668. නරානමාරාමකරාසු නාරිසු
අනෙකචිත්තාසු අනිග්ගහාසු ච,
සබ්බන්තනාපීතිකරාපි චෙ සියා
න විස්සසෙ තිත්ථසමා හි නාරියො.
අනෙකචිත්තාසු අනිග්ගහාසු ච,
සබ්බන්තනාපීතිකරාපි චෙ සියා
න විස්සසෙ තිත්ථසමා හි නාරියො.
669. යං චෙ දිස්වා කණ්ඩරි කින්නරානං
සබ්බිත්ථියො න රමන්ති අගාරෙ,
තං තාදිසං මච්චං චජිත්වා භරියා
අඤ්ඤං දිස්වා පුරිසං පීඨසප්පිං
සබ්බිත්ථියො න රමන්ති අගාරෙ,
තං තාදිසං මච්චං චජිත්වා භරියා
අඤ්ඤං දිස්වා පුරිසං පීඨසප්පිං
670. බකස්ස ච පාවාරිකස්ස රඤ්ඤො
අච්චන්තකාමානුගතස්ස භරියා,
අවාචරී බද්ධවසානුගස්ස
කං වා ඉත්ථි නාතිචරෙ තදඤ්ඤං.
අච්චන්තකාමානුගතස්ස භරියා,
අවාචරී බද්ධවසානුගස්ස
කං වා ඉත්ථි නාතිචරෙ තදඤ්ඤං.
671. පිඞ්ගියානී සබ්බලොකිස්සරස්ස
රඤ්ඤො පියා බ්රහ්මදත්තස්ස භරියා
අවාචරී බද්ධවසානුගස්ස
තං වාපි සා නාජ්ඣගා කාමකාමිනී’ති.
රඤ්ඤො පියා බ්රහ්මදත්තස්ස භරියා
අවාචරී බද්ධවසානුගස්ස
තං වාපි සා නාජ්ඣගා කාමකාමිනී’ති.
1. කින්නරීජාතකං.
672. අසක්ඛිං වත අත්තානං උද්ධාතුං උදකා ථලං,
න දානාහං පුන තුය්හං වසං ගච්ඡාමි වාරිජ.
න දානාහං පුන තුය්හං වසං ගච්ඡාමි වාරිජ.
673. අලමෙතෙහි අම්බෙහි ජම්බූහි පනසෙහි ච,
යානි පාරං සමුද්දස්ස වරං මය්හං උදුම්බරො.
යානි පාරං සමුද්දස්ස වරං මය්හං උදුම්බරො.
674. යො ච උප්පතිතං අත්ථං න ඛිප්පමනුබුජ්ඣති,
අමිත්තවසමන්වෙති පච්ඡා ච අනුතප්පති.
අමිත්තවසමන්වෙති පච්ඡා ච අනුතප්පති.
675. යො ච උප්පතිතං අත්ථං න ඛිප්පමෙව නිබොධති,
මුච්චතෙ සත්තුසම්බාධා න ච පච්ඡාතප්පතී’ති.
මුච්චතෙ සත්තුසම්බාධා න ච පච්ඡාතප්පතී’ති.
2. වානරජාතකං.
676. අවසිම්භා තවාගාරෙ නිච්චං සක්කතපූජිතා,
ත්වමෙව දානි ච’කරි. හන්ද රාජ වජාමහං.
ත්වමෙව දානි ච’කරි. හන්ද රාජ වජාමහං.
677. යො වෙ කතෙ පටිකතෙ කිබ්බිසෙ පටිකිබ්බිසෙ,
එවං තං සම්මති වෙරං මස කුන්තිනි මාගමා.
එවං තං සම්මති වෙරං මස කුන්තිනි මාගමා.
678. න කතස්ස ච කත්තා ච මෙත්ති සන්ධීයතෙ පුන,
හදයං නානුජානාති ගච්ඡඤ්ඤෙව රථෙසභ.
හදයං නානුජානාති ගච්ඡඤ්ඤෙව රථෙසභ.
679. කතස්ස චෙව කත්තා ච මෙත්ති සන්ධීයතෙ පුන,
ධීරානං නො ච බාලානං වස කුන්තිනි මාගමා’ති.
ධීරානං නො ච බාලානං වස කුන්තිනි මාගමා’ති.
3. කුන්තිනීජාතකං.
680. යො නීලියං මණ්ඩයති සණ්ඩාසෙන විහඤ්ඤති,
තස්ස සා වසමන්වෙතු යා තෙ අම්බෙ අවාහරි.
තස්ස සා වසමන්වෙතු යා තෙ අම්බෙ අවාහරි.
681. වීසං වා පඤ්චවීසං වා ඌනතිංසංව ජාතියා,
තාදිසා පතිමාලද්ධා යා තෙ අම්බෙ අවාහරි.
තාදිසා පතිමාලද්ධා යා තෙ අම්බෙ අවාහරි.
682. දීඝං ගච්ඡතු අද්ධානං එකිකා අභිසාරියා,
සඞ්කෙතෙ පති මාද්දස යා තෙ අම්බෙ අවාහරි.
සඞ්කෙතෙ පති මාද්දස යා තෙ අම්බෙ අවාහරි.
683. අලඞ්කතා සුවසනා මාලිනී චන්දනුස්සදා,
එකිකා සයනෙ සෙතු යා තෙ අම්බෙ අවාහරීති.
එකිකා සයනෙ සෙතු යා තෙ අම්බෙ අවාහරීති.
4. අම්බචොරජාතකං.