3. අඩ්ඪවග්ගො
817. එවම්භූතස්ස තෙ රාජ ආගතස්ස වසෙ මමං,
අත්ථි නු කොචි පරියායො යො තං දුක්ඛා පමොචයෙ.
අත්ථි නු කොචි පරියායො යො තං දුක්ඛා පමොචයෙ.
818. එවම්භූතස්ස මෙ තාත ආගතස්ස වසෙ තව,
නත්ථි නො කොචි පරියායො යො මං දුක්ඛා පමොචයෙ.
නත්ථි නො කොචි පරියායො යො මං දුක්ඛා පමොචයෙ.
819. නාඤ්ඤං සුචරිතං රාජ නාඤ්ඤං රාජ සුභාසිතං,
තායතෙ මරණ කාලෙ එවමෙවිතරං ධනං.
තායතෙ මරණ කාලෙ එවමෙවිතරං ධනං.
820. අක්කොච්ඡි මං අවධි මං අජිනි මං අහාසි මෙ,
යෙ තං උපනය්හන්ති වෙරං තෙසං න සම්මති.
යෙ තං උපනය්හන්ති වෙරං තෙසං න සම්මති.
821. අක්කොච්ඡි මං අවධි මං අජිනි මං අහාසි මෙ,
යෙ තං න උපනය්හන්ති වෙරං තෙසූපසම්මති.
යෙ තං න උපනය්හන්ති වෙරං තෙසූපසම්මති.
822. නහි වෙරෙන වෙරානි සම්මන්තීධ කුදාචනං,
අවෙරෙන ච සම්මන්ති එස ධම්මො සනන්තනොති.
අවෙරෙන ච සම්මන්ති එස ධම්මො සනන්තනොති.
1. දීඝිතිකොසලජාතකං.
823. අගාරා පච්චුපෙතස්ස අනාගාරස්ස තෙ සතො,
සමණස්ස න තං සාධු යං පෙතමනුසොචසි.
සමණස්ස න තං සාධු යං පෙතමනුසොචසි.
824. සංවාසෙන හවෙ සක්ක මනුස්සස්ස මිගස්ස වා,
හදයෙ ජායතෙ පෙමං තං න සක්කා අසොචිතුං.
හදයෙ ජායතෙ පෙමං තං න සක්කා අසොචිතුං.
825. මතං මරිස්සං රොදන්ති යෙ රුදන්ති ලපන්ති ච,
තස්මා ත්වං ඉසි මා රොදි රොදිතං මොඝමාහු සන්තො.
තස්මා ත්වං ඉසි මා රොදි රොදිතං මොඝමාහු සන්තො.
826. රොදිතෙන හවෙ බ්රහ්මෙ මතො පෙතො සමුට්ඨහෙ,
සබ්බෙ සඞ්ගම්ම රොදාම අඤ්ඤමඤ්ඤස්ස ඤාතකෙ.
සබ්බෙ සඞ්ගම්ම රොදාම අඤ්ඤමඤ්ඤස්ස ඤාතකෙ.
827. ආදිත්තං වත මං සන්තං ඝතසිත්තංව පාවකං,
වාරිනා විය ඔසිඤ්චං සබ්බං නිබ්බාපයෙ දරං.
වාරිනා විය ඔසිඤ්චං සබ්බං නිබ්බාපයෙ දරං.
828. අබ්බහී වත මෙ සල්ලං යමාසි හදයනිස්සිතං,
යො මෙ සොකපරෙතස්ස පුත්තසොකං අපානුදි.
යො මෙ සොකපරෙතස්ස පුත්තසොකං අපානුදි.
829. සොහං අබ්බූළ්හසල්ලොස්මි වීතසොකො අනාවිලො,
න සොචාමි න රොදාමි තව සුත්වාන වාසවාති.
න සොචාමි න රොදාමි තව සුත්වාන වාසවාති.
2. මිගපොතජාතකං.
830. තුහිං ගතා කත්ථ ගතා ඉති ලාලප්පතී ජනො,
අහමෙව එකො ජානාමි උදපානෙ මූසිකා හතා
අහමෙව එකො ජානාමි උදපානෙ මූසිකා හතා
831. යථෙතං ඉති චිති ච ගද්රභොව නිවත්තසි,
උදපානෙ මූසිකං හන්ත්වා යවං භක්ඛිතුමිච්ඡසි.
උදපානෙ මූසිකං හන්ත්වා යවං භක්ඛිතුමිච්ඡසි.
832. දහරො චාසි දුම්මෙධ පඨමුප්පත්තිකො සුසු,
දීඝමෙතං සමාසජ්ජ න තෙ දස්සාමි ජීවිතං.
දීඝමෙතං සමාසජ්ජ න තෙ දස්සාමි ජීවිතං.
833. නාන්තලික්ඛහවනෙනාහං නාඞ්ගපුත්තසිරෙන වා,
පුත්තෙන සිපත්ථයිතො සිලොකෙහි පමොචිතො.
පුත්තෙන සිපත්ථයිතො සිලොකෙහි පමොචිතො.
834. සබ්බං සුතමධීයෙථ හීනමුක්කට්ඨමජ්ඣිමං,
සබ්බස්ස අත්ථං ජානෙය්ය න ච සබ්බං පයොජයෙ
හොති තාදිසකො කාලො තත්ථ අත්ථාවහං සුත’න්ති.
සබ්බස්ස අත්ථං ජානෙය්ය න ච සබ්බං පයොජයෙ
හොති තාදිසකො කාලො තත්ථ අත්ථාවහං සුත’න්ති.
3. මූසිකජාතකං.
835. සබ්බං භණ්ඩං සමාදාය පාරං තිණ්ණොසි බ්රාහ්මණ,
පච්චාගච්ඡ ලහුං ඛිප්පං මම්පි තාරෙහිදානිතො.
පච්චාගච්ඡ ලහුං ඛිප්පං මම්පි තාරෙහිදානිතො.
836. අසන්ථුතං මං චිරසන්ථුතෙන
නිමින්නි භොතී අධුවං ධුවෙන,
මයාපි භොතී නිමිනෙය්ය අඤ්ඤං
ඉතො අහං දූරතරං ගමිස්සං.
නිමින්නි භොතී අධුවං ධුවෙන,
මයාපි භොතී නිමිනෙය්ය අඤ්ඤං
ඉතො අහං දූරතරං ගමිස්සං.
837. කායං ඵළගලාගුම්බෙ කාරොති අහුහාසියං,
නයිධ නච්චං වා ගීතං වා තාලං වා සුසමාහිතං
අනම්හි කාලෙ සුස්සොණි කින්නු ජග්ඝසි සොභනෙ.
නයිධ නච්චං වා ගීතං වා තාලං වා සුසමාහිතං
අනම්හි කාලෙ සුස්සොණි කින්නු ජග්ඝසි සොභනෙ.
838. සිගාල බාල දුම්මෙධ අප්පපඤ්ඤොසි ජම්බුක,
ජිනො මච්ඡඤ්ච පෙසිඤ්ච කපණො විය ඣායසි.
ජිනො මච්ඡඤ්ච පෙසිඤ්ච කපණො විය ඣායසි.
839. සුදස්සං වජ්ජං අඤ්ඤෙසං අත්තනො පන දුද්දසං,
ජිනා පතිඤ්ච ජාරඤ්ච මම්පි ත්වඤ්ඤෙව ඣායසි.
ජිනා පතිඤ්ච ජාරඤ්ච මම්පි ත්වඤ්ඤෙව ඣායසි.