327. භද්දකො වත යං පක්ඛි ද්විජො කුමුදසන්නිභො
වූපසන්තෙහි පක්ඛෙහි මන්දමන්දොව ඣායති.
වූපසන්තෙහි පක්ඛෙහි මන්දමන්දොව ඣායති.
328. නාස්ස සීලං විජානාථ අනඤ්ඤාය පසංසථ,
අම්හෙ දිජො න පාලෙති තෙන පක්ඛී න ඵන්දතී’ති.
අම්හෙ දිජො න පාලෙති තෙන පක්ඛී න ඵන්දතී’ති.
6. බකජාතකං.
329. කො නු ඛො භගවා හෙතු එකච්චෙ ඉධ පුග්ගලෙ,
අතීව හදයං නිබ්බාති චිත්තඤ්චාපි පසීදති.
අතීව හදයං නිබ්බාති චිත්තඤ්චාපි පසීදති.
330. පුබ්බෙව සන්නිවාසෙන පච්චුප්පන්නහිතෙන වා,
එවං තං ජායතෙ පෙමං උප්පලංව යථොදකෙ’ති.
එවං තං ජායතෙ පෙමං උප්පලංව යථොදකෙ’ති.
7. සාකෙතජාතකං.
331. ඉඞ්ඝ එකපදං තාත අනෙකත්ථපදනිස්සිතං,
කිඤ්චි සඞ්ගාහිකං බ්රූහි යෙනත්ථෙ සාවයාමසෙ.
කිඤ්චි සඞ්ගාහිකං බ්රූහි යෙනත්ථෙ සාවයාමසෙ.
332. දක්ඛෙය්යෙකපදං තාත අනෙකත්ථ පදස්සිතං,
තඤ්ච සීලෙන සංයුත්තං ඛන්තියා උපපාදිතං.
අලං මිත්තෙ සුඛාපෙතුං අමිත්තානං දුඛාය චාති.
තඤ්ච සීලෙන සංයුත්තං ඛන්තියා උපපාදිතං.
අලං මිත්තෙ සුඛාපෙතුං අමිත්තානං දුඛාය චාති.
8. එකපදජාතකං.
333. ආසීවිසං මමං සන්තං පවිට්ඨං කුමිනාමුඛං,
රුච්චතෙ හරිතා මාතා යං මං ඛාදන්ති මච්ඡකා
රුච්චතෙ හරිතා මාතා යං මං ඛාදන්ති මච්ඡකා
334. විලුම්පතෙව පුරිසො යාවස්ස උපකප්පති.
යදා චඤ්ඤෙ විලුම්පන්ති සො විලුත්තො විලුප්පතී’ති.
යදා චඤ්ඤෙ විලුම්පන්ති සො විලුත්තො විලුප්පතී’ති.
9. හරිතමාතුජාතකං.
335. සබ්බො ජනො හිංසිතො පිඞ්ගලෙන
තස්මිං මතෙ පච්චයං වෙදයන්ති,
පියො නු තෙ ආසි අකණ්හනෙත්තො
කස්මා නු ත්වං රොදසි ද්වාරපාල.
තස්මිං මතෙ පච්චයං වෙදයන්ති,
පියො නු තෙ ආසි අකණ්හනෙත්තො
කස්මා නු ත්වං රොදසි ද්වාරපාල.
336. න මෙ පියො ආසි අකණ්හනෙත්තො
භායාමි පච්චාගමනාය තස්ස
ඉතො ගතො හිංසෙය්ය මච්චුරාජං
සො හිංසිතො ආනෙය්ය පුන ඉධ.
භායාමි පච්චාගමනාය තස්ස
ඉතො ගතො හිංසෙය්ය මච්චුරාජං
සො හිංසිතො ආනෙය්ය පුන ඉධ.
337. දඩ්ඪො වාහසහස්සෙහි සිත්තො ඝටසතෙහි සො,
පරික්ඛතා ච සා භූමි මා භායි නාගමිස්සතී’ති.
පරික්ඛතා ච සා භූමි මා භායි නාගමිස්සතී’ති.
10. මහාපිඞ්ගලජාතකං.
උපාහනවග්ගො නවමො.
තස්සුද්දානං:
වරුපාහනඛුජ්ජවිකණ්ණකකො
අසිතාභූයා පඤ්චම වච්ඡනඛො,
දිප්පෙමවරුත්තම එකපදං.
කුමිනාමුඛපිඞ්ගලකෙන දසාති.
අසිතාභූයා පඤ්චම වච්ඡනඛො,
දිප්පෙමවරුත්තම එකපදං.
කුමිනාමුඛපිඞ්ගලකෙන දසාති.