293. හිරඤ්ඤං මෙ සුවණ්ණං මෙ එසා රත්තිං දිවා කථා,
දුම්මෙධානං මනුස්සානං අරියධම්මං අපස්සතං.
දුම්මෙධානං මනුස්සානං අරියධම්මං අපස්සතං.
294. ද්වෙ ද්වෙ ගහපතයො ගෙහෙ එකො තත්ථ අමස්සුකො,
ලම්බත්ථනො වෙණිකතො අථො අඞ්කීතකණ්ණකො
කීතො ධනෙන බහුනා සො තං විතුදතෙ ජනන්ති.
ලම්බත්ථනො වෙණිකතො අථො අඞ්කීතකණ්ණකො
කීතො ධනෙන බහුනා සො තං විතුදතෙ ජනන්ති.
9. ගරහිතජාතකං.
295. සුඛං ජීවිතරූපොසි රට්ඨා විවනමාගතො,
සො එකකො අරඤ්ඤස්මිං රුක්ඛමූලෙ කපණො විය ඣායසි
සො එකකො අරඤ්ඤස්මිං රුක්ඛමූලෙ කපණො විය ඣායසි
296. සුඛං ජිවිතරූපොස්මි රට්ඨා විවනමාගතො,
සො එකකො අරඤ්ඤස්මිං
රුක්ඛමූලෙ කපණො විය ඣායාමි
සතං ධම්මං අනුස්සරන්ති
සො එකකො අරඤ්ඤස්මිං
රුක්ඛමූලෙ කපණො විය ඣායාමි
සතං ධම්මං අනුස්සරන්ති
10. ධම්මද්ධජජාතකං.
බීරණත්ථම්භකවග්ගො සත්තමො.
තස්සුද්දානං:
අථ බීරණත්ථම්භවරො ච නටො
භරුරාජවරුත්තමපුණ්ණනදී,
බහුභාණී අග්ගි පවනෙ මූසිකා
සහලම්බත්ථනො කපණෙන දස.
භරුරාජවරුත්තමපුණ්ණනදී,
බහුභාණී අග්ගි පවනෙ මූසිකා
සහලම්බත්ථනො කපණෙන දස.
8. කාසාවවග්ගො
297. අනික්කසාවො කාසාවං යො වත්ථං පරිදහෙස්සති,
අපෙතො දමසච්චෙන න සො කාසාවමරහති.
අපෙතො දමසච්චෙන න සො කාසාවමරහති.
298. යො ච වන්තකසාවස්ස සීලෙසු සුසමාහිතො,
උපෙතො දමසච්චෙන ස වෙ කාසාවමරහතී’ති.
උපෙතො දමසච්චෙන ස වෙ කාසාවමරහතී’ති.
1. කාසාවජාතකං.
299. ඉදං තදාචරියවචො පාරාසරියො යදබ්රවි,
මා සු ත්වං අකරා පාපං යං ත්වං පච්ඡා කතං තපෙ
මා සු ත්වං අකරා පාපං යං ත්වං පච්ඡා කතං තපෙ
300. යානි කාරොති පුරිසො තානි අත්තනි පස්සති,
කල්යාණකාරී කල්යාණං පාපකාරී ච පාපකං,
යාදිසං වපතෙ ඛිජං තාදිසං හරතෙ ඵලන්ති.
කල්යාණකාරී කල්යාණං පාපකාරී ච පාපකං,
යාදිසං වපතෙ ඛිජං තාදිසං හරතෙ ඵලන්ති.
2. චූළනන්දියජාතකං.
301. නමෙ නමන්තස්ස භජෙ භජන්තං
කිච්චානුකුබ්බස්ස කරෙය්ය කිච්චං,
නානත්ථකාමස්ස කාරෙය්ය අත්ථං
අසම්භජන්තම්පි න සම්භජෙය්ය
කිච්චානුකුබ්බස්ස කරෙය්ය කිච්චං,
නානත්ථකාමස්ස කාරෙය්ය අත්ථං
අසම්භජන්තම්පි න සම්භජෙය්ය
302. චජෙ චජන්තං වනථං න කයිරා
අපෙතචිත්තෙන න සම්භජෙය්ය,
දිජො දුමං ඛීණඵලන්ති ඤත්වා
අඤ්ඤං සමෙක්ඛෙය්ය මහා හි ලොකොති.
අපෙතචිත්තෙන න සම්භජෙය්ය,
දිජො දුමං ඛීණඵලන්ති ඤත්වා
අඤ්ඤං සමෙක්ඛෙය්ය මහා හි ලොකොති.
3. පුටභත්තජාතකං.