1223. ගඞ්ගා කුමුදිනී සන්තා සඞ්ඛවණ්ණා ච කොකිලා,
ජම්බු තාලඵලං දජ්ජා අථ නූන තදා සියා.
ජම්බු තාලඵලං දජ්ජා අථ නූන තදා සියා.
1224. යදා කච්ඡපලොමානං පාවාරො තිවිධො සියා,
හෙමන්තිකං පාපුරණං අථ නූන තදා සියා.
හෙමන්තිකං පාපුරණං අථ නූන තදා සියා.
1225. යදා මකසදාඨානං අට්ටාලො සුකතො සියා,
දළ්හො ච අප්පකම්පි ච අථ නූන තදා සියා.
දළ්හො ච අප්පකම්පි ච අථ නූන තදා සියා.
1226. යදා සසවිසාණානං නිස්සෙණී සුකතා සියා,
සග්ගස්සා රොහණත්ථා අථ නූන තදා සියා.
සග්ගස්සා රොහණත්ථා අථ නූන තදා සියා.
1227. යදා සිස්සෙණිමාරුය්හ චන්දං ඛාදෙය්යුං මූසිකා,
රාහුඤ්ච පරිපාතෙය්යුං අථ නූන තදා සියා.
රාහුඤ්ච පරිපාතෙය්යුං අථ නූන තදා සියා.
1228. යදා සුරාඝටං පීත්වා මක්ඛිකා ගණචාරිනී,
අඞ්ගාරෙ වාසං කප්පෙය්යුං අථ නූන තදා සියා.
අඞ්ගාරෙ වාසං කප්පෙය්යුං අථ නූන තදා සියා.
1229. යදා බිම්බොට්ඨසම්පන්නො ගද්රභො සුමුඛො සියා,
කුසලො නච්චගීතස්ස අථ නූන තදා සියා.
කුසලො නච්චගීතස්ස අථ නූන තදා සියා.
1230. යදා කාකා උලූකා ච මන්තයෙය්යුං රහොගතා,
අඤ්ඤමඤ්ඤං පිහයෙය්යුං අථ නූන තදා සියා.
අඤ්ඤමඤ්ඤං පිහයෙය්යුං අථ නූන තදා සියා.
1231. යදා පුලස පත්තානං ඡත්තං ථීරතරං සියා,
වස්සස්ස පටිඝාතාය අථ නූන තදා සියා.
වස්සස්ස පටිඝාතාය අථ නූන තදා සියා.
1232. යදා කුළුඞ්කො සකුණො පබ්බතං ගන්ධමාදනං,
තුණ්ඩෙනාදාය ගච්ඡෙය්ය අථ නූන තදා සියා.
තුණ්ඩෙනාදාය ගච්ඡෙය්ය අථ නූන තදා සියා.
1233. යදා සාමුද්දිකං නාවං සයන්තං සවටාකරං,
චෙටො ආදාය ගච්ඡෙය්ය අථ නූන තදා සියාති.
චෙටො ආදාය ගච්ඡෙය්ය අථ නූන තදා සියාති.
9. අට්ඨානජාතකං.
1234. ඛමනීයං යාපනීයං කච්චි මාතුල තෙ සුඛං,
සුඛං තෙ අම්මා අවච සුඛකාමා හි තෙ මයං.
සුඛං තෙ අම්මා අවච සුඛකාමා හි තෙ මයං.
1235. නඞ්ගුට්ඨං මෙ අවක්කම්ම හෙඨයිත්වාන එළිකෙ,
සාජ්ජ මාතුලවාදෙන මුඤ්චිතබ්බා නු මඤ්ඤසි.
සාජ්ජ මාතුලවාදෙන මුඤ්චිතබ්බා නු මඤ්ඤසි.
1236. පුරත්ථාමුඛො නිසින්නොසි අහං තං මුඛමාගතා,
පච්ඡිතො තුය්හ නඞ්ගුට්ඨං කථං ඛොහං අවක්කමිං.
පච්ඡිතො තුය්හ නඞ්ගුට්ඨං කථං ඛොහං අවක්කමිං.
1237. යාවතා චතුරො දීපා සසමුද්දා සපබ්බතා,
තාවතා මය්හ නඞ්ගුට්ඨං කථං ඛො ත්වං විවජ්ජයි.
තාවතා මය්හ නඞ්ගුට්ඨං කථං ඛො ත්වං විවජ්ජයි.