848. මාස්සු කුජ්ඣි භූමිපති මාස්සු කුජ්ඣි රථෙසභ,
කුද්ධං අප්පටිකුජ්ඣන්තො රාජා රට්ඨස්ස පූජිතො.
කුද්ධං අප්පටිකුජ්ඣන්තො රාජා රට්ඨස්ස පූජිතො.
849. ගාමෙ වා යදි වාරඤ්ඤෙ නින්නෙ වා යදි වා ථලෙ,
සබ්බත්ථමනුසාසාමි මාස්සු කුජ්ඣි රථෙසභ.
සබ්බත්ථමනුසාසාමි මාස්සු කුජ්ඣි රථෙසභ.
850. අවාරියපිතා නාම අහු ගඞ්ගාය නාවිකො,
පුබ්බෙ ජනං තාරයිත්වා පච්ඡා යාචති වෙතනං
තෙනස්ස භණ්ඩනං හොති න ච භොගෙහි වඩ්ඪති.
පුබ්බෙ ජනං තාරයිත්වා පච්ඡා යාචති වෙතනං
තෙනස්ස භණ්ඩනං හොති න ච භොගෙහි වඩ්ඪති.
851. අතිණ්ණංයෙව යාචස්සු අපාරං තාත නාවික,
අඤ්ඤො හි තිණ්ණස්ස මනො අඤ්ඤො හොති තරෙසිනො.
අඤ්ඤො හි තිණ්ණස්ස මනො අඤ්ඤො හොති තරෙසිනො.
852. ගාමෙ වා යදි වාරඤ්ඤෙ නින්නෙ වා යදි වා ථලෙ,
සබ්බත්ථ අනුසාසාමි මාස්සු කුජ්ඣිත්ථ නාවික.
සබ්බත්ථ අනුසාසාමි මාස්සු කුජ්ඣිත්ථ නාවික.
853. යා යෙවානුසාසනියා රාජා ගාමවරං අදා,
තායෙවානුසාසනියා නාවිකො පහරී මුඛං.
තායෙවානුසාසනියා නාවිකො පහරී මුඛං.
854. භත්තං භින්නං හතා භරියා ගබ්භො ච පතිතො ඡමා,
මිගොව ජාතරූපෙන න තෙනත්ථං අවඩ්ඪිතුන්ති.
මිගොව ජාතරූපෙන න තෙනත්ථං අවඩ්ඪිතුන්ති.
1. අවාරියජාතකං.
855. මා තාත කුජ්ඣි න හි සාධු කොධො
බහුම්පි තෙ අදිට්ඨං අස්සුතඤ්ච,
මාතා පිතා දිසතා සෙතකෙතු
ආචරියමාහු දිසතං පසත්ථා.
බහුම්පි තෙ අදිට්ඨං අස්සුතඤ්ච,
මාතා පිතා දිසතා සෙතකෙතු
ආචරියමාහු දිසතං පසත්ථා.
856. අගාරිනො අන්නදපාණවත්ථදා
අව්හායිකා තම්පි දිසං වදන්ති
එසා දිසා පරමා සෙතකෙතු
යං පත්වා දුක්ඛී සුඛිනො භවන්ති.
අව්හායිකා තම්පි දිසං වදන්ති
එසා දිසා පරමා සෙතකෙතු
යං පත්වා දුක්ඛී සුඛිනො භවන්ති.
857. ඛරාජිනා ජටිලා පඞ්කදන්තා
දුමුක්ඛරූපා යෙ මෙ ජපන්ති මන්තෙ,
කච්චි නු තෙ මානුසිකෙ පයොගෙ
ඉදං විදූ පරිමුත්තා අපායා.
දුමුක්ඛරූපා යෙ මෙ ජපන්ති මන්තෙ,
කච්චි නු තෙ මානුසිකෙ පයොගෙ
ඉදං විදූ පරිමුත්තා අපායා.
858. පාපානි කම්මානි කරිත්ව රාජ
බහුස්සුතො නෙව චරෙය්ය ධම්මං,
සභස්සවෙදාපි න තං පටිච්ච
දුක්ඛා පමුඤ්චෙ චරණං අපත්වා
බහුස්සුතො නෙව චරෙය්ය ධම්මං,
සභස්සවෙදාපි න තං පටිච්ච
දුක්ඛා පමුඤ්චෙ චරණං අපත්වා
859. සහස්සවෙදොපි න තං පටිච්ච
දුක්ඛා පමුඤ්චෙ චරණං අපත්වා,
මඤ්ඤාමි වෙදා අඵලා භවන්ති
සසඤ්ඤමං චරණඤ්ඤෙව සච්චං.
දුක්ඛා පමුඤ්චෙ චරණං අපත්වා,
මඤ්ඤාමි වෙදා අඵලා භවන්ති
සසඤ්ඤමං චරණඤ්ඤෙව සච්චං.
860. නහෙව වෙදා අඵලා භවන්ති
සසංයමං චරණඤ්චෙව සච්චං,
කිත්තිං හි පප්පොති අධිච්ච වෙදෙ
සන්තං පුතොති චරණෙන දන්තොති.
සසංයමං චරණඤ්චෙව සච්චං,
කිත්තිං හි පප්පොති අධිච්ච වෙදෙ
සන්තං පුතොති චරණෙන දන්තොති.
2. සෙතකෙතුජාතකං.
861. පඞ්කො ච කාමා පලිපො ච කාමා
භයඤ්ච මෙතං තිමූලං පවුත්තං,
රජො ච ධූමො ච මයා පකාසිතා
හිත්වා තුවං පබ්බජ බ්රහ්මදත්ත.
භයඤ්ච මෙතං තිමූලං පවුත්තං,
රජො ච ධූමො ච මයා පකාසිතා
හිත්වා තුවං පබ්බජ බ්රහ්මදත්ත.
862. ගථිතො ච රත්තො අධිමුච්ඡිතො ච
කාමෙස්වාහං බ්රාහ්මණ භිංසරූපං,
තං නුස්සහෙ ජිවිකත්ථො පහාතුං
කාහාමි පුඤ්ඤානි අනප්පකානි.
කාමෙස්වාහං බ්රාහ්මණ භිංසරූපං,
තං නුස්සහෙ ජිවිකත්ථො පහාතුං
කාහාමි පුඤ්ඤානි අනප්පකානි.
863. යො අත්ථකාමස්ස හිතානුකම්පිනො
ඔවජ්ජමානො න කරොති සාසනං,
ඉදමෙව සෙය්යො ඉති මඤ්ඤමානො
පුනප්පුනං ගබ්භමුපෙති මන්දො.
ඔවජ්ජමානො න කරොති සාසනං,
ඉදමෙව සෙය්යො ඉති මඤ්ඤමානො
පුනප්පුනං ගබ්භමුපෙති මන්දො.
864. සො ඝොරරූපං නිරයං උපෙති
සුභාසුභං මුත්තකරීසපූරං,
සත්තා සකායෙ න ජහන්ති ගිද්ධා
යෙ හොන්ති කාමෙසු අවීතරාගා.
සුභාසුභං මුත්තකරීසපූරං,
සත්තා සකායෙ න ජහන්ති ගිද්ධා
යෙ හොන්ති කාමෙසු අවීතරාගා.
865. මීළ්හෙන ලිත්තා රුහිරෙන මක්ඛිතා
සෙම්හෙන ලිත්තා උපනික්ඛමන්ති,
යං යං හි කායෙන ඵුසන්ති තාවදෙ
සබ්බං අසාතං දුක්ඛමෙව කෙවලං.
සෙම්හෙන ලිත්තා උපනික්ඛමන්ති,
යං යං හි කායෙන ඵුසන්ති තාවදෙ
සබ්බං අසාතං දුක්ඛමෙව කෙවලං.