556. යො තෙ හත්ථෙ ච පාදෙ ච කණ්ණනාසඤ්ච ඡෙදයි,
තස්ස කුජ්ඣ මහාවීර මා රට්ඨං විනස්සා ඉදං.
තස්ස කුජ්ඣ මහාවීර මා රට්ඨං විනස්සා ඉදං.
557. යො මෙ හත්ථෙ ච පාදෙ ච කණ්ණනාසඤ්ච ඡෙදයි,
චිරං ජීවතු සො රාජා න හි කුජ්ඣන්ති මාදිසා.
චිරං ජීවතු සො රාජා න හි කුජ්ඣන්ති මාදිසා.
558. අහූ අතීතමද්ධානං සමණො ඛත්තිදීපනො,
තං ඛන්තියායෙව ඨිතං කාසිරාජා අඡෙදයි.
තං ඛන්තියායෙව ඨිතං කාසිරාජා අඡෙදයි.
559. තස්ස කම්මස්ස ඵරුසස්ස විපාකො කටුකො අහු,
යං කාසිරාජා වෙදෙසි නිරයම්හි සමප්පිතො’ති.
යං කාසිරාජා වෙදෙසි නිරයම්හි සමප්පිතො’ති.
3. ඛන්තිවාදිජාතකං.
560. දුජ්ජීවිතං අජීවිම්හ යෙ සන්තෙ න දදම්හසෙ,
විජ්ජමානෙසු භොගෙසු දීපං නාකම්හ අත්තනො.
විජ්ජමානෙසු භොගෙසු දීපං නාකම්හ අත්තනො.
561. සට්ඨි වස්සසහස්සානි පරිපුණ්ණානි සබ්බසො,
නිරයෙ පච්චමානානං කදා අන්තො භවිස්සති.
නිරයෙ පච්චමානානං කදා අන්තො භවිස්සති.
562. නත්ථි අන්තො කුතො අන්තො න අන්තො පතිදිස්සති,
තදා හි පකතං පාපං මමං තුය්හඤ්ච මාරිසා.
තදා හි පකතං පාපං මමං තුය්හඤ්ච මාරිසා.
563. සොහං නූන ඉතො ගන්ත්වා යොනිං ලද්ධාන මානුසිං,
වදඤ්ඤූ සීලසම්පන්නො කාහාමි කුසලං බහු’න්ති.
වදඤ්ඤූ සීලසම්පන්නො කාහාමි කුසලං බහු’න්ති.
4. ලොහකුම්භිජාතකං.
564. ඵරුසා වත තෙ වාචා මංසං යාචනකො අසි,
කිලොමසදිසී වාචා කිලොමං සම්ම දදාමි තෙ.
කිලොමසදිසී වාචා කිලොමං සම්ම දදාමි තෙ.
565. අඞ්ගමෙතං මනුස්සානං භාතා ලොකෙ පවුච්චති,
අඞ්ගස්ස සදිසී වාචා අඞ්ගං සම්ම දදාමි තෙ.
අඞ්ගස්ස සදිසී වාචා අඞ්ගං සම්ම දදාමි තෙ.
566. තාතාති පුත්තො වදමානො කම්පෙති හදයං පිතු,
හදයස්ස සදිසී වාචා හදයං සම්ම දදාමි තෙ.
හදයස්ස සදිසී වාචා හදයං සම්ම දදාමි තෙ.
567. යස්ස ගාමෙ සඛා නත්ථි යථාරඤ්ඤං තථෙව තං,
සබ්බස්ස සදිසී වාචා සබ්බං සම්ම දදාමි තෙ’ති.
සබ්බස්ස සදිසී වාචා සබ්බං සම්ම දදාමි තෙ’ති.
5. මාංසජාතකං.
568. සත්ත මෙ රොහිතා මච්ඡා උදකා ථලමුබ්භතා,
ඉදං බ්රාහ්මණ මෙ අත්ථි එතං භුත්වා වනෙ වස.
ඉදං බ්රාහ්මණ මෙ අත්ථි එතං භුත්වා වනෙ වස.
569. දුස්ස මෙ ඛෙත්තපාලස්ස රත්තිභත්තං අපාහතං,
මංසසූලා ච ද්වෙ ගොධා එකඤ්ච දධිවාරකං;
ඉදං බ්රාහ්මණ මෙ අත්ථි එතං භුත්වා වනෙ වස.
මංසසූලා ච ද්වෙ ගොධා එකඤ්ච දධිවාරකං;
ඉදං බ්රාහ්මණ මෙ අත්ථි එතං භුත්වා වනෙ වස.