1164. ඉදං සුවණ්ණකායූරං මුත්තා වෙළුරියා බහූ,
සබ්බං හරස්සු භද්දන්තෙ මඤ්ච දාසීති සාවය.
සබ්බං හරස්සු භද්දන්තෙ මඤ්ච දාසීති සාවය.
1165. ඔරොපයස්සු කල්යාණි මා බහුං පරිදෙවසි,
න චාහං අභිජානාමි අහන්ත්වා ධනමාභතං.
න චාහං අභිජානාමි අහන්ත්වා ධනමාභතං.
1166. යතො සරාමි අත්තානං යතො පත්තොස්මි විඤ්ඤුතං,
න චාහං අභිජානාමි අඤ්ඤං පියතරං තයා.
න චාහං අභිජානාමි අඤ්ඤං පියතරං තයා.
1167. එහි තං උපගූහිස්සං කරිස්සඤ්ච පදක්ඛිණං,
න හි දානි පුනා අත්ථි මම තුය්හඤ්ච සඞ්ගමො.
න හි දානි පුනා අත්ථි මම තුය්හඤ්ච සඞ්ගමො.
1168. න හි සබ්බෙසු ඨානෙසු පුරිසො හොති පණ්ඩිතො,
ඉත්ථිපි පණ්ඩිතා හොති තත්ථ තත්ථ විචක්ඛණා.
ඉත්ථිපි පණ්ඩිතා හොති තත්ථ තත්ථ විචක්ඛණා.
1169. න හි සබ්බෙසු ඨානෙසු පුරිසො හොති පණ්ඩිතො,
ඉත්ථිපි පණ්ඩිතා හොති ලහුමත්ථවිචින්තිකා.
ඉත්ථිපි පණ්ඩිතා හොති ලහුමත්ථවිචින්තිකා.
1170. ලහුඤ්ච වත ඛිප්පඤ්ච නිකට්ඨෙ සමචෙතයි,
මිගං පුණ්ණාය තෙනෙවං සුලසා සත්තුකං වධි.
මිගං පුණ්ණාය තෙනෙවං සුලසා සත්තුකං වධි.
1171. යොධ උප්පතිතං අත්ථං න ඛිප්පමනුබුජ්ඣති,
සො හඤ්ඤති මන්දමතී චොරොව ගිරිගබ්භරෙ.
සො හඤ්ඤති මන්දමතී චොරොව ගිරිගබ්භරෙ.
1172. යො ච උප්පතිතං අත්ථං ඛිප්පමෙව නිබොධති,
මුච්චතෙ සත්තු සම්බාධා සුලසා සත්තුකාමිවාති.
මුච්චතෙ සත්තු සම්බාධා සුලසා සත්තුකාමිවාති.
3. සුලසාජාතකං.
1173. භුස හි කුද්ධොති අවෙක්ඛියාන
න තාවදණ්ඩං පණයෙය්ය ඉස්සරො,
අට්ඨානසො අප්පතිරූපමත්තනො
පරස්ස දුක්ඛානි භුසං උදීරයෙ.
න තාවදණ්ඩං පණයෙය්ය ඉස්සරො,
අට්ඨානසො අප්පතිරූපමත්තනො
පරස්ස දුක්ඛානි භුසං උදීරයෙ.
1174. යතොච ජානෙය්ය පසාදමත්තනො
අත්ථං නියුඤ්ජෙය්ය පරස්ස දුක්කතං,
තදායමත්ථොති සයං අවෙක්ඛිය
අථස්ස දණ්ඩං සදිසං නිවෙසයෙ.
අත්ථං නියුඤ්ජෙය්ය පරස්ස දුක්කතං,
තදායමත්ථොති සයං අවෙක්ඛිය
අථස්ස දණ්ඩං සදිසං නිවෙසයෙ.
1175. න චාපි ඣාපෙති පරං න අත්තනං
අමුච්ඡිතො යො නයතෙ නයානයං,
යො දණ්ඩධාරො භවතීධ ඉස්සරො
සවණ්ණගුත්තො සිරියා න ධංසති.
අමුච්ඡිතො යො නයතෙ නයානයං,
යො දණ්ඩධාරො භවතීධ ඉස්සරො
සවණ්ණගුත්තො සිරියා න ධංසති.
1176. යො ඛත්තියා සෙ අනිසම්මකාරිනො
පණෙන්ති දණ්ඩං සහසා පමුච්ඡිතා,
අවණ්ණසංයුත්තා ජහන්ති ජීවිතං
ඉතො විමුත්තාපි ච යන්ති දුග්ගතිං
පණෙන්ති දණ්ඩං සහසා පමුච්ඡිතා,
අවණ්ණසංයුත්තා ජහන්ති ජීවිතං
ඉතො විමුත්තාපි ච යන්ති දුග්ගතිං
1177. ධම්මෙ ච යෙ අරියපවෙදිතෙ රතා
අනුත්තරා තෙ වචසා මනසා කම්මනා ච,
තෙ සන්තිසොරච්චසමාධිසණ්ඨිතා
වජන්ති ලොකං දුභයං තථාවිධා.
අනුත්තරා තෙ වචසා මනසා කම්මනා ච,
තෙ සන්තිසොරච්චසමාධිසණ්ඨිතා
වජන්ති ලොකං දුභයං තථාවිධා.
1178. රාජාහමස්මි නරපමදානමිස්සරො
සචෙපි කුජ්ඣාමි ඨපෙමි අත්තනං,
නිසෙධයන්තො ජනතං තථාවිධං
පණෙමි දණ්ඩං අනුකම්ප යොනිසො.
සචෙපි කුජ්ඣාමි ඨපෙමි අත්තනං,
නිසෙධයන්තො ජනතං තථාවිධං
පණෙමි දණ්ඩං අනුකම්ප යොනිසො.
1179. සිරී ච ලක්ඛී ච තමෙව ඛත්තිය
ජනාධිප මා විජහි කුදාචනං,
අක්කොධනො නිච්චපසන්නචිත්තො
අනීඝො තුවං වසස්සතානි පාලය.
ජනාධිප මා විජහි කුදාචනං,
අක්කොධනො නිච්චපසන්නචිත්තො
අනීඝො තුවං වසස්සතානි පාලය.
1180. ගුණෙහි එතෙහි උපෙත ඛත්තිය
ඨිතමරියවත්ති සුවචො අකොධනො,
සුඛී අනුප්පීළ පසාස මෙදිනිං
ඉතො විමුත්තොපි ච යාහි සුග්ගතිං.
ඨිතමරියවත්ති සුවචො අකොධනො,
සුඛී අනුප්පීළ පසාස මෙදිනිං
ඉතො විමුත්තොපි ච යාහි සුග්ගතිං.