1069. අත්තානං සඞ්කමං කත්වා යො සොත්ථිං සමතාරයි,
කිං ත්වං තෙසං කිමො තුය්හං හොන්ති එතෙ මහාකපි.
කිං ත්වං තෙසං කිමො තුය්හං හොන්ති එතෙ මහාකපි.
1070. රාජාහං ඉස්සරො තෙසං යූථස්ස පරිහාරකො,
තෙසං සොකපරෙතානං භීතානං තෙ අරින්දම.
තෙසං සොකපරෙතානං භීතානං තෙ අරින්දම.
1071. උල්ලඞ්ඝයිත්වා අත්තානං විස්සට්ඨධනුනො සතං,
තතො අපරපාදෙසු දළ්හං බද්ධං ලතාගුණං.
තතො අපරපාදෙසු දළ්හං බද්ධං ලතාගුණං.
1072. ඡින්නබ්භමිව වාතෙන නුන්නො රුක්ඛං උපාගමිං,
සොහං අප්පභවං තස්ස සාඛං හත්ථෙහි අග්ගහිං.
සොහං අප්පභවං තස්ස සාඛං හත්ථෙහි අග්ගහිං.
1073. තං මං වියායතං සන්තං සාඛාය ච ලතාය ච,
සමනුක්කමන්තා පාදෙහි සොත්ථිං සාඛාමිගා ගතා.
සමනුක්කමන්තා පාදෙහි සොත්ථිං සාඛාමිගා ගතා.
1074. තං මං න තපතෙ බද්ධො වධො මෙ න තපෙස්සති,
සුඛමාහරිතං තෙසං යෙසං රජ්ජමකාරයිං.
සුඛමාහරිතං තෙසං යෙසං රජ්ජමකාරයිං.
1075. එසා තෙ උපමා රාජ අත්ථසන්දස්සනී කතා,
රඤ්ඤා රට්ඨස්ස යොග්ගස්ස බලස්ස නිගමස්ස ච.
සබ්බෙසං සුඛමෙත්ථබ්බං ඛත්තියෙන පජානතා’ති.
රඤ්ඤා රට්ඨස්ස යොග්ගස්ස බලස්ස නිගමස්ස ච.
සබ්බෙසං සුඛමෙත්ථබ්බං ඛත්තියෙන පජානතා’ති.
2. මහාකපිජාතකං.
1076. අම්බාහමද්දං වනමන්තරස්මිං
නීලොභාසං එලිනං සංවිරූළ්හං,
සමද්දසං ඵලහෙතූ විභග්ගං
තං දිස්වා භික්ඛාචරියං චරාමි.
නීලොභාසං එලිනං සංවිරූළ්හං,
සමද්දසං ඵලහෙතූ විභග්ගං
තං දිස්වා භික්ඛාචරියං චරාමි.
1077. සෙලං සුමට්ටං නරවීර නිට්ඨිතං
නාරී යුගන්ධාරයි අප්පසද්දං,
දුතියඤ්ච ආගම්ම අහොසි සද්දො
තං දිස්වා භික්ඛාචරියං චරාමි.
නාරී යුගන්ධාරයි අප්පසද්දං,
දුතියඤ්ච ආගම්ම අහොසි සද්දො
තං දිස්වා භික්ඛාචරියං චරාමි.
1078. දිජා දිජං කුණපමාහරන්තං
එකං සමානං බහුකා සමෙච්ච,
ආහාරහෙතු පරිපාතයිංසු
තං දිස්වා භික්ඛාචරියං චරාමි.
එකං සමානං බහුකා සමෙච්ච,
ආහාරහෙතු පරිපාතයිංසු
තං දිස්වා භික්ඛාචරියං චරාමි.
1079. උසභාහමද්දං යූථස්ස මජ්ඣෙ
චලක්කකුං වණ්ණබලූප්පන්නං,
තමද්දසං කාමහෙතු විතුන්නං
තං දිස්වා භික්ඛාචරියං චරාමි.
චලක්කකුං වණ්ණබලූප්පන්නං,
තමද්දසං කාමහෙතු විතුන්නං
තං දිස්වා භික්ඛාචරියං චරාමි.
1080. කරණ්ඩු නාම කලිඞ්ගානං ලන්ධාරානඤ්ච නග්ගජි,
නිමිරාජා විදෙහානං පඤ්චාලානඤ්ච දුම්මුඛො.
එතෙ රට්ඨානි හිත්වාන පබ්බජිංසු අකිඤ්චනා.
නිමිරාජා විදෙහානං පඤ්චාලානඤ්ච දුම්මුඛො.
එතෙ රට්ඨානි හිත්වාන පබ්බජිංසු අකිඤ්චනා.