303. යස්සෙතෙ චතුරො ධම්මා වානරින්ද යථා තව,
සච්චං ධම්මො ධිතී චාගො දිට්ඨං සො අතිවත්තති.
සච්චං ධම්මො ධිතී චාගො දිට්ඨං සො අතිවත්තති.
304. යස්ස චෙතෙ න විජ්ජන්ති ගුණා පරමභද්දකා,
සච්චං ධම්මො ධිතී චාගො දිට්ඨිං සො නාතිවත්තතී’ති.
සච්චං ධම්මො ධිතී චාගො දිට්ඨිං සො නාතිවත්තතී’ති.
4. කුම්භීලජාතකං.
305. අත්ථි මෙ පුරිසො දෙව සබ්බකිච්චෙසු ව්යාවටො,
තස්ස චෙකො පරාධත්ථි තත්ථ ත්වං කින්ති මඤ්ඤසි.
තස්ස චෙකො පරාධත්ථි තත්ථ ත්වං කින්ති මඤ්ඤසි.
306. අම්හාකම්පත්ථි පුරිසො එදිසො ඉධ විජ්ජති,
දුල්ලභො අඞ්ගසම්පන්නො ඛන්තිරස්මාක රුච්චතීති.
දුල්ලභො අඞ්ගසම්පන්නො ඛන්තිරස්මාක රුච්චතීති.
5. ඛන්තිවණ්ණනජාතකං.
307. කාලෙ නික්ඛමනා සාධු නාකාලෙ සාධු නික්ඛමො,
අකාලෙන හි නික්ඛම්ම එකකම්පි බහුජනො,
න කිඤ්චි අත්ථං ජොතෙති ධංකසෙනාව කොසියං.
අකාලෙන හි නික්ඛම්ම එකකම්පි බහුජනො,
න කිඤ්චි අත්ථං ජොතෙති ධංකසෙනාව කොසියං.
308. ධීරො ච විධිවිධානඤ්ඤූ පරෙසං විවරන්තගු,
සබ්බාමිත්තෙ වසීකත්වා කොසියොව සුඛී සියා’ති.
සබ්බාමිත්තෙ වසීකත්වා කොසියොව සුඛී සියා’ති.
6. කොසියජාතකං.
309. සූරො සූරෙන සඞ්ගම්ම වික්කන්තෙන පහාරිනා,
එහි නාග නිවත්තස්සු කින්නු භීතො පලායසි?
පස්සන්තු අඞ්ගමගධා මම තුය්හඤ්ච වික්කමං.
එහි නාග නිවත්තස්සු කින්නු භීතො පලායසි?
පස්සන්තු අඞ්ගමගධා මම තුය්හඤ්ච වික්කමං.
310. න තං පාදා වධිස්සාමි න දන්තෙහි න සොණ්ඩියා,
මීළ්හෙන තං වධිස්සාමි පූති හඤ්ඤතු පූතිනා’ති.
මීළ්හෙන තං වධිස්සාමි පූති හඤ්ඤතු පූතිනා’ති.
7. ගූථපාණකජාතකං.
311. තයො ගිරිං අන්තරං කාමයාමි
පඤ්චාලා කුරුයො කෙකකෙ ච,
තතුත්තරිං බ්රාහ්මණ කාමයාමි
තිකිච්ඡ මං බ්රාහ්මණ කාමනීතං.
පඤ්චාලා කුරුයො කෙකකෙ ච,
තතුත්තරිං බ්රාහ්මණ කාමයාමි
තිකිච්ඡ මං බ්රාහ්මණ කාමනීතං.
312. කණ්හාහි දට්ඨස්ස කරොන්ති හෙකෙ
අමනුස්සවද්ධස්ස කරොන්ති පණ්ඩිතා,
න කාමනීතස්ස කාරොති කොචි
ඔක්කන්තසුක්කස්ස හි කා තිකිච්ඡා’ති.
අමනුස්සවද්ධස්ස කරොන්ති පණ්ඩිතා,
න කාමනීතස්ස කාරොති කොචි
ඔක්කන්තසුක්කස්ස හි කා තිකිච්ඡා’ති.
8. කාමනීතජාතකං
313. ගජග්ගමෙඝෙහි හයග්ගමාලිහි
රථූමිජාතෙහි සරාහිවස්සහි,
ථරුග්ගහාවට්ටදළ්හප්පහාරිහි
පරිවාරිතා තක්කසිලා සමන්තතො.
රථූමිජාතෙහි සරාහිවස්සහි,
ථරුග්ගහාවට්ටදළ්හප්පහාරිහි
පරිවාරිතා තක්කසිලා සමන්තතො.
314. අභිධාවථා ච පතථා ව
විවිධවිනදිතා ච දන්තිහි,
වත්තතජ්ජ තුමුලො ඝොසො
යථා විජ්ජුතා ජලධරස්ස ගජ්ජතොති.
විවිධවිනදිතා ච දන්තිහි,
වත්තතජ්ජ තුමුලො ඝොසො
යථා විජ්ජුතා ජලධරස්ස ගජ්ජතොති.
9. පලාසිජාතකං.
315. ධජමපරිමිතං අනන්තපාරං.
දුප්පසහං ධඞ්කෙහි සාගරමිව,
ගිරිමිව අනිලෙන දුප්පසහො
දුප්පසහො අහමජ්ජ තාදිසෙන
දුප්පසහං ධඞ්කෙහි සාගරමිව,
ගිරිමිව අනිලෙන දුප්පසහො
දුප්පසහො අහමජ්ජ තාදිසෙන
316. මා බාලියං විප්පලපි න හිස්ස තාදිසං
විළය්හසෙ න හි ලභසෙ නිසෙධකං,
ආසජ්ජසි ගජමිව එකචාරිනං
යො තං පාදා නළමිව පොථයිස්සතී’ති,
විළය්හසෙ න හි ලභසෙ නිසෙධකං,
ආසජ්ජසි ගජමිව එකචාරිනං
යො තං පාදා නළමිව පොථයිස්සතී’ති,
10. දුතියපලාසිජාතකං.
කාසාවවග්ගො අට්ඨමො.
තස්සුද්දානං:
වරවත්ථචොදුමඛීණාඵලං
චතුරො ධම්මවරංපුරිසුත්තම,
ධඞ්කමගධා ච තයො ගිරිනාම
ගජග්ගවරොධජවරෙන දස.
චතුරො ධම්මවරංපුරිසුත්තම,
ධඞ්කමගධා ච තයො ගිරිනාම
ගජග්ගවරොධජවරෙන දස.