1140. ආගගමිස්සති මෙ පාපං ආගමිස්සති මෙ භයං,
තදා හි චලිතා සාඛා මනුස්සෙන මිගෙන වා.

1141. භීරුයා නූන මෙ කාමෙ අවිදූරෙ වසන්තියා,
කරිස්සති කිසං පණ්ඩුං සාව සාඛා පරන්තපං.

1142. සොචයිස්සති මං කන්තා ගාමෙ වසමනින්දිතා,
කරිස්සති කිසං පණ්ඩුං සාව සාඛා පරන්තපං.

1143. තයා මං හසිතාපඞ්ගි මිහිතානි භණිතානි ච,
කිසං පණ්ඩුං කරිස්සන්ති සාව සාඛා පරන්තපං.

1144. ආගමා නූන සො සද්දො අසංසි නූන සො තව,
අක්ඛාතං නූන තං තෙන යොතං සාඛමකම්පයී.

1145. ඉදං ඛො ත්වං සමාගම්ම මම බාලස්ස චින්තිතං,
තදාහි චලිතා සාඛා මනුස්සෙන මිගෙන වා.

1146. තථෙව ත්වං අවෙදෙසි අවඤ්චි පිතරං මම,
හන්ත්වා සාඛාහි ඡාදෙන්තො ආගමිස්සති මෙ භය’න්ති.

වරගාම මහාකපි භග්ගව ච
දළ්හධම්ම සකුඤ්ජර කෙසවරො,
උරගො විධුරො පුන ජාගරතා
අථ කොසලාධිප පරන්තපෙන ච.

අථ සන්ත නිපාතම්හි වග්ගං මෙ භණතො සුණ,
කුක්කු ච පුන ගන්ධාරො ද්වෙ ව මුත්තා මහෙසිනා.