං කරිත්වාන පෙතලොකමිතො ගතො.
777. කින්නු කායෙන වාචාය මනසා දුක්කටං කතං,
කිස්ස කම්මවිපාකෙන ඉදං දුක්ඛං නිගච්ඡසි.
කිස්ස කම්මවිපාකෙන ඉදං දුක්ඛං නිගච්ඡසි.
778. අහු ආවාසිකො මය්හං ඉස්සුකී කුලමච්ඡරී,
අජ්ඣාසිතො මය්හං ඝරෙ කදරියො පරිභාසකො.
අජ්ඣාසිතො මය්හං ඝරෙ කදරියො පරිභාසකො.
779. තස්සාහං වචනං සුත්වා භික්ඛවො පරිභාසිසං,
තස්ස කම්මවිපාකෙන පෙතලොකමිතො ගතො.
තස්ස කම්මවිපාකෙන පෙතලොකමිතො ගතො.
780. අමිත්තො මිත්තවණ්ණෙන යො තෙ ආසි කුලූපකො,
කායස්ස භෙදා දුප්පඤ්ඤො කින්නු පෙච්ච ගතිං ගතො.
කායස්ස භෙදා දුප්පඤ්ඤො කින්නු පෙච්ච ගතිං ගතො.
781. තස්සෙවාහං පාපකම්මස්ස සීසෙ තිට්ඨාමි මත්ථකෙ,
සො ච පරවිසයං පත්තො මමෙව පරිචාරකො.
සො ච පරවිසයං පත්තො මමෙව පරිචාරකො.
782. යං භද්දන්ත හදන්තඤ්ඤෙ එතං මෙ හොති භොජනං,
අහං ච ඛො යං හදාමි එතං සො උපජීවතී’ති.
අහං ච ඛො යං හදාමි එතං සො උපජීවතී’ති.
ගූථඛාදකපෙතවත්ථු අට්ඨමං.