16. පිඞ්ගියමාණව පුච්ඡා
16-1 ජිණ්ණො’හමස්මි අබලො වීතවණ්ණො (ඉච්චායස්මා පිඞ්ගියො)
නෙත්තා න සුද්ධා සවණං න ඵාසු
මාහං නස්සං මොමුහො අන්තරා’ව
ආචික්ඛ ධම්මං යමහං විජඤ්ඤං
ජාතිජරාය ඉධ විප්පහානං.
නෙත්තා න සුද්ධා සවණං න ඵාසු
මාහං නස්සං මොමුහො අන්තරා’ව
ආචික්ඛ ධම්මං යමහං විජඤ්ඤං
ජාතිජරාය ඉධ විප්පහානං.
16-2 දිස්වාන රූපෙසු විහඤ්ඤමානෙ (පිඞ්ගියාති භගවා)
රුප්පන්ති රූපෙසු ජනා පමත්තා
තස්මා තුවං පිඞ්ගිය අප්පමත්තො
ජහස්සු රූපං අපුනබ්භවාය.
රුප්පන්ති රූපෙසු ජනා පමත්තා
තස්මා තුවං පිඞ්ගිය අප්පමත්තො
ජහස්සු රූපං අපුනබ්භවාය.
16-3 දිසා චතස්සො විදිසා චතස්සො (ඉච්චායස්මා පිඞ්ගියො)
උද්ධං අධො දසදිසා ඉමායො
න තුය්හං අදිට්ඨං අසුතං අමුතං
අථො අවිඤ්ඤාතං කිඤ්චි නත්ථි ලොකෙ
ආචික්ඛ ධම්මං යමහං විජඤ්ඤං
ජාතිජරාය ඉධ විප්පහානං.
උද්ධං අධො දසදිසා ඉමායො
න තුය්හං අදිට්ඨං අසුතං අමුතං
අථො අවිඤ්ඤාතං කිඤ්චි නත්ථි ලොකෙ
ආචික්ඛ ධම්මං යමහං විජඤ්ඤං
ජාතිජරාය ඉධ විප්පහානං.
16-4 තණ්හාධිපන්නෙ මනුජෙ පෙක්ඛමානො (පිඞ්ගියාති භගවා)
සන්තාපජාතෙ ජරසා පරෙතෙ
තස්මා තුවං පිඞ්ගිය අප්පමත්තො
ජහස්සු තණ්හං අපුනබ්භවායාති.
සන්තාපජාතෙ ජරසා පරෙතෙ
තස්මා තුවං පිඞ්ගිය අප්පමත්තො
ජහස්සු තණ්හං අපුනබ්භවායාති.
පිඞ්ගියමාණව පුච්ඡා-නිට්ඨිතා
ඉදමවොච භගවා මගධෙසු විහරන්තො පාසාණකෙ චෙතියෙ පරිචාරකසොළසානං බ්රාහ්මණානං අජ්ඣිට්ඨො පුට්ඨො පුට්ඨො පඤ්හං ව්යාකාසි, එකමෙකස්ස චෙපි පඤ්හස්ස අත්ථමඤ්ඤාය ධම්මමඤ්ඤාය ධම්මානුධම්මං පටිපජ්ජෙය්ය ගච්ඡෙය්යෙව ජරාමරණස්ස පාරං. පාරං ගමනීයා ඉමෙ ධම්මා ති තස්මා ඉමස්ස ධම්මපරියායස්ස පාරායනංත්වෙව අධිවචනං.
1. අජිතො තිස්ස මෙත්තෙය්යො-පුණ්ණකො අථ මෙත්තගු
ධොතකො උපසීවො ච-නන්දො ච අථ හෙමකො
ධොතකො උපසීවො ච-නන්දො ච අථ හෙමකො
2. තොදෙය්යකප්පා දුභයො-ජතුකණ්ණී ච පණ්ඩිතො
භද්රාවුධො උදයො ච-පොසාලො චාපි බ්රාහ්මණො
මොඝරාජා ච මෙධාවී-පිඞ්ගියො ච මහාඉසී
භද්රාවුධො උදයො ච-පොසාලො චාපි බ්රාහ්මණො
මොඝරාජා ච මෙධාවී-පිඞ්ගියො ච මහාඉසී
3. එතෙ බුද්ධං උපාගඤ්ඡුං-සම්පන්නචරණං ඉසිං
පුච්ඡන්තා නිපුණෙ පඤ්හෙ-බුද්ධසෙට්ඨං උපාගමුං.
පුච්ඡන්තා නිපුණෙ පඤ්හෙ-බුද්ධසෙට්ඨං උපාගමුං.
4. තෙසං බුද්ධො ව්යාකාසි-පඤ්හෙ පුට්ඨො යථාතථං
පඤ්හානං වෙය්යාකරණෙන-තොසෙසි බ්රාහ්මණෙ මුනී.
පඤ්හානං වෙය්යාකරණෙන-තොසෙසි බ්රාහ්මණෙ මුනී.