1047. යත්ථ වෙරී නිවසති න වසෙ තත්ථ පණ්ඩිතො,
එකරත්තං දිරත්තං වා දුක්ඛං වසති වෙරිසු.
එකරත්තං දිරත්තං වා දුක්ඛං වසති වෙරිසු.
1048. දිසො චෙ ලහුචිත්තස්ස පොසස්ස අනුවිධිය්යතො,
එකස්ස කපිනො හෙතු යූථස්ස අනයො කතො.
එකස්ස කපිනො හෙතු යූථස්ස අනයො කතො.
1049. බාලො ච පණ්ඩිතමානී යූථස්ස පරිහාරකො.
සචිත්තස්ස වසං ගන්ත්වා සයෙථායං යථා කපි.
සචිත්තස්ස වසං ගන්ත්වා සයෙථායං යථා කපි.
1050. න සාධු බලවා බාලො යූථස්ස පරිහාරකො,
අහිතො භවති ඤාතීනං සකුණානංව චෙතකො.
අහිතො භවති ඤාතීනං සකුණානංව චෙතකො.
1051. ධීරො ච බලවා සාධු යූථස්ස පරිහාරකො,
හිතො භවති ඤාතීනං තිදසානං ච වාසවො,
හිතො භවති ඤාතීනං තිදසානං ච වාසවො,
1052. යො ච සීලඤ්ච පඤ්ඤඤ්ච සුතඤ්චත්තනි පස්සති,
උභින්නමත්ථං චරති අත්තනො ච පරස්ස ච.
උභින්නමත්ථං චරති අත්තනො ච පරස්ස ච.
1053. තස්මා තුලෙය්යමත්තානං සීලපඤ්ඤාසුතාමිව,
ගණං වා පරිභරෙ ධීරො එකොවාපි පරිබ්බජෙති.
ගණං වා පරිභරෙ ධීරො එකොවාපි පරිබ්බජෙති.
9. කපිජාතකං.
1054. ද්වාසත්තති ගොතම පුඤ්ඤකම්මා
වසවත්තිනො ජාතිජරං අතීතා,
අයමන්තිමා වෙදගූ බ්රහ්මපත්ති
අස්මාභිජප්පන්ති ජනා අනෙකා.
වසවත්තිනො ජාතිජරං අතීතා,
අයමන්තිමා වෙදගූ බ්රහ්මපත්ති
අස්මාභිජප්පන්ති ජනා අනෙකා.
1055. අප්පං හි එතං න හි දීඝමායු
යං ත්වං බක මඤ්ඤසි දීඝමායු,
සතං සහස්සානං නිරබ්බුදානං,
ආයුං පජානාමි තවාහං බ්රහ්මෙ.
යං ත්වං බක මඤ්ඤසි දීඝමායු,
සතං සහස්සානං නිරබ්බුදානං,
ආයුං පජානාමි තවාහං බ්රහ්මෙ.
1056. අනන්තදස්සී භගවාහමස්මිං
ජාතිජරං සොකමුපාතිවත්තො,
කිම්මෙ පුරාණං වතසීලවත්තං
ආචික්ඛ මෙ තං යමහං විජඤ්ඤං.
ජාතිජරං සොකමුපාතිවත්තො,
කිම්මෙ පුරාණං වතසීලවත්තං
ආචික්ඛ මෙ තං යමහං විජඤ්ඤං.
1057. යං ත්වං අපායෙසි බහූ මනුස්සෙ
පිපාසිතෙ ඝම්මනි සම්පරෙතෙ,
තං තෙ පුරාණං වතසීලවත්තං
සුත්තප්පබුද්ධොව අනුස්සරාමි.
පිපාසිතෙ ඝම්මනි සම්පරෙතෙ,
තං තෙ පුරාණං වතසීලවත්තං
සුත්තප්පබුද්ධොව අනුස්සරාමි.
1058. යං ඵණිකූලස්මිං ජනං ගහීතං
අමොවයී ගය්හකනීයමානං,
තං තෙ පුරාණං වතසීලවත්තං
සුත්තප්පබුද්ධොව අනුස්සරාමි.
අමොවයී ගය්හකනීයමානං,
තං තෙ පුරාණං වතසීලවත්තං
සුත්තප්පබුද්ධොව අනුස්සරාමි.
1059. ගඞ්ගාය සොතස්මිං ගහීතනාවං
ලුද්දෙන නාගෙන මනුස්සකප්පා,
අමොචයි ත්වං බලසා පසය්හ
තං තෙ පුරාණං වතසීලවත්තං
සුත්තප්පබුද්ධොව අනුස්සරාමි.
ලුද්දෙන නාගෙන මනුස්සකප්පා,
අමොචයි ත්වං බලසා පසය්හ
තං තෙ පුරාණං වතසීලවත්තං
සුත්තප්පබුද්ධොව අනුස්සරාමි.