536. අකරම්හසතෙ කිච්චං යං බලං අහුවම්භසෙ,
මිගරාජ නාමො ත්යුත්ථු අපි කිඤ්චි ලභාමසෙ.
මිගරාජ නාමො ත්යුත්ථු අපි කිඤ්චි ලභාමසෙ.
537. මම ලොහිතභක්ඛස්ස නිච්චං ළුද්දානි කුබ්බතො,
දන්තන්තරගතො සන්තො තං බහුං යම්පි ජීවසි.
දන්තන්තරගතො සන්තො තං බහුං යම්පි ජීවසි.
538. අකතඤ්ඤුමකත්තාරං කතස්ස අප්පතිකාරකං,
යස්මිං කතඤ්ඤුතා නත්ථි නිරත්ථා තස්ස සෙවනා.
යස්මිං කතඤ්ඤුතා නත්ථි නිරත්ථා තස්ස සෙවනා.
539. යස්ස සම්මුඛචිණ්ණෙන මිත්තධම්මො න ලබ්භති,
අනුසුය්යමනක්කොසං සණිකං තම්හා අපක්කමෙ’ති.
අනුසුය්යමනක්කොසං සණිකං තම්හා අපක්කමෙ’ති.
8. ජවසකුණජාතකං.
540. සබ්බමිදං චරිමවතං උභො ධම්මං න පස්සරෙ,
උභො සකතියා චුතා යොචායං සජ්ඣාපයති.
යො ච ධම්මං අධීයති.
උභො සකතියා චුතා යොචායං සජ්ඣාපයති.
යො ච ධම්මං අධීයති.
541. සාලීන භොජනං භුඤෙජ සුචිං මංසූපසෙචනං,
තස්මා එතං න සෙවාමි ධම්මං ඉසීහි සෙවිතං.
තස්මා එතං න සෙවාමි ධම්මං ඉසීහි සෙවිතං.
542. පරිබ්බජ මහා ලොකො පචන්තඤ්ඤෙපි පාණිනො,
මා තං අධම්මො ආචරිතො අස්මා කුම්භමිවාභිදා.
මා තං අධම්මො ආචරිතො අස්මා කුම්භමිවාභිදා.
543. ධිරත්ථු තං යසලාභං ධනලාභඤ්ච බ්රාහ්මණ,
යා වුත්ති විනිපාතෙන අධම්මචරණෙන වා’ති.
යා වුත්ති විනිපාතෙන අධම්මචරණෙන වා’ති.
9. ඡවකජාතකං.
544. සසමුද්දපරියායං මහිං සාගරකුණ්ඩලං
න ඉච්ඡෙ සහනින්දාය එවං සය්හ විජානහි.
න ඉච්ඡෙ සහනින්දාය එවං සය්හ විජානහි.
545. ධිරත්ථු තං යසලාභං ධනලාභඤ්ච බ්රාහ්මණ,
යා වුත්ති විනිපාතෙන අධම්මචරණෙන වා.
යා වුත්ති විනිපාතෙන අධම්මචරණෙන වා.
546. අපි චෙ පත්තමාදාය අනාගාරො පරිබ්බජෙ,
සායෙව ජිවිකා සෙය්යො යා චාධම්මෙන එසනා.
සායෙව ජිවිකා සෙය්යො යා චාධම්මෙන එසනා.
547. අපි චෙ පත්තමාදාය අනාගාරො පරිබ්බජෙ,
අඤ්ඤං අහිංසයං ලොකෙ අපි රජ්ජෙන තං වරන්ති.
අඤ්ඤං අහිංසයං ලොකෙ අපි රජ්ජෙන තං වරන්ති.
10. සය්හජාතකං.
විවරවග්ගො පඨමො.
තස්සුද්දානං:
විවරඤ්ච අදෙය්යසමිද්ධවරං
අථ දද්දරපාපමහාතිරහො,
අථ කොලිපලාසමරඤ්ච කර
චරිමං සසමුද්දවරෙන දස.
අථ දද්දරපාපමහාතිරහො,
අථ කොලිපලාසමරඤ්ච කර
චරිමං සසමුද්දවරෙන දස.