807. ක්යාහං දෙවානමකරං කිං පාපං පකතං මයා,
යම්මෙ සිරස්මිං ඔභච්ච චක්කං භමති මත්ථකෙ.
යම්මෙ සිරස්මිං ඔභච්ච චක්කං භමති මත්ථකෙ.
808. අතික්කම්ම රමණකං සදාමත්තඤ්ච දූභකං,
බ්රහ්මතරඤ්ච පාසාදං කෙනට්ඨෙන ඉධාගතො.
බ්රහ්මතරඤ්ච පාසාදං කෙනට්ඨෙන ඉධාගතො.
809. ඉතො බහුතරා භොගා අත්ර මඤ්ඤෙ භවිස්සරෙ,
ඉති එතාය සඤ්ඤාය පස්ස මං ව්යසනං ගතං.
ඉති එතාය සඤ්ඤාය පස්ස මං ව්යසනං ගතං.
810. චතුබ්භි අට්ඨජ්ඣගමා අට්ඨකාහි ච සොළස,
සොළසාහි ච බත්තිංස අත්රිච්ඡං චක්කමාසදො.
ඉච්ඡාහතස්ස පොසස්ස චක්කං භමති මත්ථකෙ.
සොළසාහි ච බත්තිංස අත්රිච්ඡං චක්කමාසදො.
ඉච්ඡාහතස්ස පොසස්ස චක්කං භමති මත්ථකෙ.
811. උපරි විසාලා දුප්පූරා ඉච්ඡා විසදගාමිනී,
යො තං අනුගිජ්ඣන්ති තෙ හොන්ති චක්කධාරිනො’ති.
යො තං අනුගිජ්ඣන්ති තෙ හොන්ති චක්කධාරිනො’ති.
9. මිත්තවින්දකජාතකං.
812. හංසො පලාසමවච නිග්රොධො සම්ම ජායති,
අඞ්කස්මිං තෙ නිසින්නොව සො තෙ මම්මානි ඡෙච්ඡති.
අඞ්කස්මිං තෙ නිසින්නොව සො තෙ මම්මානි ඡෙච්ඡති.
813. වඩ්ඪතුමෙව නිග්රොධො පතිට්ඨස්ස භවාමහං,
යථා පිතා ච මාතා ච එවමෙසො භවිස්සති.
යථා පිතා ච මාතා ච එවමෙසො භවිස්සති.
814. යං ත්වං අඞ්කස්මි වඩ්ඪෙසි ඛීරරුක්ඛං භයානකං,
ආමන්ත ඛො තං ගච්ඡාම වුඩ්ඪිමස්ස න රුච්චති.
ආමන්ත ඛො තං ගච්ඡාම වුඩ්ඪිමස්ස න රුච්චති.
815. ඉදානි ඛො මං භායති මහානෙරු නිදස්සනං,
හංසස්ස අනභිඤ්ඤාය මහා මෙ භයමාගතං.
හංසස්ස අනභිඤ්ඤාය මහා මෙ භයමාගතං.
816. න තස්ස වුඩ්ඪි කුසලප්පසත්ථා
යො වඩ්ඪමානො ඝසතෙ පතිට්ඨං,
තස්සූපරොධං පරිසඞ්කමානො
පතාරයී මූලවධාය ධීරොති.
යො වඩ්ඪමානො ඝසතෙ පතිට්ඨං,
තස්සූපරොධං පරිසඞ්කමානො
පතාරයී මූලවධාය ධීරොති.
10. පලාසජාතකං
වණ්ණාරොහවග්ගො දුතියො.
3. අඩ්ඪවග්ගො
817. එවම්භූතස්ස තෙ රාජ ආගතස්ස වසෙ මමං,
අත්ථි නු කොචි පරියායො යො තං දුක්ඛා පමොචයෙ.
අත්ථි නු කොචි පරියායො යො තං දුක්ඛා පමොචයෙ.
818. එවම්භූතස්ස මෙ තාත ආගතස්ස වසෙ තව,
නත්ථි නො කොචි පරියායො යො මං දුක්ඛා පමොචයෙ.
නත්ථි නො කොචි පරියායො යො මං දුක්ඛා පමොචයෙ.
819. නාඤ්ඤං සුචරිතං රාජ නාඤ්ඤං රාජ සුභාසිතං,
තායතෙ මරණ කාලෙ එවමෙවිතරං ධනං.
තායතෙ මරණ කාලෙ එවමෙවිතරං ධනං.
820. අක්කොච්ඡි මං අවධි මං අජිනි මං අහාසි මෙ,
යෙ තං උපනය්හන්ති වෙරං තෙසං න සම්මති.
යෙ තං උපනය්හන්ති වෙරං තෙසං න සම්මති.
821. අක්කොච්ඡි මං අවධි මං අජිනි මං අහාසි මෙ,
යෙ තං න උපනය්හන්ති වෙරං තෙසූපසම්මති.
යෙ තං න උපනය්හන්ති වෙරං තෙසූපසම්මති.
822. නහි වෙරෙන වෙරානි සම්මන්තීධ කුදාචනං,
අවෙරෙන ච සම්මන්ති එස ධම්මො සනන්තනොති.
අවෙරෙන ච සම්මන්ති එස ධම්මො සනන්තනොති.
1. දීඝිතිකොසලජාතකං.
823. අගාරා පච්චුපෙතස්ස අනාගාරස්ස තෙ සතො,
සමණස්ස න තං සාධු යං පෙතමනුසොචසි.
සමණස්ස න තං සාධු යං පෙතමනුසොචසි.
824. සංවාසෙන හවෙ සක්ක මනුස්සස්ස මිගස්ස වා,
හදයෙ ජායතෙ පෙමං තං න සක්කා අසොචිතුං.
හදයෙ ජායතෙ පෙමං තං න සක්කා අසොචිතුං.
825. මතං මරිස්සං රොදන්ති යෙ රුදන්ති ලපන්ති ච,
තස්මා ත්වං ඉසි මා රොදි රොදිතං මොඝමාහු සන්තො.
තස්මා ත්වං ඉසි මා රොදි රොදිතං මොඝමාහු සන්තො.
826. රොදිතෙන හවෙ බ්රහ්මෙ මතො පෙතො සමුට්ඨහෙ,
සබ්බෙ සඞ්ගම්ම රොදාම අඤ්ඤමඤ්ඤස්ස ඤාතකෙ.
සබ්බෙ සඞ්ගම්ම රොදාම අඤ්ඤමඤ්ඤස්ස ඤාතකෙ.
827. ආදිත්තං වත මං සන්තං ඝතසිත්තංව පාවකං,
වාරිනා විය ඔසිඤ්චං සබ්බං නිබ්බාපයෙ දරං.
වාරිනා විය ඔසිඤ්චං සබ්බං නිබ්බාපයෙ දරං.
828. අබ්බහී වත මෙ සල්ලං යමාසි හදයනිස්සිතං,
යො මෙ සොකපරෙතස්ස පුත්තසොකං අපානුදි.
යො මෙ සොකපරෙතස්ස පුත්තසොකං අපානුදි.