612. වාති චායං තතො ගන්ධො යත්ථා මෙ වසතී පියා,
දූරෙ ඉතො හි කාකාතී යත්ථ මෙ නිරතො මනො.

613. කථං සමුද්ද මතරි කථං අතරි කෙඛුකං,
කථං සත්ත සමුද්දනි කථං සිම්බලිමාරුහි.

614. තයා සමුද්දමතරිං තයා අතරි කෙබුකං,
තයා සත්ත සමුද්දානි තයා සිම්බලිමාරුහිං,

615. ධිරත්ථු මං මහාකායං ධිරත්ථු මං අචෙතනං,
යත්ථ ජායායහං ජාරං ආවහාමි වහාමි චාති.

616. බහුන්නං විජ්ජති හොති තෙහි කිම්මෙ භවිස්සති,
තස්මා එතං න සොචාමි පියං සම්මිල්ලභාසිනිං.

617. තං තඤ්චෙ අනුසොචෙය්ය යං යං තස්ස න විජ්ජති,
අන්තානමනුසොචෙය්ය සදා මච්චුවසං ගතං.

618. නහෙව ඨිතං නාසීනං න සයානං න පද්ධගුං,
යාව පාති නිම්මිසති තත්රාපි සරතී වයො.

619. තත්ථත්තනි වතප්පද්ධෙ විනාභාවෙ අසංසයෙ,
භූතං සෙසං දයිතබ්බං වීතං අනනුසොචියන්ති.

620. යං අන්නපානස්ස පුරෙ ලභාම
තංදානි සාඛාමිගමෙව ගච්ඡති,
ගච්ඡාමදානි වනමෙව රාධ
අසක්කතා වස්ම ධනඤ්ජයාය.

621. ලාභො අලාභො අයසො යසො ච
නින්දා පසංසා ච සුඛඤ්ච දුක්ඛං,
එතෙ අනිච්චා මනුජෙසු ධම්මා
මා සොචී කිං සොචසි පොට්ඨපාද.

622. අද්ධා තුවං පණ්ඩිතකොසි රාධ
ජානාසි අත්ථානි අනාගතානි,
කථන්නු සාඛාමිගං දක්ඛිසාම
නිද්ධාපිතං රාජකුලතොව ජම්මං.

623. චාලෙති කණ්ණං භටිකුං කරොති
මුහුජ මුහුං භායයතෙ කුමාරෙ,
සයමෙව තං කාහති කාළබාහු
යෙනාරකා ඨස්සති අන්නපානාති.

624. සීලං කිරෙව කල්යාණං සීලං ලොකෙ අනුත්තරං,
පස්ස ඝොරවිසො නාගො සීලවාති න හඤ්ඤති.

625. යාවදෙවස්සහු කිඤ්චි තාවදෙව අඛාදිසුං,
සඞ්ගම්ම කුලලා ලොකෙ න හිංසන්ති අකිඤ්චනං.

626. සුඛං නිරාසා සුපති ආසා ඵලවතී සුඛා,
ආසං නිරාසං කත්වාන සුඛං සුපති පිඞ්ගලා.

627. න සමාධිපරො අත්ථි අස්මිං ලොකෙ පරම්හි ච,
න පරං නාපි අත්තානං විහිංසති සමාහිතො’ති.

සමනුස්ස සද්දදභ යාචනකො
අථ මෙණ්ඩවරුත්තම ගොධවරො,
අථ කාය සකෙබුක භොතිවරො
අථ රාධ සුසීලවරෙන දස.