620. යං අන්නපානස්ස පුරෙ ලභාම
තංදානි සාඛාමිගමෙව ගච්ඡති,
ගච්ඡාමදානි වනමෙව රාධ
අසක්කතා වස්ම ධනඤ්ජයාය.
තංදානි සාඛාමිගමෙව ගච්ඡති,
ගච්ඡාමදානි වනමෙව රාධ
අසක්කතා වස්ම ධනඤ්ජයාය.
621. ලාභො අලාභො අයසො යසො ච
නින්දා පසංසා ච සුඛඤ්ච දුක්ඛං,
එතෙ අනිච්චා මනුජෙසු ධම්මා
මා සොචී කිං සොචසි පොට්ඨපාද.
නින්දා පසංසා ච සුඛඤ්ච දුක්ඛං,
එතෙ අනිච්චා මනුජෙසු ධම්මා
මා සොචී කිං සොචසි පොට්ඨපාද.
622. අද්ධා තුවං පණ්ඩිතකොසි රාධ
ජානාසි අත්ථානි අනාගතානි,
කථන්නු සාඛාමිගං දක්ඛිසාම
නිද්ධාපිතං රාජකුලතොව ජම්මං.
ජානාසි අත්ථානි අනාගතානි,
කථන්නු සාඛාමිගං දක්ඛිසාම
නිද්ධාපිතං රාජකුලතොව ජම්මං.
623. චාලෙති කණ්ණං භටිකුං කරොති
මුහුජ මුහුං භායයතෙ කුමාරෙ,
සයමෙව තං කාහති කාළබාහු
යෙනාරකා ඨස්සති අන්නපානාති.
මුහුජ මුහුං භායයතෙ කුමාරෙ,
සයමෙව තං කාහති කාළබාහු
යෙනාරකා ඨස්සති අන්නපානාති.
9. කාළබාහුජාතකං.
624. සීලං කිරෙව කල්යාණං සීලං ලොකෙ අනුත්තරං,
පස්ස ඝොරවිසො නාගො සීලවාති න හඤ්ඤති.
පස්ස ඝොරවිසො නාගො සීලවාති න හඤ්ඤති.
625. යාවදෙවස්සහු කිඤ්චි තාවදෙව අඛාදිසුං,
සඞ්ගම්ම කුලලා ලොකෙ න හිංසන්ති අකිඤ්චනං.
සඞ්ගම්ම කුලලා ලොකෙ න හිංසන්ති අකිඤ්චනං.
626. සුඛං නිරාසා සුපති ආසා ඵලවතී සුඛා,
ආසං නිරාසං කත්වාන සුඛං සුපති පිඞ්ගලා.
ආසං නිරාසං කත්වාන සුඛං සුපති පිඞ්ගලා.
627. න සමාධිපරො අත්ථි අස්මිං ලොකෙ පරම්හි ච,
න පරං නාපි අත්තානං විහිංසති සමාහිතො’ති.
න පරං නාපි අත්තානං විහිංසති සමාහිතො’ති.
10. සීලවීමංසජාතකං.
කුටිදූසකවග්ගො තතියො.
තස්සුද්දානං:
සමනුස්ස සද්දදභ යාචනකො
අථ මෙණ්ඩවරුත්තම ගොධවරො,
අථ කාය සකෙබුක භොතිවරො
අථ රාධ සුසීලවරෙන දස.
අථ මෙණ්ඩවරුත්තම ගොධවරො,
අථ කාය සකෙබුක භොතිවරො
අථ රාධ සුසීලවරෙන දස.
4. කොකාලික වග්ගො
628. යො වෙ කාලෙ අසම්පත්තෙ අතිවෙලං පභාසති,
එවං සො නිහතො සෙති කොකිලායිව අත්රජො.
එවං සො නිහතො සෙති කොකිලායිව අත්රජො.
629. න හි සත්ථං සුනිසිතං විසං හලාහලං ඉව,
එවං නිකට්ඨෙ පාතෙති වාචා දුබ්භාසිතා යථා.
එවං නිකට්ඨෙ පාතෙති වාචා දුබ්භාසිතා යථා.
630. තස්මා කාලෙ අකාලෙ ච වාචං රක්ඛෙය්ය පණ්ඩිතො,
නාතිවෙලං පභාසෙය්ය අපි අත්තසමම්හි වා
නාතිවෙලං පභාසෙය්ය අපි අත්තසමම්හි වා
631. යො ච කාලෙ මිතං භාසෙ මතිපුබ්බො විචක්ඛණො.
සබ්බෙ අමිත්තෙ ආදෙති සුපණ්ණො උරගං ඉවා’ති.
සබ්බෙ අමිත්තෙ ආදෙති සුපණ්ණො උරගං ඉවා’ති.
1. කොකාලිකජාතකං.
632. අපි හන්ත්වා භතො බ්රූති ජෙත්වා ජිතොති භාසති,
පුබ්බමක්ඛායිනො රාජ එකදත්ථුං න සද්දහෙ.
පුබ්බමක්ඛායිනො රාජ එකදත්ථුං න සද්දහෙ.
633. තස්මා පණ්ඩිතජාතියො සුණෙය්ය ඉතරස්ස පි,
උභින්නං වචනං සුත්වා යථා ධම්මො තථා කරෙ.
උභින්නං වචනං සුත්වා යථා ධම්මො තථා කරෙ.
634. අලසො ගිහී කාමභොගී න සාධු
අසඤ්ඤතො පබ්බජිතො න සාධු,
රාජා න සාධු අනිසම්මකාරි
යො පණ්ඩිතො කොධනො තං න සාධු.
අසඤ්ඤතො පබ්බජිතො න සාධු,
රාජා න සාධු අනිසම්මකාරි
යො පණ්ඩිතො කොධනො තං න සාධු.
635. නිසම්ම ඛත්තියො කයිරා නානිසම්ම දිසම්පති,
නිසම්ම කාරිනො රාජ යසො කිත්ති ච වඩ්ඪතී’ති.
නිසම්ම කාරිනො රාජ යසො කිත්ති ච වඩ්ඪතී’ති.
2. රථලට්ඨිජාතකං.
636. තදෙව මෙ ත්වං විදිකො වනමජ්ඣෙ රථෙසභ,
යස්ස තෙ ඛග්ගබද්ධස්ස සන්නද්ධස්ස තිරීටිනො
අස්සත්ථදුමසාඛාය පක්කා ගොධා පලායථ.
යස්ස තෙ ඛග්ගබද්ධස්ස සන්නද්ධස්ස තිරීටිනො
අස්සත්ථදුමසාඛාය පක්කා ගොධා පලායථ.
637. නමෙ නමන්තස්ස භජෙ භජන්තං
කිච්චානුකුබ්බස්ස කරෙය්ය කිච්චං,
නානත්ථකාමස්ස කරෙය්ය අත්ථං
අසම්භජන්තම්පි න සම්භජෙය්ය.
කිච්චානුකුබ්බස්ස කරෙය්ය කිච්චං,
නානත්ථකාමස්ස කරෙය්ය අත්ථං
අසම්භජන්තම්පි න සම්භජෙය්ය.