333. ආසීවිසං මමං සන්තං පවිට්ඨං කුමිනාමුඛං,
රුච්චතෙ හරිතා මාතා යං මං ඛාදන්ති මච්ඡකා
රුච්චතෙ හරිතා මාතා යං මං ඛාදන්ති මච්ඡකා
334. විලුම්පතෙව පුරිසො යාවස්ස උපකප්පති.
යදා චඤ්ඤෙ විලුම්පන්ති සො විලුත්තො විලුප්පතී’ති.
යදා චඤ්ඤෙ විලුම්පන්ති සො විලුත්තො විලුප්පතී’ති.
9. හරිතමාතුජාතකං.
335. සබ්බො ජනො හිංසිතො පිඞ්ගලෙන
තස්මිං මතෙ පච්චයං වෙදයන්ති,
පියො නු තෙ ආසි අකණ්හනෙත්තො
කස්මා නු ත්වං රොදසි ද්වාරපාල.
තස්මිං මතෙ පච්චයං වෙදයන්ති,
පියො නු තෙ ආසි අකණ්හනෙත්තො
කස්මා නු ත්වං රොදසි ද්වාරපාල.
336. න මෙ පියො ආසි අකණ්හනෙත්තො
භායාමි පච්චාගමනාය තස්ස
ඉතො ගතො හිංසෙය්ය මච්චුරාජං
සො හිංසිතො ආනෙය්ය පුන ඉධ.
භායාමි පච්චාගමනාය තස්ස
ඉතො ගතො හිංසෙය්ය මච්චුරාජං
සො හිංසිතො ආනෙය්ය පුන ඉධ.
337. දඩ්ඪො වාහසහස්සෙහි සිත්තො ඝටසතෙහි සො,
පරික්ඛතා ච සා භූමි මා භායි නාගමිස්සතී’ති.
පරික්ඛතා ච සා භූමි මා භායි නාගමිස්සතී’ති.
10. මහාපිඞ්ගලජාතකං.
උපාහනවග්ගො නවමො.
තස්සුද්දානං:
වරුපාහනඛුජ්ජවිකණ්ණකකො
අසිතාභූයා පඤ්චම වච්ඡනඛො,
දිප්පෙමවරුත්තම එකපදං.
කුමිනාමුඛපිඞ්ගලකෙන දසාති.
අසිතාභූයා පඤ්චම වච්ඡනඛො,
දිප්පෙමවරුත්තම එකපදං.
කුමිනාමුඛපිඞ්ගලකෙන දසාති.
10. සිගාලවග්ගො
338. සිගාලො මානත්ථද්ධොව පරිවාරෙන අත්ථිකො
පාපුණී මහතිං භූමිං රාජාසි සබ්බදාඨිනං
පාපුණී මහතිං භූමිං රාජාසි සබ්බදාඨිනං
339. එවමෙවං මනුස්සෙසු යො හොති පරිවාරවා,
සො හි තත්ථ මහා හොති සිගාලො විය දාඨින’න්ති
සො හි තත්ථ මහා හොති සිගාලො විය දාඨින’න්ති
1. සබ්බදාඨජාතකං.
340. බාලො වතායං සුනඛො යො වරත්තං න ඛාදති,
බන්ධනා ච පමුඤ්චෙය්ය අසිතො ච ඝරං වජෙ.
බන්ධනා ච පමුඤ්චෙය්ය අසිතො ච ඝරං වජෙ.
341. අට්ඨිතං මෙ මනස්මිං මෙ අථො මෙ හදයෙ කතං,
කාලඤ්ච පතිකඞ්ඛාමි යාව පස්සුපතූ ජනොති.
කාලඤ්ච පතිකඞ්ඛාමි යාව පස්සුපතූ ජනොති.
2. සුනඛජාතකං.
342. සත්තතන්තිං සුමධුරං රාමණෙය්යං අවාචයිං,
සො මං රඞ්ගම්භි අව්හෙති සරණං මෙ හොහි කොසිය.
සො මං රඞ්ගම්භි අව්හෙති සරණං මෙ හොහි කොසිය.
343. අහං තං සරණං සම්ම අහමාචරිය පූජකො,
න තං ජයිසස්ති සිස්සො සිස්සමාචරිය ජෙස්සසී’ති.
න තං ජයිසස්ති සිස්සො සිස්සමාචරිය ජෙස්සසී’ති.
3. ගුත්තිලජාතකං.
344. යං පස්සති න තං ඉච්ඡති
යඤ්ච න පස්සති තං කිර ඉච්ඡති,
මඤ්ඤාමි චිරං චරිස්සති
න හි තං ලච්ඡති යං සො ඉච්ඡති.
යඤ්ච න පස්සති තං කිර ඉච්ඡති,
මඤ්ඤාමි චිරං චරිස්සති
න හි තං ලච්ඡති යං සො ඉච්ඡති.