1206. යො ඉන්ද්රියානං කාමෙන වසා නාරද ගච්ඡති,
සො පරිච්චජ්ජුහො ලොකෙ ජීවන්තොව විසුසස්ති.
සො පරිච්චජ්ජුහො ලොකෙ ජීවන්තොව විසුසස්ති.
1207. සුඛස්සානන්තරං දුක්ඛං දුක්ඛස්සානන්තරං සුඛං,
සොසි පත්තො සුඛා දුක්ඛං පාටිකඞ්ඛ වරං සුඛං.
සොසි පත්තො සුඛා දුක්ඛං පාටිකඞ්ඛ වරං සුඛං.
1208. කිච්ඡකාලෙ කිච්ඡිසහො යො කිච්ඡං නානුවත්තති.
ස කිච්ඡන්තං සුඛං ධීරො යොගං සමධිගච්ඡති.
ස කිච්ඡන්තං සුඛං ධීරො යොගං සමධිගච්ඡති.
1209. නහෙව කාමාන කාමා නානත්ථා නත්ථකාරණා,
න කතඤ්ච නිරඞ්කත්වා ධම්මා චවිතුමරහසි.
න කතඤ්ච නිරඞ්කත්වා ධම්මා චවිතුමරහසි.
1210. දුක්ඛං ගහපතිං සාධු සංවිභජ්ජඤ්ච භොජනං,
අභාසො අත්ථලාභෙසු අත්ථබ්යාපත්ති අබ්යථො.
අභාසො අත්ථලාභෙසු අත්ථබ්යාපත්ති අබ්යථො.
1211. එත්තාව තෙසං පණ්ඩිච්චං අසිතො දෙවලො බ්රවි,
නයිතො කිඤ්චි පාපියො ඉන්ද්රියානං වසං වජෙ.
නයිතො කිඤ්චි පාපියො ඉන්ද්රියානං වසං වජෙ.
1212. අමිත්තානංව හත්ථත්ථං සිව පප්පොති මාමිව,
කම්මං විජ්ජඤ්ච දක්ඛෙය්යං විවාහං සීලමද්දවං.
කම්මං විජ්ජඤ්ච දක්ඛෙය්යං විවාහං සීලමද්දවං.
1213. එතෙ ච යසෙ හාපෙත්වා නිබ්බත්තො සෙහි කම්මෙහි,
සොහං සහස්ස ජීනොව අබන්ධූ අපරායණො.
අරියධම්මා අතික්කන්තො යථා පෙතො තථෙවහං.
සොහං සහස්ස ජීනොව අබන්ධූ අපරායණො.
අරියධම්මා අතික්කන්තො යථා පෙතො තථෙවහං.
1214. සුඛකාමෙ දුක්ඛාපෙත්වා ආපන්නොස්මි පදං ඉමං,
සො සුඛං නාධිගච්ඡාමි චිතො භානුමතාමිවාති.
සො සුඛං නාධිගච්ඡාමි චිතො භානුමතාමිවාති.
7. ඉන්ද්රියජාතකං.
1215. ආදිත්තස්මිං අගාරස්මිං යං නීහරති භාජනං,
තං තස්ස හොති අත්ථාය නො ච යං තත්ථ ඩය්හති.
තං තස්ස හොති අත්ථාය නො ච යං තත්ථ ඩය්හති.
1216. එවමාදිපිතො ලොකො ජරාය මරණෙන ච,
නීහරෙථෙව දානෙන දින්නං හොති සුනීහතං
නීහරෙථෙව දානෙන දින්නං හොති සුනීහතං
1217. යො ධම්මලද්ධස්ස දදාති දානං
උට්ඨානවිරියාධිගතස්ස ජන්තුනො,
අතික්කම්ම සො වෙතරණිං යමස්ස
දිබ්බානි ඨානානි උපෙති මච්චො.
උට්ඨානවිරියාධිගතස්ස ජන්තුනො,
අතික්කම්ම සො වෙතරණිං යමස්ස
දිබ්බානි ඨානානි උපෙති මච්චො.
1218. දානඤ්ච යුද්ධඤ්ච සමානමාහු
අප්පාපි සන්තා බහුකෙ ජිනන්ති,
අප්පම්පි චෙ සද්දහානො දදාති
තෙනෙව සො හොති සුඛී පරත්ථ.
අප්පාපි සන්තා බහුකෙ ජිනන්ති,
අප්පම්පි චෙ සද්දහානො දදාති
තෙනෙව සො හොති සුඛී පරත්ථ.