311. තයො ගිරිං අන්තරං කාමයාමි
පඤ්චාලා කුරුයො කෙකකෙ ච,
තතුත්තරිං බ්රාහ්මණ කාමයාමි
තිකිච්ඡ මං බ්රාහ්මණ කාමනීතං.
පඤ්චාලා කුරුයො කෙකකෙ ච,
තතුත්තරිං බ්රාහ්මණ කාමයාමි
තිකිච්ඡ මං බ්රාහ්මණ කාමනීතං.
312. කණ්හාහි දට්ඨස්ස කරොන්ති හෙකෙ
අමනුස්සවද්ධස්ස කරොන්ති පණ්ඩිතා,
න කාමනීතස්ස කාරොති කොචි
ඔක්කන්තසුක්කස්ස හි කා තිකිච්ඡා’ති.
අමනුස්සවද්ධස්ස කරොන්ති පණ්ඩිතා,
න කාමනීතස්ස කාරොති කොචි
ඔක්කන්තසුක්කස්ස හි කා තිකිච්ඡා’ති.
8. කාමනීතජාතකං
313. ගජග්ගමෙඝෙහි හයග්ගමාලිහි
රථූමිජාතෙහි සරාහිවස්සහි,
ථරුග්ගහාවට්ටදළ්හප්පහාරිහි
පරිවාරිතා තක්කසිලා සමන්තතො.
රථූමිජාතෙහි සරාහිවස්සහි,
ථරුග්ගහාවට්ටදළ්හප්පහාරිහි
පරිවාරිතා තක්කසිලා සමන්තතො.
314. අභිධාවථා ච පතථා ව
විවිධවිනදිතා ච දන්තිහි,
වත්තතජ්ජ තුමුලො ඝොසො
යථා විජ්ජුතා ජලධරස්ස ගජ්ජතොති.
විවිධවිනදිතා ච දන්තිහි,
වත්තතජ්ජ තුමුලො ඝොසො
යථා විජ්ජුතා ජලධරස්ස ගජ්ජතොති.
9. පලාසිජාතකං.
315. ධජමපරිමිතං අනන්තපාරං.
දුප්පසහං ධඞ්කෙහි සාගරමිව,
ගිරිමිව අනිලෙන දුප්පසහො
දුප්පසහො අහමජ්ජ තාදිසෙන
දුප්පසහං ධඞ්කෙහි සාගරමිව,
ගිරිමිව අනිලෙන දුප්පසහො
දුප්පසහො අහමජ්ජ තාදිසෙන
316. මා බාලියං විප්පලපි න හිස්ස තාදිසං
විළය්හසෙ න හි ලභසෙ නිසෙධකං,
ආසජ්ජසි ගජමිව එකචාරිනං
යො තං පාදා නළමිව පොථයිස්සතී’ති,
විළය්හසෙ න හි ලභසෙ නිසෙධකං,
ආසජ්ජසි ගජමිව එකචාරිනං
යො තං පාදා නළමිව පොථයිස්සතී’ති,
10. දුතියපලාසිජාතකං.
කාසාවවග්ගො අට්ඨමො.
තස්සුද්දානං:
වරවත්ථචොදුමඛීණාඵලං
චතුරො ධම්මවරංපුරිසුත්තම,
ධඞ්කමගධා ච තයො ගිරිනාම
ගජග්ගවරොධජවරෙන දස.
චතුරො ධම්මවරංපුරිසුත්තම,
ධඞ්කමගධා ච තයො ගිරිනාම
ගජග්ගවරොධජවරෙන දස.
9. උපාහනවග්ගො
317. යථාපි කීතා පුරිසස්සුපාහනා
සුඛස්ස අත්ථාය දුඛං උදබ්බහෙ,
ඝම්මාභිතත්තා තලසා පපීළිතා
තස්සෙව පාදෙ පුරිසස්ස ඛාදරෙ.
සුඛස්ස අත්ථාය දුඛං උදබ්බහෙ,
ඝම්මාභිතත්තා තලසා පපීළිතා
තස්සෙව පාදෙ පුරිසස්ස ඛාදරෙ.
318. එවමෙව දුක්කුලීනො අනරියො
තම්හාකවිජ්ජඤ්ච සුතඤ්චමාදිය,
තමෙව සො තත්ථ සුතෙන ඛාදති
අනරියො වුච්චති පානදුපමොති.
තම්හාකවිජ්ජඤ්ච සුතඤ්චමාදිය,
තමෙව සො තත්ථ සුතෙන ඛාදති
අනරියො වුච්චති පානදුපමොති.
1. උපාහනජාතකං.
319. එකචින්තිතොව අයමත්ථො බාලො අපරිනායකො,
න හි ඛුජ්ජෙන වාමෙන භොති සඞ්ගනතුමරහසි.
න හි ඛුජ්ජෙන වාමෙන භොති සඞ්ගනතුමරහසි.
320. පුරිසූසභං මඤ්ඤමානා අහං ඛුජ්ජමකාමයිං
සොයං සඞ්කුචිතො සෙති ඡින්නතන්ති යථා ථුණාති.
සොයං සඞ්කුචිතො සෙති ඡින්නතන්ති යථා ථුණාති.
2. වීණාථූණජාතකං
321. කාමං යහිං ඉච්ඡසි තෙන ගච්ඡ
විද්ධොසි මම්මම්හි විකණ්ණකෙන,
හතොසි භත්තෙන සවාදිතෙන
ලොලො ච මච්ඡෙ අනුබන්ධමානො
විද්ධොසි මම්මම්හි විකණ්ණකෙන,
හතොසි භත්තෙන සවාදිතෙන
ලොලො ච මච්ඡෙ අනුබන්ධමානො
322. එවම්පි ලොකාමිසං ඔපතන්තො,
විහඤ්ඤති චිත්තවසානුවත්තී,
සො හඤ්ඤති ඤාතිසඛානමජ්ඣෙ
මච්ඡානුගො සොරිව සුංසුමාරොති.
විහඤ්ඤති චිත්තවසානුවත්තී,
සො හඤ්ඤති ඤාතිසඛානමජ්ඣෙ
මච්ඡානුගො සොරිව සුංසුමාරොති.
3. විකණ්ණකජාතකං